|
河馬仔
銀牌會員
- 威望
- 1106
- 閱讀權限
- 50
- 註冊時間
- 23-9-2008
- 最後登錄
- 13-10-2010
|
1#
大 中
小 發表於 29-5-2010 11:16 PM 只看該作者
(河馬仔專欄)5月30日龍島甜點小食評論+三場+三寶分析
<河馬仔專欄>之『馬場對對子』飲食專欄又來啦!
『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的
『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!
馬場樂子：今年之母親節,我地有點慶祝呢?大家又係唔係好想知呢^^
馬場彩珠：飲茶我地好多時都會飲,母親節又飲茶就冇乜特別啦,由於媽媽較喜歡在節日中在家休息一下,所以都係買些少特別的東西啦.
馬場樂子：所以我地買了一些甜點小食一齊分享,度過了一個悠閒開心之母親節.
馬場彩珠：咁我地不如開估啦!
馬場樂子：今次個題目好長好長呢...
馬場彩珠：母親節一定要有"三寶"啦!
馬場樂子：咁講下頭關---雜苺蛋糕先.
馬場彩珠：朱古力蛋糕底都夠綿,上面的藍苺榚一層就較FIRM,唔太甜亦唔過酸,紅,藍,草苺皆有,驚喜唔多但平平穩穩.
馬場樂子：一磅蛋糕都夠四個人食呢.
看板娘---馬場樂子---對雜苺蛋糕之評分:
馬場樂子：次關呢?
馬場彩珠：俾個盒大家估下先!
馬場樂子：應該都要問估先,就係有朱古力的薯片呢.
馬場彩珠：朱古力COATING加上薯片,雖然唔係脆卜卜,但加上朱古力後味道幾香濃,味道變得有層次啦
馬場樂子：好香口呢.一路睇賽馬一路附近擺碟薯片,一大享受呢.
看板娘---馬場彩珠---對朱古力薯片之評分:
馬場樂子：尾關當然要找一些同母親節有關的標誌做尾聲啦.
馬場彩珠：母親節一定要有康乃馨啦.
馬場樂子：康乃馨及母親節之關係源於美國20世紀初呢,而康乃馨之花語其中一個都是對母親的愛啦.
馬場彩珠：咁今次枝花幾實只係個花食得,士多啤梨味,個樣又好靚噃.試下先.
馬場樂子+馬場彩珠：好甜呀........太甜啦..........
看板娘---馬場樂子---對士多啤梨朱古力康乃馨之評分:
馬場樂子+馬場彩珠：TO媽媽,身體健康,開開心心!
河馬仔第四,五,十一場心水選擇:
第四場:
11. 萬人迷 -雖然此駒都令到好多捧場客輸到舉白旗,而表面上此駒就算近期狀態唔差但走勢仍未夠吸引.但前仗田草千二一入直路其實沿途有馬在前面之餘,真正望空之時間非常少.而上場田草千四沿途在外疊後排都唔知做緊乜,不過衝得實際唔差.今次去回千二才最合發揮,而今場對手,除未見底牌之新馬外充斥住一堆唔叻之馬.相反此駒減分過多,其實可以期待.
其餘選擇 :
2. 勁信心 - 上場可掟甩對手應唔係四班馬,晨操步大力雄更進步
1. 電訊巨星 - 苗廄參賽馬出泥閘係好先兆,按住都跑到22.0狀態頂尖
6. 普渡馗 - 當然此駒仍有需要進步之處,但繼承了CHARGE FORWARD子嗣有相當速度,放頭總好過連速度都冇
是場心水:
11. 萬人迷 - 2. 勁信心 - 1. 電訊巨星 - 6. 普渡馗
第五場:
8. 實業英雄 - 雖然以前隻實業家未能奪得此盃,但實業系賽駒多數都同大賽日有點緣份.此駒上場焗留後追上其實走勢可人,而一向此駒在外國根本係放頭跑,展現出鬥心強橫之餘耐力頗足.上次千四太短而已未能見真章,27號快跳兩段力度更有增而冇神情集中,有冷味
其餘選擇 :
7. 頭盤 - 細粒馬一變身已值得追,晨操已唔係以往個樣,只要唔瘦都係穩陣
10. 威武雄星 - 上兩場帝豪龍駒都捱得近都知唔慌有得追,此程今季曾贏到對手冇得跑,計三班仍有數糊能力
12. 廣友名駒 - 上場贏到對手又係冇得跑,而居民芝麻雪榚再跑原來咁勁,胡廄三隻之中以此駒較有好多個問號之大紫荊上算.
是場心水:
8. 實業英雄 - 7. 頭盤 - 10. 威武雄星 - 12. 廣友名駒
第十一場:
13. 包裝老友 -雖然揀此駒極度無厘頭,但今場對手其實大量都一樣揀唔落手.用雄仔騎一來可大減磅之餘,上場沿途三疊走外面,其實最後蝕位甚多之下都有維持走勢.越來越神化之馬只可睇狀態,拍超力駒一課一有欄隻馬鬥心極旺,可能因為呢兩場都比人頂在三疊跑才差得緊要.而開始起步慢慢轉慢之馬,如立心守在貝利高後,咁多快馬未必難跑
其餘選擇 :
5. 正毅 - 試草閘同香港頂班馬有得揮,係獨驚出閘常慢係最大隱憂
2. 卓爾非凡 - 上場地淋入內疊追都近,上場蝕位追亦唔差,計級數可在此群爭先
1. 貝利高 - 狀態又唔差,又可擺前走,負磅又唔重,可諗
是場心水:
13. 包裝老友 - 5. 正毅 - 2. 卓爾非凡 - 1. 貝利高
馬場彩珠三寶提供(總共廿七注)
第九場: 1. 開心自在 5. 友利多 14. 風動寶
第十場: 8. 揀得正 9. 銀太陽 12. 曬冷王
第十一場: 2. 卓爾非凡 5. 正毅 13. 包裝老友
馬場樂子為<河馬仔專欄>之看板娘接近一年了,係時候要增加一些成員,講飲講食講馬都係熱熱鬧鬧才似樣的,今次終於要介紹馬場樂子之孖生家姐--馬場彩珠登場了.
以後會夥拍馬場樂子參與賽馬及飲食專欄,今次推出登場WALLPAPER,馬場孖寶姐妹齊齊登場,祝大家馬場得意贏DOUBLE,情場得意相相對!
以下有兩個SIZE選擇,由河馬仔出品,夥拍同人組織---黑蛛白蛛一起設計,由黑蛛白蛛負責執筆繒畫:
有兩個SIZE供大家下載,用<共享創意署名-非商業性 3.0 香港授權條款>發放.
1650 X 1050:
http://img.hkheadline.com/headline/blog/album_photos/57/44/150556/1/201005052235213174_1600x1600.jpg
1024 X 768:
http://img.hkheadline.com/headline/blog/album_photos/57/44/150556/1/201005052234547587_1600x1600.jpg
 賽日密馬 © All rights reserved.
|
