上杉兄辛苦啦！

精彩和有水準的分析,好過睇報紙,上衫兄有好多資料都唔係隨便在網上可以睇到,thank

引用:

原帖由 思琳 於 22-12-2011 01:59 PM 發表
精彩和有水準的分析,好過睇報紙,上衫兄有好多資料都唔係隨便在網上可以睇到,thank

THANKS! 思琳~
不過命中率依然有待提高~
預早TIP左o既馬因為臨場偏差會有幾大變化~
好似上週六o既日日發､開心歡樂(小小利放，落班)､駔驍駿駒 (直路利外欄､田草1000亦曾上名)，昨日o既此時此刻咁(偏利內欄)

希望第時有機會係第2個post做一d即場分析比大家參考

賽前選馬確實會受場地形勢影響,但有幣亦有利,就是免卻左好多胡思亂想

引用:

原帖由 思琳 於 23-12-2011 03:04 AM 發表
賽前選馬確實會受場地形勢影響,但有幣亦有利,就是免卻左好多胡思亂想

冇錯~ 臨場想多o既都會選一d 有形勢之利o既冷門~
去平衡返得失~

第1場 5班 1400米

4.風馳電掣 5.團隊福星 10.龍騰寶駒
(5班賽熱門馬亦冇甚信心，搏冷或更好)

風馳電掣今季復出跑4班賽，因為8歲馬戰鬥力已退化，只少做功夫下跟跑減分而回，今仗終落5班繼續跑上季2WIN1Q o既1400米，賽前似上季般埋門落埋草地先跑，今季未見前模式，對手多偏熱而冇賽績根據，10幾倍就可搏。
團隊福星上仗似賺慢步速而只得第5，但其實係前慢轉彎慢o既不利形勢，佢要一直守係內欄直至100幾米先可望空衝刺，只負1 1/4馬位已可以，今仗回配嬴馬拍檔賴維銘，埋門親踱，有機一爭。
龍騰寶駒中距離馬係此組會賺級數，1檔可跟較前賺形勢，已經兩季未再係田草跑過，希望新鮮刺激下亦可一爭。

第2場 5班 1800米

3.朗天 6.呼風喚雨 11.步如飛 8.鐳射槍

朗天前仗走不利場地以極出色姿態嬴田草2000米，上仗白德民轉彎明顯拉慢下都唔走，跑法誠意甚不智且場地偏黏下致敗，今仗回師季內未敗o既田草而且做足功夫再來，好大機會爭季內第2win。
呼風喚雨連續兩場係騎者出色發揮下取得亞席，上仗對手更是今季神勇o既喜相逢，經過一季減分期似已拾回前季可連續上名o既模式，賽前更見梁家俊親踱，係馬房一貫搏殺手法之一，休息期就足，屬前駒最大對手。
步如飛季內谷草以23.29於谷草大長途追得一席第2，前仗轉彎加快難追步速，上仗亦失先機下轉彎要沿途4､5疊發力，事實上以大前仗走勢或應跑得更好，轉田草一爭希望長直路會更合此類後上爭勝o既馬匹。
鐳射槍亦係季內田草長途有不俗表現o既一匹，當日須走有利場地但已和頭二馬拋離主馬群，回配季內幫此駒上名o既何澤堯，負磅更比該仗輕8磅，勿因韋達棄騎而輕視。

第4場 4班 1200米

2.快樂無窮 5.勝利旋風 6.翡翠海星 1.勁卒過河

快樂無窮今季轉鄭廐無損其戰鬥力，初出跟跑一場1400後連續3仗係田草1200取得亞席，頭馬全是三班中上級級數，包括夢幻十一､齊歡唱､幸運雄威，其中一場就係我一再強調o既key race，轉吳嘉晉落班減磅再爭，此駒上季連卓利､蔡明紹都舞得掂，加上此場有日日中步速唔會慢下必然首選。
勝利旋風季內初出賺慢步速下輕勝4班賽，須賺但姿態及勝負距離甚遠，已屬出色頭馬，上仗泥地跟跑而回，今仗休息2個月儲足新鮮感才出，連續兩季休出便有不俗表現，上季亦曾於快步速下跑得甚好，Q､T腳首選。
翡翠海星前仗初出輕勝4班賽，對手唔強但姿態尚可，上仗上3班遇偏快步速下第4絕不差，增程5檔亦有利適應，落4班評分水平比勁卒過河會更有利。
勁卒過河連續兩勝谷草1200米，上仗再賺慢步速取勝，今仗對手增強亦未必可再賺慢步速，作配才合理。

第5場 4班 1400米

9.大快人心 2.森淼獵鷹 14.卡加大師 11.幸運來

此場太陽好好初增程負頂磅缺課下成熱不值，3T場次搏冷場合

大快人心前仗馬鞍滑移下初出跑得不俗，上仗亦有提供，慢閘下直路遲遲方才望空，追回一席第3已不俗，復課已不再見霍利時其他失準操練模式 (跑得密而復課不斷拍跳)，對手各有不足下可爭勝。
森淼獵鷹季內谷草1200曾嬴得出色，未似退化，回師今季未跑過O既田草有內檔之利，可跟前像上季能一WIN兩Q o既路程下爭功。
卡加大師上仗走不利場地慢步速追得一席第2，惜今仗14檔會更難跑，成冷可作配。
幸運來上仗紀仁安順其自然下慢步速只得一席第3，今仗應有大旋風､夢想家係前面鬥放，3檔box sit 可爭一位。

第6場 4班 1600米

13.喜相逢 10.風火飛駒 8.翔龍 5.聚好盈 7.京城三寶

喜相逢今季一再跑得好，以陣上形勢及姿態更比4捷o既金得意更好，上場內檔直路基本上未曾望空，當回氣賽，今場6檔應不難發揮爭季內第3win。
風火飛駒上手馬房已展現不俗走勢，轉東廐更值得憧憬，雖大幅增程但信馬房轉倉o既急進及同父馬長力，以其能力值得一搏。
翔龍上仗韋達走位出色下亦有形勢之利勝出，排檔外移轉柏寶預期又會留守最後衝一段，今場步速應會頗慢，作配較安心。
聚好盈季內初出谷草追得甚好，之後卻不見追勢，今仗慢步速如可跑回上季嬴馬及今季初出o既追勁已可橫掃。
京城三寶上仗騎者走位不積極，此馬房嬴馬後常有此情況出現，但今仗配合馬房攻勢而來，4班必夠用。