賽道分析：查近5次谷草C欄夜賽，只得一次偏差不大，而其餘均至少中利內疊，有偏差賽道可稍稍評先內疊馬。



第一場
10.嘉駿之威 早前於直路賽已漸見貫注走勢，上賽賽前試閘表現一D都唔差，出賽或因起步失蹄UPSET角逐情緒而落敗，今次轉谷草作賽有1檔之利，對手多快馬而且實力馬均抽外檔，有力出冷。
9.歷山傳奇 出賽均有飛可見幕後自視甚高，唯賽事中未見走勢，今次賽前放草再重新做功夫，試閘按住甚肯追，換咇換晒配備跑，亦有內檔可以一搏，但現時睇賠率已反映突，拖腳還可。

第二場
1.發達心聲 谷草中距離偏差會比短距離相應減細，而上仗跑黏地前3名均冇改變名次，此駒轉直路彎受影響被帶出8､9疊衝，仍以勁勢上前，早前亦考慮退役，現時密跑無非用得就用，無保留只要非極大偏差可出冷。
10.雪蹄靈驥 前仗田草1600稍短都能追入一席第3，反映馬在勇點，上仗刻意跑場1200試閘般騎法去增加縮程差距問題，12檔立心留冇野諗，一如前駒非大利內疊就有得諗了。
11.大欣賞 上仗快步速跟放僅失P，表現出色，唯賽前幾何必然會大幅落飛，長期會偏熱。
4.勝蹄飛 前途4班跟快步速與其後補中嘅「綻放美麗」相若位置過終點，轉配備回一場落5班用返外地嬴馬配備，更強配潘頓有內檔，冷勿忘。

第三場
5.尚合金龍 連續兩仗追得甚好，早前試閘已見出色走勢，今次落5班初跑谷草強配郭立基，有內檔同父馬谷草甚出色，而且上仗走勢左穿右插能變速追上，一如「幸運勝利」等合跑谷草的，可爆。
9.新界福星 上仗似大賺慢步速嬴，但同場同賺慢步速嘅「不老精英」及「彪形好漢」均於不同路程補中，「飛天龍駒」亦入Q，可見水準之高，7檔夠快切入2疊，現時只多負2磅有足夠休息期，此類初嘗勝果馬預期會持續進步。

第四場
2.吉利高 曾於中距離段段快開唔斷，此類馬縮短距離常可賺級數，今次閹後復出，試閘出色放到更為有進，同場快馬唔多只要肯均速快放就可一放絕塵。
1.滿貫豐采 早前3班李寶利騎沿途外疊蝕位跑唔斷已開始有跟進價值，上仗早段刻意留得甚後，直路走中內疊衝一段明顯試馬，今次續跑4班到位了。
7.珍珠有利 上仗大賺下不敵5上4班角逐嘅「萬事盛」，後駒再出兩戰均落敗，水準不高，今次10檔賽前試閘走勢亦唔討好，不宜兼顧。

第七場
11.雪風神駒 賽前試閘出色，而上仗走內疊直路早段未能望空，其後只負於「牛精好友」半個馬位，A檔走內疊並非有利的，冷腳之選。

第八場
4.自成一格 今次小休近個半月再出，雖然上仗嬴來算輕鬆，但大賺形勢而且蝕位跑第二嘅「安甲」再出唔得，今次同場幾匹田草馬轉過嚟跑，級數上隨時比此駒高，而且9檔要考際遇賠率又必偏熱，只屬機會馬之一但不宜作重心。

引用:

原帖由 GR上杉圭 於 24-4-2013 04:38 PM 發表
賽道分析：查近5次谷草C欄夜賽，只得一次偏差不大，而其餘均至少中利內疊，有偏差賽道可稍稍評先內疊馬。



...

冷馬突擊：
R2 1.發達心聲
R3 5.尚合金龍
R4 2.吉利高

thank

支持

thanks

GR哥！！！

再中全日馬膽 (W) 及 賽日重心 (W/Q/T)，如非告甩賽日重心中冷Q達116倍。
全日馬膽：第五場 7.大將軍 (W $55 P $22)
賽日重點：第三場 4.共創良機 3.雄姿儷影 9.新界福星
Q $369.5
QP $109.5 $238 $73.5
單T $651 T $4896

劲啊！！！期待下期的好货。。。。。。。。。。。。。。。。。。。。。。。。。。。。。。。

賽道分析：田草A欄直路最長最闊，一向稍利外疊後追，賽前可稍稍評先慣常蝕後追形勢而表現出色之馬匹。

thanks