我不是什麼高手，但在HRC四年學了不少東西去改進糸統。
我上年在投注操練好馬成績不俗，亦錄得多年賽馬歷程中少有的盈餘。
自從一眾HRC熱心會員無私分享而看著STF出世，開始覺得以前自己的方法有甚多不足之處。
現在所感受的，原來賽馬世界並沒有一瓣是獨大。
要成功始終需要團結和集大成。
我以前倚重操練，但很多時贏運氣多於實力。
現在有了STF, 發覺若能綜合分析，取長棄短，縮窄範圍，集中注碼，有糸統選馬和投注方為正路及上策。
長年累月的儲存數據，經驗告訴我要搵到一條Form去賭並不困難，最困難的莫過於每次update data及給予量化評分。
現在我們投注熱門及半冷門，彩池也只有獨贏，反樸歸真齋買Win, 效果是超乎想像的好！

你們有什麼心得分享和投注方法呢？
大家不妨討論討論。

[ 本帖最後由 coffee 於 20-11-2009 07:27 PM 編輯 ]

玩win ,place

我係搵一D蝕位,蝕步速而跑近既馬,再加上操練去搵的

有時計算在內, 有時意料之外,
特別係呢一代香港賽馬更甚, 跑馬始終跑形勢,
以前贏一場馬加十幾廿分濕濕碎, 而家一場加十分都嘩嘩聲,
以前一分一磅, 而家都係, 可想而知而家o的馬實力幾接近,
認清實力, 了解特性, 分析形勢, 狀態配合, 無往不利, 但......談何容易!!!

坦白講，現今跑馬齋買win極不值搏,除非係過10倍泠win,因馬房去馬第二,三個又會去,加上騎師走位同陣上意外多種因素,有時多駒一齊衝線下影相輸Q左,果度氣真係頂上心口,故此我慣常投注方式乃win,Q,T大包圍,就算隻心水胆不幸跑第二都望中番條Q補數,苦再不幸跑第三都希望中番條複式胆T,係就係犯本d,但你將心水買win既注碼拆散黎甘買,有時收鑊分分鐘仲多過你齊買win,比如紅封包呢d馬,臨塲得果廿皮,真係睇見都5開胃,就算明知win梗都犯不著瞓身買win,倒不如諗下d冷脚仲好,不過始終投注方式各師各法,個人就極5鐘意單塲齊買win甘dry嘞!

再講揀馬方式,我比較著重留意同場出馬佈局,騎師選馬,繼而看操練,而對於段速呢門學問水平近乎零,所以以後真係要跟幾位版主學下野

我主要都係操練同整場步速度選馬
同埋一場咪有大熱Q
如果大熱Q過10倍,通常2隻熱門都死曬,爆冷野
如大熱Q低過7倍內,大熱/次熱其中一隻會好穩陣,但當然要分清楚邊D係假熱門
我就會買單T/F4 1拖6咁買

最近研究上次落飛失手馬，再睇下帶找出原因所在，今次再出加強配增程縮程我會特別留意。特別是跑法錯的馬。放頭馬放不出頭，中置馬留太後。後勁馬放頭跑，輸左下次好分頭啊，還有一的內欄塞車。或上次遇上不利步速死火的馬。

田兄，我的觀點跟你完全對立。如有冒犯，還請原諒。

我堅持買W才是非專業馬迷贏錢之道。14隻馬，14個不同機會。要掌握，比Q 91一比，易得多了！再加上20倍以上馬的W負回報率，一場只要望7~8隻賭W，勝算提高。
至於何為有利？一季下來，能贏就是勝利！用結果來判斷，就是這樣簡單。

多個馬房去馬，影相輸一定有。但影相贏的一樣有！
買Q一樣會影相，憑多少運氣決定個別得失。
Random and error 必然存在。但一季下來，effect tend to zero 就可以了。這點非人力可控。
拆散注碼買QT，可以說是以降落回報來換取命中率。當然，如有實力，如能長期比公眾看通Q的機會，在我的眼中已是超級高手了，千中無一。

想贏，多買W。

有膽有腳, 買Win, Qin保險
有膽冇腳, 買Win, Pla保險
勢均力敵, 買Qin, 小注互串
海軍水兵, 買包花生睇跑馬

Win低過2倍唔買, Qin以對沖方式買
三重彩三T都可以買, 不過要以六合彩心態黎買