如果你slim的定義跟我一樣的話..
咁永利多、嘉飛、金鑽龍華實食冇黐牙
唔夠一千磅的slim馬緣是燦爛
表現都算係咁
長期做腳直至大敗

seabear兄
和諧大使這場馬可以研究下
馬匹狀態好
但如果處於興奮狀態下
係一樣會影響表現
原因係體力流失的問題

以香港現時的賽馬水準及競爭程度
這個因素不可以不加入考慮
馬匹興奮的話
體溫係會每分鐘上升一度
從而影響體力的流失
所以點解有時你地覺得馬匹狀態好
但又跑唔出水準
因為狀態比人好
但體力輸晒比人

馬匹興唔興奮
係睇條尾
對於馬尾既body langauge
書本有介紹過
不過我相信唔係好詳細

先講番和諧大使
如果像和諧大使般的狀態
但佢條尾出現 tails off 或 arched tail
老實講
我一定唔買
因為和諧大使整體 body language係話緊比我知
佢好有鬥心、好想跑、好興奮(體力流失中)!!

同場又有另一隻馬話比我知
佢好有鬥心、好想跑及最重要一點
就係好定(體力保持)
果隻馬就係嘉飛

你地可以比較下勇善勝及及嘉飛二隻馬條尾
其實嚴格黎講
馬匹條尾接近 flat先係好的因素!!!
我地只容許條尾近屁股的二節骨有反應
如果由第三節骨至尾尖第十八節骨有反應的話
就係代表馬匹興奮
興奮程度就係睇有幾多節骨有反應
所以點樣睇 prancing 馬好定唔好
就係睇條尾!!!

另外馬匹情緒受到干擾
一樣係條尾睇得出
所以快活谷跑馬其實好易賭
當馬匹聽到車聲
馬匹警覺性會提高
同時又會影響比賽的集中力
所以除左睇耳仔
就係睇條尾
如果見條尾有反應
其實隻馬又係有可能係受環境因素影響緊

我可以夠膽講
賭快活谷馬
快活谷特佳馬(conformation)係最著數
如果用body language揀馬的話
馬匹條頸超過45度
再加上馬匹不興奮
一定係要考慮的

紙上談兵完
實際又點呢
睇下贏得寶、金鑽龍華、福將臨門、至勇名駒、紅旗威揚
尾場跑一、二、三的馬匹係係唔係乎合這二個條件啦

seabear兄
不用客氣
如果有些睇法想印證
大家一齊研究下啦
可以在這裡講
或聚會時講也可以的

至於揀係前列返來的 prancing 馬
關鍵就係後馬蹄接觸地面果下動作

我口痕搭下咀

星期六入完場
講下二位練馬師尾的密碼

第一場鳥語花香
新馬我好著重腳的力度、情緒
鳥語花香力度冇問題
情緒都幾好
但條尾就過唔到我果關
隻馬我斷定係興奮
我怕會影響體力
所以刪左佢
跟住打鐘上馬
再重新觀察各馬匹
發覺唔見左隻鳥語花香
大摩又黎料啦
等各隻馬出晒沙圈後
我集中精神睇住大電視有沒有看到隻鳥語花香
結果看到了一個鏡頭佢企左係度
條尾係唔興奮
我點樣買就唔講了
這場只係得兩隻條尾冇問題的馬.....
有興趣研究馬匹body language既朋友
自己想下點解大摩要咁做?
入場睇馬的朋友
見到大摩的馬係行圈興奮
提早出沙圈
出左去冇興奮
麻煩大家拖番一票
會有驚喜

第二個驚喜就係南非練馬師
睇開馬的朋友就知佢喜歡將隻條馬尾"立"起
以前外國跑泥地
練馬師喜歡將馬尾用崩帶差不多整條紮起
目的係怕馬尾沾上泥
因為沾上泥
馬就會覺得周身唔自左而減慢速度
這位香港南非練馬師"立"起左條尾
造成一個我地所謂假AT的現象
我唔知這位練馬師目的
但肯定一樣野
隻馬速度一定比對手低
不過....
如果你地發現佢既馬只係tails off
或第五節骨開始
尾部垂直落地下
隻馬既速度就會還原
摸得熟的話
這位練馬師的馬絕對唔難中

最後
講下亞視基位評馬人
希望你地冇中招啦
佢猛評隻第一好運點樣身漲卜卜
又話好好火氣
我唔否定隻馬好火氣
但我同我的朋友講
隻馬興奮到極點
我估佢未跑已經冇左一半體力
買唔買你地自己諗
所以有朋友問
隻馬動作多、好急、好顛、好生究竟點分好唔好?
冇經驗及對馬匹身語言掌握得唔好的朋友
簡單點
睇下條尾都可以略知一二
總之睇完第一好運、危險英駿行圈時的動作
下一步要睇乜再決定揀唔揀
我想大家心裡有數了

謝謝!!