賽道分析：田草C+3欄為全港最窄嘅田草跑道，跟前內疊馬常可因轉彎有足夠時間回氣及後上馬因跑道較窄而難以追趕，如步速偏慢跟前馬會比正常賽道更為有利，對上一次就難以從外疊蝕得起，「勁綵」､「沙貝利」等都因場地而有更優異演出。泥地方面，3月5日進行翻土工程，對上一次2月11日亦於5日前進行同樣工程，當日跟前馬甚為有利，故此類馬可評先。



賽日重點：

第六場 3.好勝煌 4.天瞳 Q/QP

第八場 2.魔幻大師 拖 5.齊歡笑 1.爆料 9.超皇鷹 Q

第九場 2.大把在手 1.電光能源 7.紅旗勇將 Q

第十場 6.育成王子 W



全日馬膽：第十場 6.育成王子

冷門突擊：第七場 6.精奇






第一場 5班 [泥]1200米



11.齊鼓掌 1.西域雄心 2.新三刀王 9.駿馬飛騰

「齊鼓掌」季內轉倉初出同程即可跑入一席第2，只負於賺步速形勢且評分大利嘅「長勝」，上仗沿途走大外疊遊馬河，當日內疊場地有利的，今次返泥地繼續用眼罩配備，雖未知剛戰蝕位下完全唔衝會否配備帶嚟嘅影響，但步速慢而且對手極弱下極大機會出頭，應會盡拼。

「西域雄心」上季曾於4班同程輸近得一席第4，近兩仗出閘失地多非用最佳跑法，今仗賽前彈泥閘才出，如能出閘順利有機會因場地形勢而爭入一席。

「新三刀王」季初跟快步速輸比段速出色嘅「咁都得」，之後增程角逐積極減分，剛戰跑田草1200亦走沿途三疊蝕位甚多才表現失望，今仗轉泥地一試，雖未曾跑泥地，但以其基本前速已可跟守前列好位，加上經過近月回氣期文廐馬再度出擊，週三就有「嘻哈大少」有突破演出。

「駿馬飛騰」12月及1月缺課兩個月，2月快跳幾課3月初試大閘後就出，狀態明顯未足最佳水平，但1檔應可賺場地形勢及對手甚弱下，此駒於季初泥地上名表現已有機會爭位了。

第二場 4班 1000米

3.神采商人 2.官仔骨骨 8.綽力之城 9.創出商機

「神采商人」同父馬初出1W3P，本身噸位逾1300磅甚足夠跑田草1000直路賽，賽前試大閘大步放返而高分嘅「恩格斯」推騎都未能對之構成威脅，同組試閘仲有一匹初出追得不俗嘅高分馬「環保戰士」，操足4個月才出有外檔之助可一出即拼。

「官仔骨骨」父系O'REILLY一族本身並短途快馬，多以中距離較好，十月開操後期間3試大閘，第一課已見肯追馬，之後再試埋谷閘，可跟得甚輕鬆而自動波想搵空位衝上，競賽意慾甚強，1130磅左右噸位亦足以應付最短途賽事，同父馬初出可得8W19P，對手唔強可與其他初出馬齊作突擊。

「綽力之城」亦屬初出馬，十月開操，期間白德民､勞愛德輪流教馬，早前與「自成一格」一同試閘走勢比後駒輕鬆得多，父系2歲2戰全勝包括一級賽藍鑽石錦標而母係亦6捷短途包括二､三級賽，父母線均速高而質素優良，偏向早熟快馬，摩廐今季多匹質新馬一加頭罩即變身嬴馬，包括「花月佳期」及「軍事出擊」，「小宇宙」亦於加罩後越跑越進步，檔位雖較差但亦可憑實力爭一位。

「創出商機」前仗初出與「小宇宙」及「千軍萬馬」幾乎同到終點，後駒上仗加眼罩而表現冇大改善，此駒剛戰卻可於轉彎路程較強組別跑近，該組前列馬包括「山頂」､「大將軍」､「勝利金剛」再出都有好表現，續強配起用巫斯義有心一拼。

第三場 3班 1000米

6.龜兔競跑 2.熊英雄 3.禮尚往來 10.松林之星

「龜兔競跑」出道4仗同程獲2冠2亞，前仗只負於剛勝2班賽嘅「跑寶貝跑」而剛戰輕輕鬆鬆跑3班賽補中，今仗再跑同程而起用吳嘉晉抵銷評分加幅，負同磅出馬只11匹1檔亦應夠快於早段移出外疊鬥，爭勝要角。

「熊英雄」遠征回港後一度受健康影響，上賽後停課兩星期，2月重做功夫現時狀態未算十足，但以其上季尾嬴其後奪百週年短途錦標嘅「鷹之團」及復出狀態不足增程鬥「芙蓉之寶」計，7､8成狀態都有爭W機會。

「禮尚往來」前仗閃入閃出以短距離負於「跑寶貝跑」及「龜兔競跑」，3班會夠級數，剛戰沿途3疊跟快步速最後百幾米才力弱，回此程可爭一位。

「松林之星」轉倉初出泥地一役走大外疊追得甚勁，剛戰利內疊情況下亦追得不俗，同日有4班1400米唔報而報此場，未必純為減分，有快步速外檔之利亦可加入戰團。

第四場 4班 1400米

4.齊歌唱 8.多利皇 2.卡加大師 6.辣得醒

「齊歌唱」前仗轉此程跑即可跑入一席第2，剛戰直路全程受阻冇跑過，賽後副練一手操轉回前仗合拍嘅柏寶，步速夠快而本身3檔會極好跑，有機會似「勁綵」憑場地之助嬴馬而回。

「多利皇」實力只屬4班中級，早前不斷跑谷草回一輪氣大前仗就重現真面木，不利外疊下後上追得勁，前仗再跑同程可抗衡「幸運勇士」追勁，而且最後幾步更有再度拋離之感，剛戰又轉谷草跟快步速與其後提升名次嘅「錢程萬里」一齊過終點，今場排4檔有助爭勝。

「卡加大師」於223場次蝕位蝕步速追得勁後翌仗跑田草1400即能走大外疊補中，之後再跑同程有檔位之助更嬴得甚易，上仗因食慾不振退出，無缺課而體重不跌反升，唯一怕12檔如跑正常C+3跑道便難蝕得起，作配較安心，但論實力絕對係爭勝要角之一。

「辣得醒」初出一役直路不斷要從馬群搵位上亦可與其後補中嘅「奪金」及「飛馬之威」同過終點，剛戰匆匆加程落敗亦非意外，因為難度極高的，今仗回師1400而賽前試大閘加用配備才出，如能把握機會取得2疊7､8位便可提升爭奪勝利機會。

第五場 4班 [泥]1200米

6.寶貝 3.荃城歡欣 10.都靈一號 8.雙辣

「寶貝」泥地具4班中級能力，如有檔位之助常有不俗表現，大前仗便因應1檔而嬴「萬人迷」，之後休55日跑同程當日大利前領基本上冇馬可改變名次，上仗跑田草明顯不合，今仗強配柏寶有2檔之助應可跟守BOX SIT好位，場地有賺之下便有力再捷。

「荃城歡欣」剛戰初出起步有意外要靠後追跑入一席第2，未固定跑法今仗又排9檔，如能跟守前列會更安心，始終上仗追3班草地都差D能嬴嘅「開心指數」難度不低的。

「都靈一號」轉倉後連仗追得勁，入Q後於泥地同程補中，姿態輕鬆，之後返谷草兩仗分別因不利外疊及極慢步速才輸得遠，回此程而有3檔便有機會變身出擊。

「雙辣」過往只一戰泥地未能作準，同父馬取得6W14P應不差，季內可嬴「勁綵」及「熱錢」，4班已具有中級實力，賽前操近3個月才出，休後常可取得好成績，而且可前置，配合馬房攻勢場地有助就可爆。

第六場 3班 1600米

3.好勝煌 4.天瞳 2.漸信良駒 9.永勝多

「好勝煌」前仗賺分配下嬴其後再出可再度上名嘅「精算縱橫」，表現算不俗，剛戰段段慢轉彎加快步速全程留最後直路走大外疊上可衝最快末段而與打吡入選馬「驌龍」跑近，水準甚高，今仗1檔而前面會有「奪寶」帶頭確保中等步速，配合「龜兔競跑」出擊作膽最穩。

「天瞳」甚失運，連仗因受阻而追唔到，其爆發力極強，早前同樣段段慢步速只得此駒可於大外疊衝200米更差D嬴埋，今場強配薛寶力會更安心，如非薛廐馬失望或受阻後表現大幅失準應可作膽。

「漸信良駒」上季可打疊9仗取得前3名，極忠心準繩，評分高企今季初遊一輪到1月才回復表現，大賺慢步速而嬴，之後兩仗雖未能上名但表現不差的，到上仗轉谷草就可賺場地跑入一席第2而後面馬匹冇一能對之構成威脅，該場步速甚快有此表現已屬合格有餘。

「永勝多」前仗3班同程可追入一席第3，頭2匹為3班中上級馬而壓倒今次又同場嘅「超群名駒」，剛戰留得太後末段衝全場最快末段23.2跑入一席第6，今仗亦會配合馬房攻勢出擊，有力加入戰團。

第七場 2班 1600米

6.精奇 3.伽羅 4.貝利高 5.皇龍戰駒

「精奇」今季加眼罩後打疊4仗取得2冠2亞，剛戰轉彎加快不利步速下從大外疊追入一席第2，難度甚高，而第3名「花月春風」及「愜意小開」可再提升名次，水準甚高，今仗5檔少馬場合亦唔使留咁後，休一個月相對體力較好作膽最穩。

「伽羅」大前仗轉彎加快不利步速可與一班「齊歡笑」一齊追，前仗墮馬意外嚴重受阻後從內疊輕鬆追入一席第4，上仗轉不合跑泥地洗一洗底，今仗再回田草作賽，過往此程及谷草中距離表現不遜色，此系馬未交代戰意必高。

「貝利高」前仗同於強組作賽，因步速放得好難追僅勝，剛戰轉泥地可以已無以前3班時咁有分利，重回田草作賽賽前有快跳而是日賀廐馬部署出擊，少馬場合步速慢有機會像前仗般轉彎加快走甩。

「皇龍戰駒」連續兩仗與「陽明飛飛」串Q後再跑同程頂唔住後上馬衝刺只得第4，體力回落下跑濕慢地大敗一仗，小休一個月後轉谷草排大外檔第一個彎要走4疊跑，入直路移出不利外疊衝刺末段可反撲上前跑入一席第4，勢頭不俗，剛戰再排外檔遇快步速全程走3､4疊難以蝕得起，回田草少馬慢步速有機會可重新展現鬥「陽明飛飛」嘅能力。

第八場 公開賽 1400米 [港澳盃]

2.魔幻大師 5.齊歡笑 1.爆料 9.超皇鷹

「魔幻大師」今季踏入4歲轉短途發揮更成熟進步，谷草熱身一仗後打疊6仗非冠則亞，大前仗谷草段段快步速可頂得住「佳同」衝刺而只負於同樣進步良多嘅「奇葩」，剛戰泥地中距離極快步速直路輕鬆推騎最後幾步被迫近才認真推騎幾步，姿態出色，回田草1400大步馬合發揮，如早段非力留而順走快步速都幾難追到佢。

「齊歡笑」季初力追當時甚銳嘅「甜將」而壓倒「甜橙」，前仗不利步速追而負於相對實力相當高嘅「精彩日子」及「牛精大師」，追勢尚可，剛戰臨場因柏寶受傷轉湯智傑守好位衝落卻唔算多，未知是否騎者發揮問題，今仗最重要抽到2檔好位加上用返柏寶，如跑回季初水準就有機會與前駒一爭，大前題係本身狀態有冇回落。

「爆料」上季於澳門常負頂磅作賽處回氣期，剛戰休出用返放頭策略嬴，如回復水準以前季可放斷「雅雪」計今場會係爭勝主角之一。

「超皇鷹」前仗蝕位蝕步速分配追「牛精大師」表現出色，上仗因主力旁落留得後輕鬆追趕，直路只跟「利錢伯爵」衝而望空追勢不俗，今仗11檔唔易跑，如步速夠快切入2疊中置才有望一爭。



第九場 1班 [泥]1200米



2.大把在手 1.電光能源 7.紅旗勇將 12.龍城動力

「大把在手」此程8戰2W5Q1T未失3甲，加上出道以來只得2仗失前4名，性格忠心，前途同程放45.4快步速唔斷，剛戰轉谷草快步速只負於兩匹賺步速嘅馬，今仗終可用配吳嘉晉有減10磅之利，可跟前作膽最安心。

「電光能源」終於坐完馬監等到泥地賽，剛戰谷草走內疊走勢不過不失，起碼唔算狀態差，部署今仗出極起用杜利萊必拼。

「紅旗勇將」同父馬得一匹「富貴金龍」泥地性能較好，其他只得3P，幸好剛戰跑法見加添機動而且最後幾步而輕鬆收韁而嬴，用力唔多，大摩季初亦曾以「讚惑」轉泥地跑嬴級數，今仗2檔同屬好位如能適應就可爭勝。

「龍城動力」季內初出熱身後即可走不利場地嬴同程，之後再跑同程亦只負於「夢幻十一」及「飛躍之駒」，實力應有2班實力，此組對手強但好處只負108超輕磅，3檔可跟守有利位置有機會爭一席T腳。





第十場 3班 1400米

6.育成王子 12.你知我嬴 9.好嘜 8.火熱動感

「育成王子」2戰2勝，初出拋離輕勝，剛戰再報同程4班甲一組跟快步速下輕鬆再嬴，初跑3班賽但對手未見大幅增強，而5檔預期會好跑步速亦唔快，極大機會再下一城取得3捷。

「你知我嬴」出道2仗跑強組都能走得接近，初出賽前走甩追「天外之天」及「快利多」兩匹3班頂馬，而之後再走大外疊迫近「華美之星」及「驌龍」，今場3檔應可跟「育成王子」追，計級數此組已可保一席。

「好嘜」上仗初出全程冇望空下追得不俗，今仗加程跑幸6檔尚不差，如保持水準可加入爭腳。

「火熱動感」3班中距離級數此組夠用，休出體力充足而早前冇缺課收埋操好再出，柏寶揀騎只要尾段場次內疊非大利就有位望。

2012年3月10日田草C+3欄日馬

賽道分析：對上一次田草A欄全闊跑道為2月19日賽事，當日內外疊偏差唔大，主要受分配影響，而A欄內疊常會有受阻問題，故此除轉彎特慢步速影響，整體可從馬匹實力評先。


第一場 5班 1200米

5.叻先生 14.豐彩人生 7.路路好 11.電訊新星

「叻先生」為自購馬，來港時80分，未適應水土前不斷出賽減分，直至27分開始低位反彈，已打疊5場取得1W3Q1T，剛戰跟得稍急下只負於步速相對有利嘅「飛躍之鋒」，今仗快馬唔多可跟守前列好位，可再勝下仗跑4班賽。

「豐彩人生」轉倉有明顯進步，前仗沿途外疊下走勢已見不俗，上仗轉田草即見能力，遲望空下可力迫「叻先生」，預計今仗都係跟後駒跑形勢相若，一Q而回。

「路路好」上季上名水準明顯不高，須減分至適當水平才有望提升名次，剛戰首次落5班沿途外疊亦能保住一席第3，反映現時此評分已具空間，今仗強配薛寶力，明刀明槍出擊爭入一席。

「電訊新星」10戰重未上名，賀廐馬部分確會不斷試程試準才出擊，上仗早段受阻大力勒避，末段竟可反撲轉走外疊追前，賽後縮內圈踱儲新鮮感縮程，可爭冷腳。

恳请师兄点评一下第一场的3.震撼和10.光芒四射？

引用:

原帖由 linlisun 於 17-3-2012 03:27 PM 發表
恳请师兄点评一下第一场的3.震撼和10.光芒四射？

3.震撼 前一仗已見追勢，上仗大利內疊下沿途走4疊唔輸才怪，事實上今仗並不是毫無機會，我會列作第5選，T/F4必拖

10.光芒四射 前季此程4班上名，今季亦曾於泥地及谷草B欄內疊大不利下追得不俗，唯一係加配備後明顯表現一般，今次仲有單邊面篩再等等先

賽道分析：對上一次田草A欄全闊跑道為2月19日賽事，當日內外疊偏差唔大，主要受分配影響，而A欄內疊常會有受阻問題，故此除轉彎特慢步速影響，整體可從馬匹實力評先。



[編者話：近來因工作極度繁忙而減少分析及列文，深感抱歉，日後若時間許可，定必盡能力回復正常及為大家回顧前幾次賽後分析，今日亦唔夠時間處理，第4至第10場只提供心水，如有任何問題關於今次賽駒分析，請提問本編定必盡快回覆。]



第一場 5班 1200米

5.叻先生 14.豐彩人生 7.路路好 11.電訊新星

「叻先生」為自購馬，來港時80分，未適應水土前不斷出賽減分，直至27分開始低位反彈，已打疊5場取得1W3Q1T，剛戰跟得稍急下只負於步速相對有利嘅「飛躍之鋒」，今仗快馬唔多可跟守前列好位，可再勝下仗跑4班賽。

「豐彩人生」轉倉有明顯進步，前仗沿途外疊下走勢已見不俗，上仗轉田草即見能力，遲望空下可力迫「叻先生」，預計今仗都係跟後駒跑形勢相若，一Q而回。

「路路好」上季上名水準明顯不高，須減分至適當水平才有望提升名次，剛戰首次落5班沿途外疊亦能保住一席第3，反映現時此評分已具空間，今仗強配薛寶力，明刀明槍出擊爭入一席。

「電訊新星」10戰重未上名，賀廐馬部分確會不斷試程試準才出擊，上仗早段受阻大力勒避，末段竟可反撲轉走外疊追前，賽後縮內圈踱儲新鮮感縮程，可爭冷腳。

第二場 4班 1800米

10.添多福 5.足智多謀 3.晴天 6.好運得福

「添多福」連取兩WIN而姿態討好，剛戰排檔內移就可以更機動跑法作賽，直路一度被「有盈有利」走甩，以勁勢追過之餘可力抗「足智多謀」衝刺，復課依然積極，上週連續兩日快跳今個禮拜又落埋草閘，頂得住辣操，今仗可力爭三捷。

「足智多謀」季初表現不俗，曾於不利場地追其後再勝嘅「幻想家」及「勁擊」，上仗小休第二仗重現能力，唯一係今次轉配備下作配會較安心。

「晴天」前仗超慢步速初見走勢，名次唔起眼但愛爾蘭馬剛轉3歲有此走勢已見好，剛戰騎者走位不智下直路從未望空過，今仗強配高雅志有助發揮，6檔亦唔須要留咁後會好跑，有力挑戰。

「好運得福」前仗嬴得出色，以勁勢追過賺步速形勢嘅「精密紡」，上仗再遇段段慢加大利內疊，沿途走外疊加上留得後亦追得接近，反映馬匹態勇，轉返田草1800過往曾入Q，能力上亦絕不限於谷草，冷勿忘。

第三場 3班 1400米

5.威猛 1.閃爍武士 7.安陶 9.進勝福星

「威猛」初出沿欄追近後剛戰落4班甲一組負頂磅下，加上增程能力追之後已再嬴嘅「育成王子」，水準不差，復課積極而且練馬師團體馬戰意必佳，負中磅對手未見大幅增強作膽最穩。

「閃爍武士」上仗不利外疊下可力追未達止境嘅「華美之星」，再跑同程會好，但初負頂磅會對質新馬有考驗，無疑能力上係前駒嘅最大對手。

「安陶」剛戰初出賺快步速下追入一席第3，幸走勢尚算不俗，加上薛廐馬好開嘅馬狀態會有一段穩定期，同父馬「阿哥精神」1200上名後增程亦得，早期嘅「締造美麗」更係頂級中距離馬，有力加入戰團。

「進勝福星」回3班作賽，事實上季內挑戰過明顯只有3班尾水準，今仗對手唔多而且可前置下可爭一位，重戴眼罩馬近期蔡廐常有驚喜，可作配。



第四場 4班 1200米

10.神聖駒 4.驚雷 9.四貝勒 1.好好機會







第五場 4班 1400米

1.翔龍 9.喜勁駒 4.超綵 2.高耀之寶







第六場 3班 1200米

6.小宇宙 2.馬上得勝 1.閃耀之星 13.仁心仁術







第七場 公開賽 1800米

2.自由好 1.滿綵 5.包裝選擇 6.人人興旺







第八場 公開賽 2000米 [打吡大賽]

3.續領風騷 2.甜橙 6.多名利 4.牛精大師







第九場 3班 1600米

4.幸運金龍 10.旅遊小子 6.阿哥精神 5.財駿福星







第十場 2班 1200米

1.夢幻十一 4.花月佳期 7.先鞭直前 8.幸運雄風

全日馬膽：

第六場 6.小宇宙

第八場 3.續領風騷

賽道分析：對上一次全泥夜賽為11年10月19日賽事，當日跑道大利外疊，就算步速分配利前領馬對沿途貼欄放頭馬毫無優勢，除頭場段段慢轉彎加快步速加上5班馬難追之外，其餘全程走2､3疊馬甚有利，可以此類馬評先。



全日馬膽：第七場 7.開心指數

冷門突擊：第五場 3.龍城動力



賽日重點：

第五場 3.龍城動力 拖 6.天賜福星 1.陽明深心 9.綠色寶

第六場 3.福到多多

第七場 7.開心指數 3.太陽海岸 6.飛躍之駒



   







第五場 3班 [泥] 1200米

3.龍城動力 6.天賜福星 1.陽明深心 9.綠色寶

「龍城動力」季初熱身後走不利場地跑此程嬴「魔幻大師」，而之後再可加添一季，剛戰跳班跑一班直路完全冇位上敗不足據，賽後匆匆再出起用吳家晉誠意足，對手唔算太強，7檔可中置走有力場地爭勝。

「天賜福星」此程7戰獲3冠3季1殿路程專家，季初就能步步壓住今戰再同場嘅「帝豪駿駒」嬴，現受讓2磅更為有利，早前不良於行退出後復跑泥地中距離跟快步速亦輸唔遠，當熱身賽其佳，賽前再輕勝泥閘才復出，12檔一如對上一次全泥夜賽般走外疊再與前駒一爭高下。

「陽明深心」2月初復出第2仗已見後甦走勢，前仗若非轉彎受意外影響已於一班賽走得更近，剛戰泥地名次甚後，只因直路同樣未有空間上前所致，直路初一度有追勢的，現跳落3班跑亦會有利。

「綠色寶」同父馬泥地成績甚佳，季內已一度證明泥地能力，其後轉田草及谷草作賽，上仗跑谷草1000米處嚴重失衡，直路仍見保持走勢尚算可以，強配杜利萊亦見戰意，亦會有力加入一戰。





第六場 3班 [泥] 1650米

3.福到多多 11.健康藍莓 1.財運 5.非常好

「福到多多」早前已列作備忘馬，今季轉泥地發展後不論於跟前有利場地或步速都可輕鬆從外疊追嬴，打疊3捷後操而不戰追趕進度，今仗復出繼續跑同程強配巫斯義，死磅唔使負咁多加上全泥夜多數利外疊追下更為有利，4捷可期。

「健康藍莓」前仗轉留後跑法後追甚勁，果然剛戰一轉內檔就能補中，而且段速出色，第2段快達22.52，末段更可拋離對手取勝，實力比過往只能居4班頂時更強，上班作賽少負6磅而有4檔可跟守好位，只要直路肯順勢移出衝刺就可再爭一席。

「財運」打疊6仗跑入前4名，包括近3仗泥地賽，上仗與「魔幻大師」一同製造快步速下仍可跑入一席接近嘅第4，落班跑但要多負20磅，故作配較合。

「非常好」5戰戴鼻篩跑泥地取得2冠1季成績，上季就嬴同程而並非只跑1800才好，休息期後跑2仗草地賽熱身即再用鼻篩爭泥地賽，成冷勿忘。





第七場 3班 [泥] 1200米

7.開心指數 3.太陽海岸 6.飛躍之駒 5.巴其利

「開心指數」同父馬多出泥地怪傑，初出田草直路賽熱身後就以出色段速兩勝同程，剛戰初上3班轉田草作賽仍能放快步速入Q難度極高，隔3星期待體力稍稍回復才再報泥地賽更安心，同場只得「巴其利」會快未必會構成強烈步速壓力，有分係手今場好有機會捧盃而回。

「太陽海岸」大前仗步速不利下走大外疊追已見出色能力，前仗亦能力追再於2班上名嘅「幸運雄風」，剛戰一轉泥地即嬴級數而且姿態出色，賽前試泥閘以快時間完成，今仗有力成前駒最大對手。

「飛躍之駒」6戰同程獲2冠1亞2季，前仗能力迫「夢幻十一」，回師泥地會更有信心，韋達賽前揀騎連續親操3課，雖用10磅仔會更好但以其能力已可爭入一席。

「巴其利」3戰泥地只於前仗因氣管多血而失Q，上仗表現亦不遜色，不過事實上衝勢冇「太陽海岸」般好，今次可與「開心指數」輕鬆並頭領放，如步速正常轉彎加快就有力爭Q/T腳。



其餘備忘：(因工作事忙未能逐場提供)



第二場 12.元豐泰

4班同程上名，其後落5班跑同程取得第2，同場對手頭6名全部可提升名次

「都靈一號」嬴4班､「厲行星」､「長勝」嬴5班､「豐彩人生」､「博利好」再出上名。

唯一賽前一度缺課，2月26日至3月8日，如非此不利因素而可作膽。