18/10/2025 櫻桃街 vs Edger 300 win 6:5 賽後報告
對賽往績
18/10/2025 win 6:5 - Alex / Hong / 14 / Chiu / 9 / Rodger ( 14 / 釗 / 許諾 )
18/10/2025 賽後報告 - Fat Wong
二打六作客櫻桃街 Edgar（新對手）
由於上週國際賽關係，哩場波二打六可謂傷疲盡起，有球員更加要飛19幾個鐘遲左返球會報到，仲有傷兵潮開波時二打六都未能排出最強陣容。
踢左一陣，二打六都仲未適應到對手既陰招：揀左邊陰地，我地個邊就2/3地太陽曬到仆街，個場地窄踢7人，因而有點不知所措，激到費占滿面通紅差少少就爆血管。
隨著費占吹風筒式狗吠既即場調動，不斷fine tune陣容，二打六開始漸漸被屌醒，藉着多次前場迫搶，質素始終高一班既二打六憑藉Alex同Hong自己迫自己偷自己搞掂埋領先2:0。
正當大家以為哩場波將會黎一場輕鬆大屠殺，少年你太年輕了。對手三扒兩撥短時間內追成2:2。
二打六急忙換入釗哥，佢同Andy一個組織，Andy輕鬆門前掃入再度領先3:2；但對方不慌不忙轉個頭又藉着二打六一次後場搓失，再度射破新龍羊既五指關，哩場波$18龍已經3番4次屢救險球但都被追成3:3。
喺哩個moment，球王Dee再顯足球智慧，又係同阿釗一個眉來眼去。球王Dee心明阿釗要射19幾球先入，所以佢企一個最有利既位置迫使釗要傳，佢又明白自己太易入既波係唔會想入，佢喺電光火石下果斷選擇跳起漏，個波慢流尾袋再度超前，同時佢都瀟洒地打卡提早離場睇謝老4。
為左鞏固勝局早d攞飯盒，費占前場狗衝成功迫甩對手並為二打六拉開成5:3。當時大家都以為二打六可以作客全取3分既時候，少年你又再太年輕了，$18龍羊忽然離場，令到場波仲有一些懸念。
通天老官阿簡喺二打六乜位都踢過，唔爭在試埋龍門，佢證明到俾大家睇佢唔係打唔到只係唔撚打，久違了既希基達棄關而出，球場內外都不斷有人叫空龍丫，阿簡一句：想要幾多球，出聲。轉個頭俾人中場射空門追平5:5。完場後，會方要求阿簡自首為哩場懷疑打假波案協助警方調查。
當時已經進入球賽既補時階段，二打六捧場客都正以為又要搣飛既時間，羅渣淡定有錢剩開個馬會apps補埋飛買埋個客勝，再自動請纓出場。當大家滿頭問號，此舉尤如今晚買曼聯一樣，點解要倒錢落海既時候，羅渣再以行動解答一切大家對佢既疑問。
用行動證明一切，正所謂家有一老如有一寶，二打六仲要有3老。3老知道羅渣重注即時發功，由中場開始組織再傳到阿釗腳下快速硬爆再橫傳羅渣，羅渣見到咁大舊叉燒，冷靜掃入空門，6:5開返個客勝。
失完球波，對面隊見下個timeslot無人想搏懵繼續踢求追和，費占睬你老傻一聲16:31夠鐘除衫拉隊走人，即時派彩穩住勝局。二打六作客險勝一場。完。
** attn. : 9 / Hong / 21 / 7 / 14 / 28 / Alex /許諾 / 釗/ Rodger / Helper簡 / 羊
[ 本帖最後由 no.14 於 6-12-2025 10:30 AM 編輯 ]
