waitting!!!!!!!!!!!!

賽道分析：田草C+3跑道偏差最大，內疊前置優勢不少，加上天氣晴朗下場地更快更難追。泥地相對前置並非大利，天晴有得追的。

大信心日！全力反擊！

賽道分析：谷草C跑道一向偏差甚大，而近兩戰同一場地都係沿途要慳完先得，直路近戰見分別不大，內外疊均可，如臨場有雨就要留意沿途2疊以外同1疊嘅分別，預期到尾段外疊場地會冇早段咁不利。


第一場 5班 1000米
12.盈驥 10.凱旋無敵 4.鑽飾天使 1.盈威勇士
「盈驥」轉倉後想盡快交代，上仗慢步速下衝落尚可，今仗5檔易於切入，預期2檔會快放而內疊同速只得「鑽飾天使」，有力打開勝門。「凱旋無敵」上場用力多切入2疊後仍能貫注到底，末段保持22.95，今仗8檔仍會有相若形勢，只要唔好被頂於3疊可再爭勝。
「鑽飾天使」季內表現越跑越失望，於是剛戰後文家良即收埋操返個多月，重戴眼罩排一檔，有形勢之利跑返上季後於4班水準亦可一爭。「盈威勇士」上仗切入賺咗慢步速唔到，但柏寶肉緊到內圈都親踱，誠意加零一。
「共創良機」､「利士寶」上仗慢步速做唔錯締速，前駒要外疊場地冇不利而後駒待增程或更好。「瀟洒靚龍」貼欄賺完鬥輸唔大藉口了，今次再賺要場地大賺幫手先得。
第二場 4班 1200米
3.金滿載 2.日月暉華 11.心中有勁 6.威風大班
「金滿載」上次形勢大好，守貼欄BOX SIT位，但於強組跑入一席而大幅拋離群駒，今次7檔但對手減弱，2疊就夠爭。「日月暉華」上仗與「紅衣精靈」一齊係後面追，今次檔位調轉形勢同樣逆轉，前駒可反先。
「心中有勁」雖排內檔，但可因應內疊快馬唔多切入領放，有態續爭一席。「威風大班」初出，同父馬無論初出､谷草都甚勁，母線出過「千両寶寶」谷草短途威力勁，而且早熟，同主馬「威風統領」放於高廐3戰未入過位就退役，呢隻都幾心急要去交代。
另外兩強包括「紅衣精靈」及「回鄉更好」，前駒唔使多講，後駒熱身後收埋操足，體重去返上季直路賽輕鬆走近嘅磅位，排黃金一檔不容忽視。
第三場 3班 2200米
6.旅遊名牌 1.安賞 4.帝豪名駒 10.勝利福星
「旅遊名牌」今季表現大幅進步，熱身後佳速嬴4班賽，其後上3班適應一場步速，即於不利形勢追入一席第3，外地初出嬴2000，而且上季已有2200大長途經驗，2檔可前置守好位，只要中段前領馬唔拉得太慢拖此貼欄馬於後可再捷。「安賞」已證明其能力，因應斜跑今次戴防斜跑口銜鐵上陣，前駒最大對手。
「帝豪名駒」剛戰直路略受阻，但如果「安賞」唔斜跑應該迫唔近。「勝利福星」此程最強，3班負輕磅與前駒爭3､4名。
第四場 4班 1650米
10.常盈多 3.烈風天馬 2.福喜 11.明旺
「常盈多」剛戰轉倉初出跑短，直路早段冇位上，最後幾步望空衝勢甚勁，跑此程只會更合，更有1檔可居中前位置，可嬴馬交代。「烈風天馬」上季短途早已證明能力而且追勢強，4班留唔住，10檔考際遇作配較合。
「福喜」熱身做足功夫跑首本路程，9歲已無保留。「明旺」4班都超級，宜家減到咁輕磅12檔好大機會立心切入留鬥衝一段，上仗跑2200轉彎被迫移出望空走直路早段唔差的，睇下幾時爆。
「威老虎」與「宇宙駿駒」一齊於不利外疊蝕，但直路追唔近同樣蝕外疊而能力未證明嘅「勝算高」，轉返谷草換人成熱就揀唔到。「超級精神」季內FORM唔差，上仗泥地3疊外遊甚不利，今戰11檔要切入到1､2疊先有機會克服不利形勢。「黃金袠蹄」季內首仗同程跑啱晒唔夠爭，有2檔應止於3-6名。
第五場 1班 1200米
6.一寶 5.風之子 2.高風格 1.先鞭直前
「一寶」剛戰跑田草遇慢步速，直路早段緊迫競跑，一有空位能以22.35強勁末段追近，返主場3檔夠快切入「跑寶貝跑」之後，大摩又較啱時間幫馬主交代。「風之子」學識田草1200追，而且季內表現甚佳，今次返谷草對手級數弱一截，1檔預期守「一寶」之後，兩隻鬥爆幾可篤定一Q返。
「高風格」季內初戰谷草，前仗直路賽表現唔算差，跑出水準仍可爭3､4名。「先鞭直前」今季復出表現差，但喜見健康保持，部署操足谷草再戰，以往除意外及心律不正谷草只負於「鐵胆龍」，T/F4配腳。
「旅英駿駒」休出佳嬴谷草1000，今次增程對手增強只宜配。
第六場 4班 1000米
2.創出商機 7.駟馬難追 9.中國好 8.馬得利
「創出商機」初出走不敵再出再嬴嘅「勝在分秒」，前仗同程再於2疊快放，拍住領放而直路斷嘅「辣得喜」之前之後都能入位，佢唔斷表現夠勁，上仗泥地或不合可當回氣賽，今戰有1檔之利，本身前速飛快能順勢輕鬆領放，可初享今季首次勝仗。「駟馬難追」上仗沿途3疊直路仍以22.97力追「精靈勇駿」而壓倒今次又同場而剛戰賺晒嘅「韻出真愛」，2檔預期可跟前駒跑守BOX SIT好位，坐入一席。
「中國好」小休會好，呢兩個月操而不戰，回復季初水準4檔會夠爭。「馬得利」越跑越好，上仗末段更快達22.49全場最快，5檔形勢唔太差快可交代。
「喜萬家」部署落4班出擊，但直路賽以往唔差上仗斷得好急，排9檔內疊快馬多吳定強少打無把握嘅仗，今仗外遊多。「高山威龍」剛戰賺晒冇追近。「路路好」直路賽有FORM但谷草季內首仗，搏得多成熱更要搏際遇寧放棄。「勝在分秒」上仗慢閘直路受阻仍追得勁，今仗12檔如肯放棄前段或可出冷。
第七場 3班 1200米
1.強風駿馬 3.飛躍之駒 10.多綵 5.天賦傳奇
「強風駿馬」轉谷草作戰後未失3甲，而且耐拼，忠心馬未斷纜可續追，而且對手比上仗弱，4檔如出閘順利守跟前2疊機動位會好好跑。「飛躍之駒」匆匆賺分出戰，上仗泥地固然於有利場地抛離季席衝得甚勁，而前仗於田草1200亦以22.35末段跑近，5檔相應可守1､2疊內疊位置，成冷更抵搏。
「多綵」前仗強組嬴馬，剛戰升班不利形勢直路冇位上但勢頭唔弱，適應埋步速今次重戴眼罩出擊，唯一9檔要考際遇，屬機會馬之一。「天賦傳奇」以往谷草好，而季內一戰田草直路賽即勝未輸過，該仗跑第2､4､7､9名再出都提升名次，水準未必弱，11檔立心切入追或可一爭。
「中國動力」上仗發揮出色下明顯唔夠鬥，再賺亦難反先。「珠光寶氣」上仗出彎蝕得多，但勢頭唔算勁，上月中亦曾放緩一度缺課10日，外檔唔易突擊。「快樂無窮」季內嬴泥地而草地未有證明，6檔對手強只宜作配。「勝利大將」上仗慢步速早已切入慢放仍斷，就算有1檔亦幫助唔大。「好友星威」大賺嬴馬上班要爭一席都唔易。
第八場 3班 1650米
7.豁達瀟灑 6.喜來仙子 9.駿馬精英 5.銀子彈
「豁達瀟灑」今季連仗追得勁，到尾場10檔或冇早段咁不利，急於交代繼續搏。「喜來仙子」､「駿馬精英」上仗於同一場次力追「蓋世之牙」，承勇再爭，但同樣要克服不利外檔，可幸賠率上比內疊明顯賺完鬥輸嘅馬值搏得多。「銀子彈」重回草地作賽，上季已證明強勁衝刺力，而且更於泥地1650跑近，長力不用懷疑，內檔對手各有疑問成熱取此駒更好。
「幸運金龍」剛戰步速形勢都賺晒，衝落一個字「無」。「競技英雄」上仗泥地大利內疊前置入位，季內草地完全跑唔返上季水準。「傳奇快車」現時慣性出閘稍慢，爭3-5名多。「樂馳」今季越跑越差，上仗形勢比「博愛福星」更有利而衝落兩個勢頭，有內檔成熱但唔覺有變數，寧捨棄。「太奇妙」前仗大賺入Q但被頭馬大幅抛離，上仗再大賺發揮得極出色才險勝，升班作賽賺完都再難抗衡了。