支持.................

度左成晚,今日真係成個9月最頭痛,毫無重心~~~

最後選左第8場作分析,訓醒交貨

引用:

原帖由 思琳 於 26-9-2007 06:50 AM 發表
度左成晚,今日真係成個9月最頭痛,毫無重心~~~

最後選左第8場作分析,訓醒交貨

支持....你 小品精貨...支持

第8場 三班1400米

出馬12匹,同場有7匹曾勝同程,另有一匹初跑此程,當中10匹馬已經跑了兩季以上,實力平均~~~陣中有八匹馬今季初出,一匹今季已經勝出,值得留意

1寶樹多盈---泥優於草,早年憑質於草地勝出,現實力見盡,用上黎海榮亦負127磅,排十二檔,於此場賽事甚不利

2大圓機---跑了兩季,以田1400和谷1650最好,跑法機動,加上貼欄守3,4位是最佳跑法,可惜是今場負131磅,機會稍減,有入二至四名機會

3同一夢想---4歲質新馬,只跑過5場,全是1600或以上,今季降下三班,初跑1400,實力仍未顯露,操練一直完整,用上楊啟棠排二檔,一路奇兵

4綠駿之威---谷草1650怪傑,未曾在田草入位,評分已盡,不看好其機會

5耀目---1400正宗馬,上季曾於同程贏時尚風采,實力於三班穩定,今仗好檔配韋達 ,三甲機會大

6夠信心---亦是擅長1400馬,可惜曾流鼻血,上季由神仙轉去大告未有轉機,多次大敗,操練亦不是大告的好操練,無咩機會

7同歡笑,跑過兩次1400未贏,走勢一般,未見任何特出之處

8閃電駒---又是一匹谷草馬,跑了三季多田草,只得一席第三,今仗排11檔要後上,不看好

9八逢九紫---大熱門馬,只跑過兩仗的4歲質新馬,兩仗也是1400,尾二百米走勢強勁,但有步速之助,此馬仍十分稚嫩,常人馬角力,今仗無馬特出,即被熱捧??李巫合作成績好,勉可做腳

10添喜悅---田谷皆能,三班中堅,可惜要放得出才是最佳跑法,今次可能有形勢之助,有機會走入3-5名

11瀟灑王子---今季初出即勝1400,實力止於三班,但馬勇又有一場熱身,一檔有利,只要不留太後,仍可一爭

12新強之寶---8 歲老馬,已經由一班趺到落黎三班,戰鬥力仍在,減多兩分就可以降入四班,戰意難測,但此場機會不錯輕磅檔好,可跟守好位,有機會挨到2-4名

此場並無快放馬,步速估計會慢,對跟守好位和前領馬增加機會,相反後上馬可能未能發揮了

此場決定用耀目做膽拖大圓機,新強之寶

完全失敗,真丟臉

引用:

原帖由 思琳 於 29-9-2007 03:45 AM 發表
完全失敗,真丟臉

慢慢黎...思琳兄/妹努力!

十月一日是國慶大賽日,大量明星馬出賽,相當精彩,但卻鬧騎師荒,很多騎師停賽和受傷,令形勢變得有點不明郎,告仔和大摩星味十足,李易達出足十場,似有圖謀,當旺馬房,值得留意

第2場     重慶讓賽  第3班, 草地, "C+3" , 1600米

出馬只有十匹,五匹今季初出,未有勝出之馬,而全組馬有二,三匹較突出,可以信賴.....但留意這場是無步速場合,無一匹正宗前領馬,十匹都是居中或後上型馬匹,勝負取決於走位,估計只有浦紅之友最大機會放頭,極可能出現慢步速


1浦紅之友---1600只跑過三次,從未入位,但能於2000米入Q,長力不成問題,今季踏入五歲應仍有進步,韋達已騎五次,應熟悉馬匹性能,9月親試兩課泥閘,動態積極,是場無馬領放,具有前速而排10檔,應會跟前貼欄領放,如是可賺步速之利,3-5名機會大,對手失準亦可入Q,但有一點此駒三戰1600米所做時間都未達三班水準

2凱風---上季多番在慢步速追入位置,本身last一段常可做到23秒5以內,上季更做出22秒8,後勁值得信賴,本身6戰1600米,得兩冠兩亞,兩戰落第合共亦只輸3-3/4馬位,只程相當準繩,另一點值得留意,6戰1600米亦由巫師操刀,今原裝配搭,值得信賴,屬爭勝份子

3驍勇奔騰---來港已經第三季,只在第一季取得兩冠兩季,田草1600有一勝紀錄,但該仗是在黏軟地作賽,看往績跑好至快地會稍差,上季全數落敗,現評71分,比起最後一次贏馬低6分,今季2戰谷1650都有返追勢,在此已有能力一爭,但慢步速會影響發揮

4有聲氣---留前鬥後的馬匹,可惜尾段做出時間不算特出,雖可衝一段常近,但在此已無任何優勢,未曾在田草勝出,只得三季,今排2檔佩上白德民,算係有利因素,但預計在10倍之內,不太值博,論機會最多跑入第三

5太陽威力---上季找到最佳出路(谷1650),共得兩冠二亞兩季佳績,曾跑過6次1600亦贏一次,操練完整,3檔配冼文諾亦好,人馬合拍,馬匹6歲實力應可維持,位望較濃,必選佩腳

6好著數---5歲質新馬,上季以輕鬆姿態贏出首仗(谷1650),次仗大幅增程跑谷2200成次熱跑第三,該仗跑第4的馬威力已經於今季3班贏馬,此馬應有分係手,兩次有重飛都不勝有位,今季初出,對手少,憑新鮮感跑1600亦應無問題,只是此馬一直由戴勝主操,勝哥因傷而換薛凱文,未知會否影響,同場馬少,又無超班實力馬,應可憑質輕易入三甲,今仗可作一個指標

7皇河---一隻專攻泥地失準馬,都係等減分落四班跑泥地la,雖曾在2班田草1600跑第4,但亦難看得出其機會,最重要它很容易大敗,都係慳返注好d

8如雷---7歲馬,實力已經見盡,但常可給人驚起,前季曾力併爆冷,今季亦在嫌短的1200米和高點串Q,可見狀態很好,賽後操練亦見積極,今跑返曾勝之1600,評分亦比最後一次贏馬低了11分,已經是優勢,上季成績不好,估計是全力減分,因為季初一仗已經證實仍有實力,前季曾於二班入Q,上季則因為減分,仍在三班入位之馬,今季已是反彈時,同場馬少,亦是黃金機會,三甲應穩

9赤胆福星---十歲老馬無保留,上仗已見仍有走勢,今仗一檔馬少,1600米實力在此可以一爭,評分是歷來最低,冷勿盡忘,值得一提,此馬鄭俊偉接手後,逢季初第一仗1600不勝有位

10過關博士---落四班才留意吧,三班毫無競爭力,今回仲要跑1600?!佢都係第一,不過由尾數上la 一定不入4甲


總結:兩三匹馬可爭勝,而二線馬亦有兩三匹,一切視乎走位決定

個人推介連贏:凱風拖如雷,太陽威力,赤胆福星
個人推介單T:凱風,如雷膽拖浦紅之友,太陽威力,好著數,赤胆福星

[ 本帖最後由 思琳 於 29-9-2007 06:22 AM 編輯 ]

好詳細，多謝分享，加分鼓勵

引用:

原帖由 思琳 於 26-9-2007 01:16 PM 發表
第8場 三班1400米

出馬12匹,同場有7匹曾勝同程,另有一匹初跑此程,當中10匹馬已經跑了兩季以上,實力平均~~~陣中有八匹馬今季初出,一匹今季已經勝出,值得留意

1寶樹多盈---泥優於草,早年憑質於草地勝出,現實 ...

小小馬後砲,吾好介意
耀目~大舊飯等多一場,一定要配硬功騎師

9八逢九紫~我估成20分係手

引用:

原帖由 思琳 於 29-9-2007 05:37 AM 發表
十月一日是國慶大賽日,大量明星馬出賽,相當精彩,但卻鬧騎師荒,很多騎師停賽和受傷,令形勢變得有點不明郎,告仔和大摩星味十足,李易達出足十場,似有圖謀,當旺馬房,值得留意

第2場     重慶讓賽  第3班, 草地,  ...

有道理....不過真係吾好睇小隻 1浦紅之友 馬未有太多證明嘅時候"神仙已經收韁:o 可能今季先用
6好著數 應該谷草性能較好....吾知會吾會進步到田草都掂:)

[ 本帖最後由 l1122 於 29-9-2007 11:41 AM 編輯 ]