小保加出動「公仔球迷」撐場面

小保加今個星期日大戰河床全阿根廷矚目，兩隊波嘅粉絲晨早已經期待緊呢場「超級經典戰」到臨，搞到對近期比賽嘅熱情減弱，小保加上場迎戰學生隊場波，就罕有咁喺觀眾席出現大量吉位。有見及此，小保加官員竟然諗出放「公仔球迷」出嚟撐場，龍門後面看台一大批「擁躉」全部都係公仔！冇耐前被統計出打氣聲達「黎克特制」級數嘅小保加球迷，睇嚟係養精蓄銳，準備同河床球迷鬥嗌！