週日上演八草二泥混合賽，田草方面，剛剛短短十日跑過3次田草賽 事，而且更有一日於雨中進行，未知會否對內疊場地構成影響，就算不必會大利外疊馬，對貼欄前領都唔會有著數，應最少要以正常偏差去計算嚟緊嘅田草賽事。泥 地方面，剛於5日前進行翻土工程，而對上一次1月15日舉行嘅泥地賽亦於5日前翻土，而且週日兩場都係1200米，對前領馬優勢更大，貼欄守好位亦可評先。
賽日重點：
第二場 4.鋼志 3.精彩遊戲
第三場 7.首飾孖寶 拖 2.豐衣足食 6.阿哥精神 9.金鑽龍華
第七場 2.夢幻十一 拖 3.龍城動力 10.飛躍之駒 1.銘記心頭 7.搏得分
第九場 3.天瞳 拖 8.薄荷糖 1.逸逸有福 9.飛翔星
全日馬膽：第九場 3.天瞳
冷門突擊：第二場 4.鋼志
{#M197_l.jpg}
第一場 5班 [泥] 1200米
4.長勝 7.厲行星 1.鋁合鎗 2.風陵渡 11.齊鼓掌
「長勝」剛戰轉彎開始發力，再被「豐彩人生」帶向更外跑，直路逐步追近，減夠分現居5班極有利，用馬房愛將柏寶必拼。
「厲行星」2戰同程1亞1季，上仗排外檔試跟較前位置效果亦不差，今仗又可再以相同跑法爭勝，5歲大熟大勇，以其追勁5班難留。
「鋁合鎗」已反覆試準今場出擊，但不幸抽12檔，前仗泥地1650氣管有痰下只負於「傲闖」一個馬位，剛戰4班大幅縮程1200取位不順下力追「百利旺」及「化工之昇」，配合10磅仔如發揮得宜有權掃晒。
「風陵渡」近季以此程及轉換配備時嘅表現最好，落到5班評分大利，2檔靚位季內未算有FORM亦雖兼顧。
「齊鼓掌」轉倉初出，早前已指出此駒口勁重縮程步速較快會更好，唯一問題轉未有根據嘅泥地，今季數度追得勁，今仗可以跟定先。
「博利好」末段最快都係追23秒多，近仗表現穩定返D，要靠追邊線。「多樂趣」夠噸位，季初泥地1200亦追得不錯，但剛跑1600短時間大幅縮程難度極高。「興緻高」剛戰冇甚追勢，等到季尾才考慮。「歡樂駿駒」會放但次次潰敗，試閘又斷得快。「旅遊大亨」健康受影響後毫無表現。「民和國富」､「信得過」未及水準。
步速形勢：前段正常偏快轉彎正常，跟前守好位馬甚有利
[9,12會放步速應會前快轉彎正常，7會切入守2疊3､4位，1有冇得刻服要睇騎師肯唔肯早段用D力跟7切入，如留到最後追便想入位都難了，2,4會好大機會用基本速度齊守1､2疊好位，而6,8,11應會留後追。]
範圍：4,7,1,2,11,8,10
第二場 4班 1600米
4.鋼志 3.精彩遊戲 6.快達小子 2.家傳碧玉 9.勁威小子
「鋼志」外地4戰2冠2亞甚準繩，今季初出落4班首度以勁勢上名後幾近場場近，上仗增程1600不利外疊下追得悅目，不用負重已屆交代之時。
「精彩遊戲」出道7戰只2戰因意外而失獎金，亦係一匹忠心好馬，可惜跟前､後追都試過，暫時評分係咁上下，今仗勝在可機動切入單騎領放，對手除「鋼志」缺點甚多。
「快達小子」上季兩勝1400姿態好，今季只跑過一次又不斷轉谷草中距離及田草1600，未算有FORM但4檔期望會守好位有過一次同程經驗希望表現有進。
「家傳碧玉」季內此程賺內疊場地追「翔龍」，上仗轉配備落住雨跑大失所望，未知錯喺邊樣，故縮程除交叉面篩再試，6檔少馬唔會留太後，位置馬之一。
「勁威小子」初出直路賽留後衝一段22.65，剛戰大幅增程快步速刻意跟前試，直路被夾意外多多質新馬實難刻服，今仗賽前操得更辣先出，血統父母兩線有長力，加上外地早已2勝試閘，用紀仁安並非無的放矢。
「有盈有利」上季斷纜後未再上名，今季曾於谷草慢步速追一段23秒以內後勁，評分有利居邊線。「生利多」開始有少少走勢，T/F4可拖一票。「財神駕到」上仗已指出反覆試過現時以1400最高，增程慢步速也難爭位。「時來風送」剛戰休出試多課大閘才出，追勢不過不失，血統短優於長，等縮程先睇。「勝利就手」追極都係近而無威脅，慢步速更難追。「晴天」愛爾蘭馬3歲輸進度。
步速形勢：前慢轉彎慢極難追慢步速
[3應會切入領放，步速會唔會好慢就要睇1會唔會搶前並頭領放，始終此駒未有固定跑法的，而11守BOX SIT，6同9都會守4､5位2疊好位，4緊隨其後，而2,10,8則會慣常留後競跑。]
範圍：4,3,6,2,9,7
第三場 3班 1400米
7.首飾孖寶 2.豐衣足食 6.阿哥精神 9.金鑽龍華 8.雙龍出海
「首飾孖寶」季內出道初出戰1400，以22.3末段輕鬆嬴其後於谷草加添1冠1位嘅「超級精神」，極度甚高，剛戰驗到有痰退出，翌日已繼續操，同場只得一匹「雙龍出海」會放，又可賺慢步速形勢篤定連捷。
「豐衣足食」追極都係位置，剛戰一檔成條直路被「精算縱橫」壓住嚟衝，今仗再遇慢步速，對手唔算強只屈居於前駒之後。
「阿哥精神」初出前慢轉彎加快步速未能完全望空亦能直迫「大家勝利」，水準不差，2檔預期跟「金讚龍華」上增程步速慢有望易適應爭一位。
「金讚龍華」密密跑，但本身性格忠心剛戰沿途外疊都可與「太陽好好」一齊到返，今戰內檔BOX SIT 好位會大大不同，有力一如跑嬴「名舵主」一役般爭入Q。
「雙龍出海」季初賺慢步速形勢嬴，今仗亦再有此形勢但對手強只保險T/F4腳。
「賀喜」漸有追勢，不過現時力短咗谷草會更好，T/F4腳之一。「馬風雲」上仗直路受阻後追勢尚可，但9檔步速慢難爭。「至勇飛龍」未復舊觀。「百事神駒」950磅細長血統亦宜跑更長途程。「小林夜雨」英國馬剛轉3歲適應須時。
步速形勢：前慢轉彎慢極難追慢步速
[8,7會切入領放而9會安於守BOX SIT位，前兩駒於無須花費氣力下可放出，2會守9之後，而6會守相若位置，1,3,4,10就會分別因應檔位及慣常跑法而留後。]
範圍：7,2,6,9,8
第四場 5班 1400米
14.實在好 4.英雄得勝 12.放縱 10.叻先生 11.天子駕六
「實在好」上季試不斷路程，今季終搵到最佳出路，4戰同程得3季1殿，無論守好位或後追都有不俗表現，最重要強敵多已加分上班，而且有2檔可守好位強配紀仁安，今仗有權取得轉倉後首捷。
「英雄得勝」上季已於4班上名，今季熱身後逐步增程常追得好，4歲踏入成熟期，5檔韋達騎應唔使留得咁後亦屆交代期。
「放縱」今季一而再於快步速力搶唔斷，但意外地次次都有慣常後追嘅馬同佢鬥燒，剛戰早段避過裂縫嚴重失蹄下跟快步速守中置位置追不過不失，今場以佢步頻應可單騎領放，只要冇馬攪亦可有力一爭。
「叻生先」上仗守好位轉彎早早移出衝刺賺形勢下不敵超5班嘅「金剛驃」，由於賺盡表現只不過不失，排檔外移回復前仗形勢位望較濃。
「天子駕六」夠能力擔任4､5班升降機，現時評分比上季嬴馬時更低，近仗算有返少少優勢，如能因應6檔守更前位置就有望追趕群駒。
「快馬當先」轉倉後未受壓迫，上仗1600最後百幾力弱，1400好位可能會有更好表現。「如日方中」落5班可居邊線，10檔有權跟6-9檔可切入守較前位置就可一鬥。「甜蜜至上」季初一仗追得好，但剛戰一步都冇，11檔要留得後去追難兼顧。「八佰匹」近況跑得近但未對頭2馬有威脅，追勁唔強之前戴眼罩表現亦差難憧憬。「一般高」前次賺形勢望空後追勢一般，13檔更難。「新三刀王」戴面篩不及季初戴眼罩好，轉配備返谷草才跟進。「風度翩翩」季初賺慢步速都斷，前速唔快要搶前都要沿途蝕位跑。「極速寶寶」受健康影響現屆回氣時期。「勝爵」力短馬牌仔外檔難發揮。
步速形勢：前正常轉彎正常或偏快步速，如居後沿途外疊便極難追趕
[12夠快可切入單騎領放，3前速一般就算盡力切入也只會守4､5位外疊，而2,7,10甚至14都有機會守前領馬之後好位，1,6,13,8要留後搵遮檔刻服外檔劣勢。]
範圍：14,4,12,10,11,5,1
第五場 4班 1200米
5.千軍萬馬 3.小宇宙 2.寶樹嘉盈 13.飛快威 4.田園名駒
「千軍萬馬」由蔡廐御用馬販JOHN FOOTE以高價買入，質素應不差，剛戰初出1000大利外疊場地下跑入第3表現尚可，增程1200遇弱組，近1200磅馬熱身後會更好，此廐馬常可跑法機動作首選。
「小宇宙」上仗初戴頭罩表現有進，末段肯追，出賽3戰2季1殿亦夠準，大摩部署增程1200會比留1000跑更好，5檔對其適應亦有幫助，位望極高。
「寶樹嘉盈」前仗泥地1200開始有差追勢，外地1戰1勝來港後才剛見開始壓迫，上仗增程1400跟跑回1200弱組亦有力一鬥。
「飛快威」上季2度於3班上名，季初亦曾以勁勢追趕，對上2仗跑1400排外檔沿途跟外疊蝕位跟跑，縮1200米6檔可守中置好位如跑出水準有權爆。
「田園名駒」衝力甚短，剛戰直路早段以為可掃晒，點知衝咗百幾米即力弱停步，10檔預計會早段用少少力切入，末段貫注到幾多成關鍵，應止於3-6名。
「齊心」初出跑1400跟跑一場，外場一課試閘第2，結合母線曾出早熟馬「桃李滿門」，1檔對手甚弱應拖一票。「香港至尊」剛戰騎師跑得差，但亦排外檔要再靠留後刻服，若立心搶放就要睇有冇對手頂佢沿途外疊。「鑽飾彩虹」谷草夠能力跑4班賽，但轉田草排大外檔難刻服劣勢。「綠豆爽」､「宇宙駿駒」試閘比落走勢只一般，同父馬初出成績亦未見突出。「動力網絡」路短不合。「寶貝」嬴完泥地此分草地冇優勢。「夢想家」未回復水準。「好辣椒」部署落5班。
步速形勢：前正常轉彎正常偏慢步速，沿途2疊跟前馬轉彎早移出外疊會有優勢
[4,5應會搶前切入並頭領放，而3可因應1-4檔前速未必快而進佔BOX SIT位，13可順跟中置好位，1,11,14都會較大機會因排大外檔而早段留後刻服劣勢。]
範圍：5,3,2,13,4,10,11
第六場 4班 1400米
14.金剛驃 2.大旋風 6.威騰駒 3.超綵 1.黃金褭蹄
「金剛驃」轉倉第二仗增程1400即嬴得輕易，姿態非一般5班馬可比擬，過往於4班早已展現不錯能力，唯一係陣上常有漏閘毛病，今仗韋達唔騎用勞愛德亦勿輕視，上班負輕磅可守好位對手唔強，高伯新新勝馬成績亦好，繼續為倉主省靚招牌。
「大旋風」前季69分依然可上名，季初一輪減分後用10磅仔又再連返走近，前仗只以頸位輸比再出再有好表現嘅「卡加大師」及「精彩遊戲」，剛戰同大步馬「尊勝福星」鬥燒才敗，今仗又有機會單騎領放賺形勢放入一席。
「威騰駒」居4班亦評分有利，對上2仗上名對強敵，現群駒已去6檔夠機動守好位坐位望嬴。
「超綵」外地1400米3度上名，剛戰做重心嬴得唔算輕鬆，賺咗形勢加分後對手雖未轉強，但要讓磅多咗位望會較濃，只係爭勝份子之一冇上仗咁有信心了。
「黃金褭蹄」落4班跑有利，不過12檔係咪可以早段切入就要睇騎者發揮，要嬴絕對要靠少少形勢之助。
「多利皇」用眼罩下冇壞影響，1200確定嫌短均速馬回1400會更好，只係13檔蝕位多下T/F4才兼顧。「感恩」剛戰初有接近表現，但嫌追勢唔強，段速亦一般。「大地王者」檔位會令此駒賺到少少形勢，實力係咁多，一位已足。「六六駿駒」未及銳時。「喜運財星」轉倉後不進反退。「金巴利來」此程非強。「新霸龍」有待適應。「好笑容」5班嬴馬後4班未夠爭。「鬥心」休出細馬跌54磅近咗先跟進都未遲。
步速形勢：前正常轉彎應會逐步加快，稍利前置內疊跟前馬
[2會夠快放出，14睇騎者早段夠唔夠積極守BOX SIT 好位，13短途速度但預計就算放出都會拉慢守2疊，除非切入1疊對14就會極度不利，10亦可搶前切入但應唔會步步進迫做出快步速，3,6,都可跟6至7位中疊位置，而1,4,7好大機會要留後追趕。]
範圍：14,2,6,3,1,5
第七場 3班 [泥] 1200米 [博愛盃]
2.夢幻十一 3.龍城動力 10.飛躍之駒 1.銘記心頭 7.搏得分
「夢幻十一」用稍留跑法比力搶威力更強，上仗可輕勝蔡約翰認為質素一流嘅「飛燕」，本上2班亦夠爭，今仗見有泥地3班甲一組別嘅盃賽即易地一搏，同父馬有「快意豐盈」泥地入Q，本身試泥閘亦走勢輕鬆，有望成紀仁安送行馬。
「龍城動力」季初同程走不利場地力抗「魔幻大師」，此組會夠用，配合有10磅仔之助守好位力追一席。
「飛躍之駒」4班同程締速不俗，上3班會夠用，今場已冇「馬之王」､「巴其利」可前快後快嘅新泥地怪傑，4檔賺形勢下與廐侶不分正負出擊。
「銘記心頭」季初此程爆冷幫廐主開齋，早前亦可賺有利場地與新谷草專家「佳同」串Q，剛戰強組極快步速早段順其自然留後已見冇甚誠意，如今仗肯搏非不能一爭的。
「搏得分」同父馬泥地獲4W5P，泥地應合，其後谷草取得1冠1季成績，上仗只因氣管有痰而失準，轉泥地1檔換來賠率可再搏。
「勁飛駿」轉倉後近三仗都追得好，過往泥地亦有表現，唯一11檔要追要場地配合才可。「自由勝」12月尾兩度展現好賽績，用近期愛將郭能，季初同程追一段22.47，如利追要兼顧。「朝東精英」終返同程，但跑法亦極被動要場地幫助。「一寶」初出同程差噸位亦唔夠。「穿針引線」此程太短。「俊飛象」同父馬初出11隻全負外地亦靠1400開齋。「拼勁」入Q一役大賺場地，此組對手太強。
步速形勢：前正常轉彎正常偏快步速，更利及前置好位馬匹
[10,12內檔之利可以普通步速輕鬆領放，而2,3應可隨8切入守好位，7,1亦會居此群馬之後，4,5,6均要留後去刻服外檔。]
範圍：2,3,10,1,7,4,5,6
第八場 公開賽 1200米 [主席短途獎]
1.天久 8.富貴金龍 4.時尚風采 5.新力勁 3.小橋流水
「天久」出道以來未試過負於頭馬2 1/2馬位以上，而且由1200至1800並取得7冠4亞2季成績，性格極忠心，季初遠征日本只負於重重意外，回港後初出短途錦標國際一級賽即以王者姿態力壓勝出，剛戰跑嫌短1000用新人馬配搭亦可衝一段22.49，今仗回配最佳拍檔柏寶預期可守中置2疊位置，騎練必盡力爭勝。
「富貴金龍」現時跑1200最好，今季表現更進一步，數仗以22秒末段追趕，前仗國際賽留得太後，轉彎已於外疊衝21.69末段去勢才似唔夠強，實難度極高，上仗1000嫌短不利場地都追得好，6檔會易守好位只待韋達能否力盡發揮此駒後勁。
「時尚風采」嚴重受傷後今季終喺告達理悉心照料下復勇，亦數仗可追一段22秒左右嘅後勁爭勝，現階段必承勇盡用，夠步速如非留得太後亦可繼續爭入一席。
「新力勁」上仗1000休出熱身，上季此駒多次做出高難度動作，田草同程亦可守好位追未盡老退嘅「蓮華生輝」及力抗「鳥語花香」，5檔未必要留得後亦有權於步速快下鬥衝入一席冷腳。
「小橋流水」已連搏多場，季初表現好但體質相對比較弱，欠缺小休期巫斯義棄騎，戴眼罩亦未知有否反效果，只邊線。
「共創未來」谷草一役錯失黃金機會，於此組常可近而未能匹敵，T/F4才拖。「鷹之團」剛戰挑戰成功嬴出首關，但1200非強項輸蝕返比路程專家。「蓮華生輝」力短咗好多，1000已成極限。「傾力之城」1400亦只能勝一班賽，國際組別難放到。「電光能源」泥地冇賽程。「風火神駒」對手太強。「加州財子」有喘鳴症毛病，1200亦非強。
步速形勢：前快轉彎加快步速，馬群夠散高班賽應會對各駒公平，實力評先
[9會切入快放，而3,6,7,11都會爭奪前列好位，1,5,8則會位於第3馬列，2,4就會以前3駒作目標直路移出爭勝。]
範圍：1,8,4,5,3
第九場 3班 1600米
3.天瞳 8.薄荷糖 1.逸逸有福 9.飛翔星 7.大衛精神
「天瞳」近況走勢一仗比一仗好，連續兩場1400追得勁後增程1600場地偏慢走勢亦驚為天人，前慢轉彎加快極難追慢步速可於直路取位不順下衝22.42，如衝順D已經嬴埋，今場步速至少正常轉彎未必快下好大機會一如同廐馬好開就好，屆時交代。
「薄荷糖」4歲質新馬忠心肯追，今季只一場谷草場地唔適應下跑得較差，剛戰上3班對「太平星」亦可步步力壓取勝，進度理想有力與「天瞳」一爭。
「逸逸有福」季內泥地作熱身賽亦可上名，剛戰終返田草作賽，可能場地慢不合發揮，以過往同程表現此駒上季早已證明甚多，可機動守好位冷勿忘。
「飛翔星」初出1400末段越追越勁，復課再試大閘繼續由杜利萊出戰，增程父母兩線均有長力，有機會進步爭一席。
「大衛精神」轉倉第二仗，廐主多試準後才出擊，事實上上仗走不利外疊走勢算合格，再報同程轉紀仁安出戰，Q/T選必預一席。
「尊勝福星」4上3增程要適應步速，大步馬均速可能縮程段段快更好，今仗早段可順其自然順放轉彎應會稍留望刻服增程難度，3-6名機會較高。「漸信良駒」剛戰嬴在吳嘉晉出色發揮，加磅後有馬齊齊放便難到了。「神州八號」轉倉後前速都冇埋。「悅璐孖寶」休後跑谷草較好。「幸運金龍」前仗初上3班表現失望，之前亦只嬴「風雲」，增程對手更強。「寶中寶」有待證明。「正歡騰」減緊分落4班。
步速形勢：前正常轉彎稍稍拉慢，兩匹實力馬都會形勢大好。
[12夠速度輕鬆帶出，2最大機會切入並頭領放，1亦會切入跟守2疊好位，3,8早段可順其自然走入1､2疊6､7位直路移出衝刺。7,9則較大機會留後切入。]
範圍：3,8,1,9,7,12
第十場 2班 1600米
10.精奇 4.花月春風 14.貝利高 8.愜意小開 2.多名利
「精奇」今季與同主馬「奇葩」齊齊進步，場場肯追而且勢頭勁，大前仗力拼4歲精英之一「紅山茶」，之後2勝3班賽不利形勢下對手亦不瀨，「傲男」其後已補中，練者亦擔心剛戰鬥得勁，刻意小休一個月才部署上班再出，對手增強但此駒5歲踏入黃金期，勇浪未止一如「奇葩」可於2班亦跑得好。
「花月春風」屬3匹大名氣初出馬之中試閘走勢最好嘅一駒，用外地嬴馬配備，同主馬喜一出即拼，加上同父馬2亞1季成績不俗，有機即用。
「貝利高」要盡用均速跑法才能於此組力抗，增程負輕磅前段甚至中段都會被「愛睦善」帶快，如對手際遇不佳有望爭入一席。
「愜意小開」減分多轉倉後於低位反彈，而且追勁強勁，末段可交23秒以內，剛戰可能因黏地才大敗，再報1600比多次機會一試。
「多名利」同樣出品自「閒話一句」馬販，外地以大熱門身份被2011年最佳2000米馬之一「好事成雙」挑戰，最終只負1 1/4馬位絕不失禮，到港後12月開操積極趕進度，試閘走勢一般憑質一爭，作保險注。
「醉喜」同樣外地名氣甚大，最後一仗以馬頸位負於愛爾蘭打比得主「瑰寶灘」，但來港後適應一般，少見蔡廐一個月內趕4課大閘而且冇甚走勢，除非出賽能大幅變身。「金堡龍華」剛戰快步速偏慢場地追勢悅目，對手強下跑正常場地居邊線。「福智」季初極慢步速嬴「醒目精英」，上仗同樣偏慢場地走得不俗但面臨雙重加磅，難評先。「歐洲駿馬」唔服氣再報田草，升至評分新高谷草亦冇優勢。「智友」上季初用得太盡田草回氣。「旅遊名牌」須時適應。「愛睦善」夠忠心但對手太強。「蓋世子牙」減分再爭3班谷草賽。「順利得勝」分高此程亦非強。
步速形勢：前快轉彎正常步速，如非留得太後尾段場次會有得追的。
[12可BOX SIT或以其短途速度自己領放，而13,14會一同切入，1,3,4將可守第2列馬群，而2,5,10會作第3列，6,7,8,9,11應會留後競跑]
範圍：10,4,14,8,2,6,3
