賽道分析：谷草A欄上季至今稍利內疊前置，而季內偏差時稍利內疊時而偏差不大，賽前適宜以傳統短距離稍評高內檔而中距離計少偏差較為合適，聽日好大機會有雨偏差唔易估，臨場再計。






第一場 5班 1200米
5.千笑 2.錦衣衛 3.開心凱旋 12.天子駕六
「千笑」上仗縮一千跑，冇放守BOX SIT其實都冇跑錯，至少騎師沿途鬆住走而唔係死守內欄2位，追唔過稍為失望，但今場同場一隻快馬都冇，「華劍寶」現時落腳轉慢想迫都迫唔到佢，順放場地正常已可坐位望嬴。「錦衣衛」季內4班此程入位，之後轉1650仍能頂住一席，再度增程落敗後刻意減埋幾分落5班把握更大，此駒一向都係單跳功夫為主唔使介意冇拍跳課期，騎練合作愉快內檔可賺形勢一爭。
「開心凱旋」剛戰4班外疊初次追近，唔算好勁但落5班此組便夠用。「天子駕六」韋達騎有3檔唔使留太後，有22秒幾追勁今季銳開縮程有冷味。
「華劍寶」上仗慢步速衝22.4，唔夠快如守到5､6位鬥爆或屬奇兵一路，唯騎練6戰合作差，唔用潘頓､霍勵賢有疑問。「聚豪精英」落返5班，其實都退化唔少，但成冷T/F4腳爆就爆呢D，上季初嬴過此程的。「大東海」收埋操積極，但轉倉幾仗冇走勢再觀望。
第二場 4班 1200米
2.田園名駒 5.太陽雄心 1.紅運福星 3.好友星威
「田園名駒」季內兩仗遊走大外疊熱身後即報返以往取得3W3Q嘅同程，上仗沿途外疊直路一度衝刺不弱，今戰抽到黃金一檔步速唔快，此馬房季內就有「勝在分秒」､「仔仔女女」熱身後越跑越好，唯一11月25至27日缺課，但之後跑返兩課希望唔好影響太大。「太陽雄心」上季初跑谷草第二仗出賽沿途外疊蝕位下跑得唔錯，此場地應可適應，上賽賽後氣管有血，但只隔一日就復課，操足兩個月試大閘試好埋眼閘配備先出擊，非無的放矢，機會馬之一。
「紅運福星」3班強組跑近落4班會夠用，8檔切入到2疊就可爭。「好友星威」初出一仗表現唔差，之後兩仗再抽大外檔快步速早段用好多力切入，今仗抽到4檔同場快馬唔多甚具變身條件，冷可搏。
「成日攞彩」同父馬初出勁，但馬房甚慢熱等等先。「喜逸」上仗追落只不過不失，與「開心凱旋」不同之處就係對手級數冇得賺。「多多昇」12檔難發揮。「常盈多」轉倉初出，試閘尚可，同父馬「歡樂時光」初出嬴此程的，但9檔冇快步速要克服唔易。「心甜意合」常近而冇威脅，止於3-5名。

第三場 4班 1650米
2.威仔皇 1.財神駕到 3.金得意 12.連戰連勝
「威仔皇」上手馬房於3班都連番入位，轉倉絕對有分係手，剛戰表現差到唔似真，如非配備問題落4班此組必超級。「財神駕到」季內能兩勝4班賽，季內第二仗就於快步速場合嬴，今戰再抽內檔形勢有利得多，可一爭。
「金得意」剛戰轉配備稍有起色，抽到內檔亦前置可爭入一席。「連戰連勝」初出5班快步速下雖賺場地嬴，但能頂住其後兩勝嘅「喜欣賞」，此駒以往休出常有好表現，所以上仗賽後快復課都刻意唔出賽，操而不戰今仗復出，「金桂飄香」日本騎師騎順其自然跑法未必迫得佢咁急，順放下可出冷。
「神奇馬車」荒馬場特佳，但剛戰相若場地唔衝。「金瑞」上仗田草都冇理由跑得咁失望。「財源來」剛戰追落唔勁。「傲闖」泥地偷唔到返谷草未見優勢。

第四場 4班 1650米
1.好旺財 6.萬眾期待 7.大家好運 9.旅遊小子
「好旺財」前仗賺形勢下爆半冷嬴馬，上仗返3班作賽，計整體馬群其實步速係正常偏慢偏慢，稍利內疊亦會利前置馬匹，當然頭段獨自放得極快果隻「心中有程」另計，本身此駒走外疊追勢頭一D都唔弱，今仗落返4班跑當然甚有著數，而且對手唔強大多4班份子，有柏兆雷之助5檔可再度爆半冷取勝。「萬眾期待」前仗初增程即能入Q，而且當日計時間全日最快，水準應唔差，剛戰轉田草跟偏快步速能與四班硬淨而賺步速嘅「京城三寶」一齊返，今次轉馬房初出幸抽內檔及韋達，亦有力爭勝。
「大家好運」上仗大幅增程段段均速領放，步速稍稍偏快下頂到一席第4，轉谷草短直路就有利得多。「旅遊小子」今季多次遊馬河，走勢唔差的，返谷草用返嬴馬眼罩配備可加入戰團。
「雪山神駒」4班會超，但11檔又要追要考騎師發揮，今場步速唔快的。「閃耀小子」擁黃金一檔，但剛戰早早切入2疊比領放嘅「回鄉精神」大幅拋離，本身都退得急。「太奇妙」可與「威駿寶」一拼比較，後駒上仗蝕得多好多而末段再度追近，表現討好，要揀就一定揀後駒，但個人怕該仗水準唔高才放棄。「碧玉釵」上季尾田草大長途意外地追得勁，不過今季受健康問題影響遲至10月尾先開始快跳，蘇廐馬始終熱身後較好，有膽才可拖。

第五場 三班 1200米
7.信心十足 5.新力飛 3.強風駿馬 6.金湶
「信心十足」上季出道已經表現甚勁，田草直路賽能於近乎冇可能嘅位置追到上嚟，之後再出1200一樣嬴得易，今季復出兩仗田草雖未能上名，但都能以22秒幾終極時速追近，場場忠心肯追，今次初轉谷草，同父馬兩匹已出賽馬跑谷草勁到不得了，5檔好跑只要眼罩冇負面影響就可嬴馬而回。「新力飛」季初嬴「卡加大師」，前仗亦能力迫「綠色快駒」，其實早於前季田草能衝21.93已知此駒唔簡單，不過大摩部署上不斷轉路程場地才影響成就，此匹英國馬現時仲係4歲，評分必未盡，上仗失準或因左前蹄割傷，今次返谷草作戰有1檔之利，跑出正常水準可與前駒一爭。
「強風駿馬」剛戰發揮差增加受阻意外才失Q，幸好證明咗唔係一味靠前置，今次10檔疊埋心水追可能更好，若因檔位成冷亦可搏。「金湶」上仗初跑泥地放極快步速下唔斷，夠晒勁，未知好似「綠色寶」咁泥地特佳定態勇，今仗跑返谷草須兼顧。
「多綵」嬴馬後回3班作戰，上仗幾經辛苦嬴「威威加瑪」，講真後駒跑今仗都未必揀到，有檔利T/F4才預，必過熱的。
第六場 3班 1650米
1.漸信良駒 2.歐洲駿馬 9.蓋世子牙 5.喜來仙子
「漸信良駒」季內快步速2度一跟一快唔斷表現出色，此駒越跑越均速，要靠一D比較快嘅步速才更合發揮，故上仗一遇慢步速鬥爆就難搞了，今次落3班作賽，除對手弱了一截外，同場有兩匹慣常領放馬匹，步速應唔會好慢，只要步速正常或偏快都合此駒發揮，屆時交代。「歐洲駿馬」近兩仗於泥地走勢不俗，上季曾於此場地取得1冠1亞的，減夠分又可再來。
「蓋世子牙」上仗回復走勢後即加返近兩季取得3W嘅眼罩配備，似配合馬房攻勢出擊。「喜來仙子」剛戰賽前退出停課而跑得差，今次出賽功夫完整得多，田草3班級數於此組夠用，以往場地已證明唔須懷疑。
「榮進公主」血統宜短，外地增程1400亦唔得。「富逸」休十多日復課操足而臨，但季內嬴馬一役水準唔高，T/F4才拖。「熱刺小馬」算係此馬房其中一匹比較早有接近表現嘅馬，同父馬增程中距離更合，要防。「勝利福星」輸多仗可落4班跑了。
第七場 3班 1650米
3.勁綵 5.南陽望族 10.好好機會 12.瀟灑駿駒
「勁綵」上季已證明級數，過嚟谷草只會更賺，前仗快步速能鬥嬴再出嬴2班賽嘅「銘記心頭」就要印證，剛戰俾「勁嬴晒」快步速燒斷，今戰由莫雅策騎，此子擅長發揮後上馬，今仗有「心中有程」步速唔會慢，10檔如留後或更值一搏。「南陽望族」上仗復見追勁，跑泥地有新發展之餘亦喜見馬房弱勢時有上名表現，「飛哥」就係其中一隻當時上名之後能嬴馬嘅馬匹，5檔快馬多守好位易於發揮，此程夠勁可一戰。
「好好機會」季初大賺場地下能與「財運」單打獨鬥，有1檔之利跑得返狀態於谷草可爭的。「瀟灑駿駒」剛戰與3班中級馬「樂馳」及「奪金」同過終點，非僥倖而有進步的，今次轉谷草步速預期段段快下有內檔之利已可兼顧。
「玉峽生輝」熱身後轉谷草難批死。「心中有程」上仗第一仗放得太急，之後兩段回氣後仍算斷得過快。「東江神駿」兩仗表現尚可，增程則宜先觀望。
第八場 2班 1800米
5.安穩 8.精奇 9.按得美麗 12.百事神駒
「安穩」上季取得4捷，機動跑法於谷草甚為有利，前仗韋達遊馬河熱身後即能於稍短嘅1650上名，增程更合，賽前積極再試一課大閘，步速又唔快可再賺爭勝。「精奇」就係其中一隻唔怕慢步速，此駒常可衝一段22秒幾，前仗轉彎因有意外要飛到8､9疊衝，蝕咁多都能取得亞席，表現出色，上仗連番意外當回氣賽，有賠率甚至可搏WIN。
「按得美麗」今季閹後復出，稍賺場地下能追近二級賽亦有不俗表現嘅「金秋」，轉谷草夠級數，將近5歲應少D出現上季般嘅反覆表現。「百事神駒」蝕得比「同個世界」仲要多但可追過前駒，而相近位置追得勁嘅「爪皇豪火」剛剛爆出冷腳，明顯水準唔差，夠爆發力12檔立心留後衝一段成冷勿忘。
「福到威威」排檔逆轉難再賺。「銘記心頭」谷草準，嬴馬加分後增程則並非太安心，作配較合。「喜競寶寶」上仗雖能嬴再出補中嘅「首飾孖寶」，但相對該仗此駒賺得多好多，上2班要再嬴非易事，成熱最多拖腳。

昨晚賽事真係估佢唔到甘正路~~~

Q 33.19% QP 51.29% 期望持續提升!!

賽道分析：谷草B欄上季雖然多次出現大利外疊嘅情況，但以往及今季舉行嘅B欄非單一外疊大利，故賽前唔會睇低內疊馬，留意臨場分析。
由於近日工作繁忙，只列出下列靠不明嘅四選馬分析，請見諒。

第一場 2.環保之星 - 同父馬「安甲」適應谷草無問題，此匹將近5歲嘅英國馬來港已一季，而今次初出係轉馬房後嘅首次作賽，早於一年前到港，當時屬蔡約翰馬房的，操咗大半季，而今季轉賀賢後積極操練，大細閘一共做咗5課，而且肯追，結合父線早熟，有3檔之利對手各有不足下有權爆。
第四場 1.路路發 - 今季連仗肯追，而且勢頭不俗，季內初出一役更於外疊追得甚勁，當日同樣於外疊有不俗走勢嘅「自由勝」及「大家勝利」再出已包Q，上仗試谷草轉彎移出不利大外疊冇比早已適應得好而且忠心嘅「喜勁駒」拋離，今次落4班1800，本身跑1400入過Q此程同步頻可作奇兵一路。
第六場 7.滿貫豐采 - 剛戰初出沿途外疊仲要轉彎發力走，初出跑急彎谷草早段仍有走勢，之後被夾收慢才落後得較遠，呢場3隻強中強揀完後最有機會爆係呢類質新不明物體。
第八場 9.幸運全勝 - 過往連同外地跑1000表現特佳，前仗雖賺場地，但能衝全場最快22.32追近，而上季能與「熊英雄」及「風火神駒」鬥，有4檔之利刻意報谷草一搏非單純減分。
第八場 6.佳同 - 季內有FORM的，上仗冇誠意留後作賽仍追近，而且第6名屬強組名次，前5名求其一隻轉過嚟跑都成大熱門，如巫斯義肯切入衝一段並非不可一戰。