賽道分析：上季谷草B欄多次出現外疊場地極好嘅大偏差，今次屬谷草B欄首次賽事，會唔會好似上季咁突然大變都未知，應先忍手觀望再投注，如以上季作標準，早段內疊形勢未至於太差，只係2､3疊都稍蝕得起，但領放馬貼欄都唔會斷得太勁，壓地後卻外面場地變為天堂，今次選馬以實力和計段速分配行先，場地留返臨場大家執生。
全日馬膽：
冷門突擊：
賽日重心：
第一場 4班 1650米
1.開心歡樂 3.喜發龍 4.奄尖大少 2.康駿
「開心歡樂」兩次B2取得1冠1季，而且季初特別好成績，今場出馬唔多下可靠本身前速搶出貼欄慢放，「京城精英」應會樂於守BOX SIDE而唔會頂得佢好勁，計谷草班底最高，坐位望嬴。
「喜發龍」上季3度於田草入Q轉谷草夠級數，季內初出田草走內疊不利場地走勢算唔錯，熱身後更佳而且4檔可守2疊4位機動好位，以潘頓韁繩發揮會更好。
「奄仙大少」近兩季初出4班取得1冠1亞，睇嚟易於谷起狀態，賽前排位朝落草閘考驗夠晒認真，以上季能嬴「新力多」､「超級精神」等計4班必夠用，正路配腳之一。
「康駿」除因上季中傷病休143日復出表現較差外，有表現以來休40日以上出賽4戰取得1W3Q甚好成績，睇嚟休出常能交出好表現，9檔預期會順其自然留後，田草1800入Q轉返谷草跑當然唔可以睇少。
「神勇馬車」常要RUN一仗才好。「京城精英」8月23到29日缺課。其餘三匹季內已出賽表現並未見突出。
第二場 4班 1650米
2.威水福星 1.正歡騰 7.勁威小子 3.開心駕到
「威水福星」上季轉伍廐出賽表現極忠心準繩，只得季初嬴完兩仗分別遇B欄內疊不利及出閘意外才失3甲，一如其他伍廐馬上月尾先開始快跳，但拍過三課韋達親自試好，預期能因應少馬場合切入2疊，慢步速下早著先機爭勝。
「正歡騰」上季於沈廐復勇，而且能蝕分配下衝入一席，而頭馬均是4落3嘅對手，計級數於此組夠晒，賽前準備都幾完整，但步速會稍蝕，睇下場地幫唔幫到手。
「勁威小子」喺胡廐時已越跑越有進步，兩度於田草長距離入位，今季轉高廐初出，向來收一D弱勢馬房嘅馬會甚快爭取表現，試埋大閘認真考驗而排位朝有跳屬較好嘅高廐操練模式，配備變埋有權再進突擊。
「開心駕到」前兩日季內初出跑泥地1200跟都跟唔到，當試課泥閘，可能現時性能已變中距離更好，潘頓騎領放控制步速一流，如內疊場地問題不大亦有力加入戰團。
「金添好運」減分多長遠有著數，但睇準備唔似係今仗。「仁心仁術」轉倉未有起色。「財源來」準備夠但熱身後更好。其餘兩駒轉倉初出，馬房唔算急進先觀望吧！
第三場 3班 1650米
5.安甲 4.魅力星 3.帝豪名駒 9.雪山神駒
「安甲」上季多次喺三班強組有不俗表現，於此組已夠用，埋門落埋草地跳夠認真，4檔預期守5､6位2疊位置，如真係好似速勢咁估計慢步速，呢個位仍可機動早發力爭取歷來第2捷。
「魅力星」以上季表現計只屬3班中下級材料，但賽前大細閘試得均好，2檔靠基本前速已可跟守前列，自放或守BOX SIT亦可，可大賺作首選配腳。
「帝豪名駒」初時上名全靠黏雨地，但之後正常場地於2班一樣能上名，休後體力回復減到73分比上名時低8分，對手唔算好強可爭一席。
「雪山神駒」四班頂份子今仗休出跑三班賽本來未必有優勢，但賽前準備足加上騎者早前因應慢步速發揮出色，作保險腳。
「紅日」上季尾及今季初出均沿途外疊遊馬河，但今仗熱身後要負133慢步速靠追難度更高。「安賞」屬愛爾蘭初出3歲馬，計成熟進度應未夠，先觀望。
第四場 5班 1650米
6.恭喜發財 11.不老精英 10.十項全能 5.更捷勝
「恭喜發財」上季兩度嬴5班賽，分別於田草嬴「大衛金剛」及於谷草大勝「華麗堡」，計級數絕對有，操練準備完善配合馬房攻擊而來，作膽應穩。
「不老精英」上仗季內初出放得輕鬆但走不場地斷得快，當熱身一仗，今次賽前仍有快跳，快馬唔多因楊明綸受傷而換上更硬淨嘅霍勵賢，戰鬥力應有增冇減。
「十項全能」上仗走勢不俗，如非出閘意外及直路受困會有更接近表現，3檔預期可跟前D賺形勢一鬥。
「更捷勝」上季一度於4班中距離有好表現，現時因暑假評分大幅調低至33分，只要跑得返8成水準都夠用。
「得力助手」有4班級數，休後亦佳小心突襲。「好好運」､「福到財星」､天子駕六」上賽走勢均冇特別。「桂花飄香」落5班有著數，方仔會心急交代。「智勇福駿」大幅減9分落班轉配備､轉倉轉場地，冷勿忘。
第五場 3班 1000米
2.銀桂飄香 4.勁卒過河 10.捉金 5.電光能量
「銀桂飄香」上季出賽第2仗快跟下能反撲再上已見不差，怎料季尾一役能上2班以極強後勁追入亞席，今仗落返3班就顯得超級，同場快馬多亦會易於處理，嬴面就睇騎者發揮了。
「勁卒過河」初出及休出一仗表現一般，第二仗才勁，但季尾一役能於不利場地及步速以佳速追入季席，今場遇快步速會好好跑，希望轉4歲休出都得。
「捉金」兩戰獲一冠一亞，跑法主動，今次休後復出轉爭谷草賽事，5檔可比前列馬匹先走守2疊好位力爭百萬挑戰賽嘅第一步。
「電光能量」上季尾沿途外疊下唔斷表現可接受，1檔有形勢幫助下列作保險份子。
「江山如晝」上季上名全部均有戴鼻篩。「常山鳳寶」表現失望而今仗好大機會要走3疊。
