賽道分析：谷草C欄內疊馬稍有優勢，沿途1､2疊尚可但走3疊已蝕得甚多，季內近3次同一跑道有2次先腳馬甚為有利，即谷草BOX SIT好位跑法將有機會成是日最有優勢馬匹，可評先。




重心場次：


第三場 4班 1200米 「叻先生」回光終抽好檔


「叻先生」上季拼搏甚多，打疊9場取得4W4Q1T，之後上3班體力連拼下終頂唔住，到今季初一直密跑減分，至前仗270場次，當日賽前小休一個月出賽，排11檔大利內疊場地下沿途三疊爭入爭席，顯然回勇，上仗C+3跑道偏差雖不大，但前段多匹馬搶前下用力走3疊望空，直路仍有勢上前，最後幾步唔夠位收慢取得第5名，兩次11檔不利情況下都跑得甚好，今次3檔預期步速唔快，可切入守「咁都得」後面，甚至「銳不可擋」搶前守2疊機動位亦可，同主馬4匹季內全未交代，而且「勇先生」都搏咗多仗都輸際遇，今次黃金機會必把握，作膽極穩。
「紅衣精靈」跑谷草轉後追跑法試出彩虹，上仗負頂磅能以22.15超強末段追入季席，連上季「奇葩」當銳追嬴谷草一役末段都係造22.21，今場小負5磅預期會蝕仍有力爭入一席。「咁都得」上仗於無偏差場地放慢步速頂到一席第3，最後2步先被追過，雖然對手唔強，但今次又冇快馬在陣，可輕鬆領放爭冷位。「勁感」初出追一段不俗嘅22.57，但今次增程步頻唔同要考驗，加上睇血統泥地才勁，成熱止於拖保險注。「盈豐快駒」上次2疊稍蝕仍嬴得輕易，今次排檔內移賽前備戰未放緩須繼續兼顧。「銳不可擋」季內此程取得1W1Q賺場地賺慢步速，上仗於不利外疊望空衝落只不過不失，不過今次又有返內檔好位形勢，仍可拖。

投注策略：
W/P 7.叻先生
Q 7.叻先生 拖 1.紅衣精靈 3.咁都得 6.盈豐快駒 8.銳不可擋



第五場 1班 1200米 「威威具星」穩奪4捷


「威威具星」打疊3仗不同路程場地嬴得輕易，前仗1000直路前速唔弱而末段仍甚勁，今次只要出閘順順利利就可篤定4連捷。
「一寶」季內未交代，戰意濃，前仗就能力拼實力指標「風之子」，但上仗走2疊相近形勢下失Q頗失望，今次攞到咩位好睇內外「威威具星」及「讚賞」早段取位，可爭欠穩而已。「鵬力洋洋」好返好多，上仗不利外疊下轉彎移到最出衝，唔係冇勢的，刻意報短T/F4必要拖。「帝國勇將」剛戰縮程衝落勢頭明顯不及「帝豪駿駒」同「大把在手」，就算跑短200步頻唔同都唔應該差咁遠，有內檔之利才拖返。「讚賞」剛戰田草1400快步速領放都唔斷，入彎仍係2疊的，今次雖排外檔，但預期「錢照嬴」及「紅衣叻叻」前速極快扯散馬群，佢有機會切入BOX SIT位一如前仗般大賺爭勝。「帝豪駿駒」回勇，過往1200有基本速度守BOX SIT好位的，上仗衝22.35取得季席狀態回升，同屬可爭一席之機會馬。

投注策略：
W 5.威威具星
Q 5.威威具星 拖 3.一寶 7.帝國勇將 8.讚賞 10.帝豪駿駒



第七場 3班 1650米 「安賞」獨忌「帝豪神駒」


「安賞」除初出一役走不利場地跟跑外，幾乎仗仗肯鬥肯衝，3歲愛爾蘭馬能於2200米大長途轉彎發力連衝2段快時間嬴表現極出色，前仗轉田草偏慢步速下能與一哩經典盟主「大運財」拍住返，彈甩實力指標「友運行」，當日同樣跟前賺而之後可提升名次上名嘅「陽光普照」該役完全冇得跑，剛戰早段超快步速跟前，與經典盃亞軍「總統之光」､第5名「華美之星」一齊早於200米就收韁，而頂得住快步速嘅「魅力知己」更嬴埋經典盃，今次轉返谷草落3班跑，對手弱返一大截，配安國倫半冷比用韋達成熱更好，11檔內側快馬唔多可早早切入2疊，轉彎發力致勝。
同場最大對手「帝豪神駒」，上仗轉谷草早段快開下末段貫注力仍強，初嘗勝果後此類馬可續有好表現，上週日「智勇福駿」就是如此，今次4檔可輕鬆跟前賺埋慢步速，與前駒一爭冠亞。「皇龍戰駒」休個半月復出表現不俗，名次上只得第5名好似唔算突出，但對手包括「海鑽石」､「芙蓉之寶」､「勁勢」等田草具級數嘅馬匹，今次3檔用基本前速已可守BOX SIT，或係高柏新送比祈義理薦行。「闊袍大袖」韋達天仙配，5次2冠3位，上仗冇偏差場地追入一席第3，轉彎蝕得頗多的，「龍騰虎震」都唔夠衝，6檔易於取中置好位，機會馬之一。「魅力星」剛戰追得不俗，但9檔慢步速李寶利轉郭能信心稍減。「豁達瀟灑」､「龍騰虎震」321場次一齊用力甚多，步速場地都唔就之下要爭入一席都絕唔容易。

投注策略：
W 1.帝聖神駒 4.安賞

Q/QP 1.帝聖神駒 4.安賞 2.皇龍戰駒 6.闊袍大袖


其餘場次：

第四場 3班 1200米 「愛寶駒」強組FORM LINE


「愛寶駒」大前仗放啱分配嬴馬，姿態唔辛苦蹄下敗將包括再出嬴馬嘅「衝線」，前仗跑田草1200再放啱步速，更賺埋場地，驟眼睇有D失望，但原來頭4名水準極高，包括轉倉後不敗嬴上一班嘅「太陽好好」､未失Q嘅「小母牛」､剛於田草1400以出色時間嬴馬嘅「夢仙」，轉返谷草已夠晒爭，9檔冇咩極速快放之輩，能切入2疊就可坐位望嬴。

投注策略：
Q/QP 2.愛寶駒 拖 5.沙紙 7.天賦傳奇 9.真如燕


第六場 1班 1650米 蔡廐雙龍出海博你唔信


「傲男」近兩勝泥地姿態出色，草地雖然冇咁突出，但並非唔識跑之輩，前仗出爭谷草1800米賽事，當日段段均速「同個世界」都唔到，佢走三疊可保一席第4力克香港金盃亞軍「滿綵」，足證馬正在勇點，上仗嬴完泥地加分，轉返谷草起用7磅仔抵消評分加幅，同場馬快馬唔多之餘多匹已從高點回落未跑得返，如「家樂飛」､「火龍駒」等，切入守好位可再爭勝。
「安穩」前仗出彎走5､6疊，當日大利內疊馬，末段仍肯衝表現唔差，剛戰田草冇望空跟跑一場，今次回谷草有賠率可搏，對手唔強或能與同廐馬一齊突圍。
「卓爾名駒」此程3戰1冠2亞，腳患馬必把握每次出爭機會，上仗田草早段嚴重勒避，尾兩段竟可造23.04-22.68甚佳締速，回谷草腳唔痛此組就可爭。

投注策略：
Q/QP 1.傲男 3.卓爾非凡 10.安穩

賽前3隻重心獲1W1Q1第4！
「叻先生」W68 P19.5
「威威具星」P 11.0

全日只獲2Q 3PQ，週六再努力！

賽道分析：田草C欄一向偏差不大，外疊馬與B+2跑道相若而比A欄稍蝕而已，實力行先而天氣正常下內外疊分別不大。



重心場次：
第一場 5班 1400米 伍廐強勢頭炮「駿」擊


「駿盈」季初積極減分，減到上仗才重戴眼罩，當日C+3跑道壓地前內疊馬甚為有利，此駒轉彎蝕位甚多下竟能貫注到底，交出23.2末段追過入面賺場地嘅「春風得意」，後駒再出谷草已補中，明日排4檔只要出閘順利，因應慢步速守於5-7位2疊機動位置已可奠勝。

投注策略：
WP 8.駿盈
Q 8.駿盈 拖 2.文武精神 5.電訊超星 9.金玉之光
第一口孖寶 頭關 8.駿盈 次關 2.軍士 13.鼓浪春風 3.非洲之光


第二場 4班 1600米 3強鼎立，伍廐延續「軍士」攻略


「軍士」上季快步速下只負於當日賺咗嘅「豹顯神駒」，最後一仗更能嬴回勇嘅實力指標「印度光輝」，足證4班級數能力，季初一連兩仗跑得好，場次44更只負於2班頭馬「得男」及3班中級嘅「綠色威」，剛戰久休2個多月復出，出閘大漏下轉彎移出當日甚不利嘅外疊衝刺，仍交出最快末段23.48，同跑線嘅「喜發龍」再出增程取得季席，賽前強組試大閘最重要睇起步，今次出閘順利就可出冷。
「鼓浪春風」大前仗沿途外疊遊走能擊敗之後大勝嘅「愛蓮說」，表現討好，升上4班一樣掂，偏快步速賽事下能與「喜樂洋洋」一齊衝返終點，後駒亦已補中，泥地回氣後今次再報田草1600，有力與前駒一較高下。
「非洲之光」上場跑得返上季尾打疊嬴嘅水準，以「福譽」前仗彈甩嘅表現，此駒只負1 1/2馬位能壓倒「多豐裕」表現唔弱，今仗實屬爭勝機會馬之一。
「友誼大使」連番追得不俗，剛戰便是2月12日內疊有利偏差而從外疊追得好，但成熱只合作副選。
「新標誌」弱組嬴完一仗，剛戰賺埋步速都不及「友誼大使」，有內檔賺步速都唔睇好。

投注策略：
Q 2.軍士 3.非洲之光 12.友誼大使 13.鼓浪春風
QP 2.軍士 3.非洲之光 13.鼓浪春風


第十場 二班 1800米 「牽動美麗」靠伍廐「得男」


「牽動美麗」昨文已多返指出級數及其能力，不作多提，今仗預期慢步速賺跑法下作膽最穩，力爭第二捷。
「得男」今季健康養回表現甚銳，取得3W1Q1T，就算唯一落敗一役表現亦好，當日A+3跑道外疊極不利的，結果該場與一齊蝕「爪皇豪火」再出可包Q，今次對手都係果堆必要兼顧。
「爪皇豪火」2班中距離有足夠能力企穩陣腳，但相對用力較多作配較合。
「喜喜精神」上仗壓地後外疊雖冇咁不利，但段段快跟下負133磅直路拋離對手爆出大冷，早前已見不俗表現爆冷並非冇績可尋，今次回2班作賽轉梁家俊，冇郭能此硬功師傅幫手，但如釋重負只負113磅，肯前置就可繼續爭功。
「勁高手」上仗差到唔似真，上季亦曾試過輸遠再出入Q，不妨拖返注。
「事事為王」初出受阻，剛戰多操上力下蝕慢步速形勢，交出全場最快末段22.27，但個人覺得慢步速隻馬超級應可追得再好，今次又成熱唔值搏，為打比今仗都唔會同你盡拼。

投注策略：
WP 1.牽動美麗
Q/QP 1.牽動美麗 拖 3.勁高手 6.得男 7.爪皇豪火 11.喜喜精神


其餘場次：第五場 3班 1400米 「好心思」今季終於出頭


「好心思」初出熱身後4仗取得3亞一季，上仗負頂磅直路內疊取位不順下締速竟達22.05，表現甚為出色，今仗C欄11檔考驗唔會太大，但隔晚見2倍已反映突，始終有內檔能爆得勁嘅「金鎸龍華」(今仗步速慢有權守BOX SIT位)，亦有2匹初出自購馬「大寶庫」及「御皇鷹」，觀賞價值較高。

第八場 公開賽 1400米 港隊強陣與你「一言為定」穩奪港澳盃


「一言為定」與「太陽好好」賽前諗咗好耐邊隻首選，前駒事實上要搏嘅冇後駒咁多，但投注上卻可一拼兼顧。先講「一言為定」，前仗1月27日B跑道中大利內疊馬，當日只得此駒及另一場「喜勝多」能於外疊以勁勢追入一席，結果此駒再出極慢步速衝21.6獲亞，「喜勝多」更蝕住嬴谷草中距離賽事，反映水準甚高，賽前拍跳多課先出戰，半冷比「太陽好好」更抵搏。後駒轉賀廐後4戰4捷，剛戰利內疊下轉彎走5疊以勁勢衝過新星「小母牛」，以往跑過1400有氣量經驗，當然比初次增程好，但換人排9檔預期步速唔慢，如果沿途外疊考驗氣量要求更大，無疑上仗表現極出色，5倍個人仍覺得值搏但實在冇前駒咁穩陣。
「蓬萊仙子」剛戰快步速沿途於內疊頂住廐侶「讚賞」，最後百幾才望空兩步就追過，而且姿態係拋甩對手果種，現時能跟擅鬥，於此組仍有利，4檔快步速更啱發揮，難以捨棄。
「超皇鷹」受阻後追入一席第4，爭D墮馬都要撞開搏位就知幾想交代，望空勢頭唔算勁始終直路中段擠碰頗多，今仗再有內檔，必力圖衛冕。
「綠色好」蝕快步速走3疊頂得住一席第3絕唔可以睇先，唯一壓地後外疊冇早段咁蝕，今仗屬機會馬之一。
可同場比較就係「幸運雄威」，直路移出最外疊衝刺甚強，如非內閃對頭馬威脅應更大，不過今次重戴季內表現欠佳嘅單邊眼罩，似乎不及「一言為定」值搏。
外隊馬實力最強為「肯定嬴」，睇返最後一戰春季錦標早於內欄領放，轉彎突然加速拋離對手奠勝，當日內欄早後段都見有優勢的，今屆港隊實力甚強非易突圍。


投注策略：
WP 4.一言為定
Q/QP 4.一言為定 拖 2.蓬萊仙子 7.綠色好 10.太陽好好 11.幸運雄威
第八口孖寶 頭關 4.一言為定 10.太陽好好 次關 3.小宇宙 6.善寶

成績大倒退只得2Q2QP，小休後週三加倍努力才可！

賽道分析：谷草A欄偏差唔嚴重，跑道夠闊而彎位相對冇C咁銳，內外疊分別應不大而小心內疊後追馬取位唔容易，暫時會以實力行先。

重心場次：
第三場 4班 1650米 3強鼎立「大將軍」出擊

「喜寶龍威」今季於蘇廐落5班表現脫胎換骨，初嘗勝果後更越跑越進步，能打疊4場取得2W2P，剛戰直路遇嚴重意外才落敗，雖然後追跑法於谷草冇田草咁好衝，但相對對手會較弱，今次預期會有正常步速，只要能早於最後彎角移出外疊衝發揮後勁，必屬爭勝要角。
「萬眾期待」出道只6仗，尚有進步空間，而季內上名後就算轉倉轉配備仍打疊4仗取得亞季席，前仗輕鬆追入次席而剛戰增程攤長咗追落明顯冇咁勁，今次刻意報返1650米而唔報同日1800非常合理，由於預期有步速，12檔中置形應唔會太蝕，有力與前駒一爭。
「大將軍」同屬演出準繩之馬匹，今季開齋後亦見進步，近4仗只得前仗嚴重勒避才失位置，上仗C+3大利內疊跑道第一個彎要走4､5疊而轉直路彎再早早移出3疊發力，直路一度帶離馬群，只負於上3班仍能入Q嘅「精彩生輝」，表現出色，今仗6檔要睇前領馬將步速逼到幾快，個人計會屬3強鼎立之局面。
「富逸」季內3班此程能勝「豁達瀟灑」，而前仗於3班放得急表現不俗，今次降落4班作賽甚為有利，起用嬴馬拍檔必作保險腳。
「駕寶」無疑上次若自己守2疊2位唔比「開心飲勝」切入嬴嘅應該係佢，但實際上跑落對手只係一匹未證明而第3名「多勝熊」都無太多證明，B欄當日早段外疊賺咗的，只屬邊線份子。「財源來」剛戰快步速跟跑下表現不過不失，初配郭立基則未見信心，同居邊線。「俊威威」有好轉，跑多仗落5班搏得。

投注策略：
Q/QP 5.萬眾期待 6.喜寶龍威 10.大將軍
Q 1.富逸 拖 5.萬眾期待 6.喜寶龍威 10.大將軍

第六場 4班 1800米 「綠豆爽」力爭連捷獨忌慢步速

「綠豆爽」前仗於谷草慢步速以22秒7末段追近後，剛戰增程1800嬴得甚易，姿態極為出色，上仗一路都配開安國倫，賽前功夫繼續積極，疑問地方唔多唯一驚呢場步速好慢，正常步速下幾可肯定連捷。
「綻放美麗」轉倉初出大幅增程快步速領放下唔斷表現極討好，今次再度增程，幸對手無快馬，如留得住做過慢步速要追佢絕唔容易。
「利駿」1800米及谷草能力早已證明而季內能兩度於3班入位，1檔慢步速下可守BOX SIT，前駒領放預期唔斷十分好跑的。
「足智多謀」谷草4戰取得3季，唯一一仗就於剛戰不入前3名，但姿態仍好，因為直路早段前列馬匹力弱受阻失地甚多，多數此類馬唔肯再衝，此駒竟反撲再上，12檔可因應慢步速切入2疊領前，唔留後就可加入一戰。
「可愛人生」剛戰追落表現恰可，用返眼罩要以往嬴馬時咁銳先可於慢步速賽事負頂磅一敵。

投注策略：
Q 4.綠豆爽 拖 3.利駿 6.足智多謀 10.綻放美麗
Q/QP 3.利駿 6.足智多謀 10.綻放美麗


第七場 3班 1650米 「綫路明星」穩嬴上2班

「綫路明星」2勝同班同程仍可繼續留於3班作賽，同場馬多冇證明，如賽前試閘非顯示回落已可奠勝，剛戰段速出色而且走不利場地賽績硬淨的。
「時來威龍」田草1600嬴來雖大賺步速分配，但轉嚟此組快馬唔多下便夠用。
「深智能業」早前嬴此程嬴得輕鬆，之後轉田草賽前操練缺課疑問極大，而上仗賽後驗到不良於行，今次內檔之利如跑出水準可爭Q。
「你知我嬴」季內馬偉昌､韋達策騎時都見大問題，馬匹未力弱早段已放緩，之後打返又見勁勢衝刺，今次初跑谷草可賺級數，但試谷閘表現唔起勁，有內檔則較易適應，賠率已反映晒取膽信「綫路明星」。

投注策略：
Q 2.綫路明星 拖 6.時來威龍 7.深智能業 11.你知我嬴


其餘場次：
第二場 5班 1200米
查季內5班1200田草能於尾兩段締23秒內末段只得「好精伶」及「上浦駿將」，而「共創良機」剛戰則為第三匹能做此高難度動作，「時尚風華」落腳慢轉彎祁義理力騎發揮甚出色，排2檔預期冇得好似之前咁望空走轉人或非好事，可搏落班嘅「新薪」､「好精伶」及「共創良機」。

第八場 3班 1200米
「福建精神」剛戰得第2名無疑大賺慢步速，但能爆22.19轉短直路谷草起動較快會合適，而同賺嘅「仔仔女女」再出能再度取得季席，半冷對手弱賺前置跑法值搏。

全日中2Q4PQ1T！