由於電腦故障，故早前暫停兩次，現時電腦康復進度良好！好大機會週三能復出一戰！

加油呀!! 支持---上杉圭!!

等到颈都长

由於早前電腦故障，故近日未能作出提供及分析，非常抱歉！現時大致已回復正常，預祝餘下賽事各位馬運亨通！

賽道分析：谷草A欄偏差或因養草較耐而時利內疊，上次就因雨後內疊場地大利內疊，由於跑道偏差非穩定，故今次賽前續以馬匹實力及近況行先，臨場再調整。

第一場 5班 1800米
9.喜相逢 2.勇先生 4.大衛金剛 1.印度光輝
「喜相逢」上季初一度與「金得意」跑得甚為接近，以後駒當時能嬴上3班計估計有力於4班再嬴，怎料小休一個月復出未達應有水準，減分減足大半季後今季季初再勝，之後再減分一輪現時評分比當時更低7分，近兩況均見不俗走勢只因陣上受阻已未能入位，今仗回師季初嬴馬路程，9檔會走2疊，但若偏差不大A欄中後置相對比內疊受阻機會細得多，半冷WIN值搏。
「勇先生」田草14戰全負反而於谷草取得唯一勝仗，同系馬季內只嬴一場未夠數，1檔要睇際遇，預期非大利的話前列「橫亨」､「福祿萬利」會後退而增加內疊受阻機會，作配較安心。
「大衛金剛」上仗配霍勵賢見走勢回勇，因以短距離負於實力指標「醒少少」，今仗3檔慢步速可賺形勢，如非又突然反覆就可爭。
「印度光輝」減分已甚多，季初轉廐後仍能跑出4班中上級數，近仗跑谷草甚少輸遠現時或比田草更好，轉配備有新鮮刺激冷腳之一。
「不老英雄」延遲報名加入，2檔可賺前置跑法，睇準形勢減夠分未交代，10歲最後一季同屬邊線腳。
第二場 4班 1200米
6.有膽識 7.元豐泰 3.日月暉華 1.龍華太旨
「有膽識」季內能壓倒「勁啲啲」及已於3班上名嘅「好利佳」，而同程對住「橫掃千軍」､「好香港」等亦不落下風，近3仗均甚際遇影響，今次排1檔預期可輕易守BOX SIT好位卻換來好賠率，可突擊。
「元豐泰」早前能跟3班馬「旺綵」及「御將軍」纏鬥，評分現只評46尚有大把水位，前仗直路受阻，上仗又極快步速下4疊領放，唔輸才怪，今次強配嬴馬拍檔柏寶排3檔，2檔唔快可先切入領放或於2疊慢放，與前駒一決勝負。
「日月暉華」具4班頂實力，馬房最後一季冇保留，同樣回用嬴馬組合，能爭奪前列競返。
「龍華太旨」初落4班作賽，上仗中距離強組與再出入位嘅「踏浪而來」一切衝入前列，早前兩度跑1200都能以22.8末段衝刺，此程會合，唯一考驗12檔及慢步速際遇。
「奀皮仔」前仗前快轉彎慢步速分配極有利下明顯不敵「高耀之寶」，上仗雖際遇甚差車前倒後，但快步速追落又遠遠不及「勁感」，成熱不宜高估。
第三場 4班 1650米
5.中環英雄 7.豹顯神駒 1.多多利 2.電子福星
「中環英雄」現時只評57分，比上季78分上名足足低咗21分，季初於田草只不敵「得男」､「百事神駒」等強敵跑第4，而前仗4月10日偏差利內疊情況下，第一個彎走6､7疊搶前領放，直路竟未潰敗只負1 1/4馬位，今次配中磅用硬功師傅絕比牌仔好，5檔只要早段一如「歷山傳奇」般積極就可爆。
「豹顯神駒」此匹愛爾蘭大器晚成，現時仗仗肯追，季內初次回師上季能勝嘅谷草作賽，用埋7磅仔減磅馬房最後一季誠意不用懷疑，屬機會馬之一。
「多多利」上仗追落雖只不過不失，但於此組同場2-4號均屬4班份子嘅60-65分對手，有班利已可爭。
「電子福星」前仗初跑谷草如非受阻已可勝，上仗回3班田草1400作賽，沿途走當日不利外疊下表現不俗，未交代季內跑7仗未算多，11檔如能切入2疊可加入戰團。
「神奇飛龍」配巫斯義威力不減而且未交代戰意高，但此匹馬休出往往比密跑好，而且近仗都以短距離搏輸用力甚多，只宜作配。
第四場 4班 1650米
7.威駿寶 9.駕寶 2.勝任有餘 4.永勝多
「威駿寶」轉倉後兩仗表現均見好，上仗雖賺完內疊移出中疊追，但勢頭甚悅目，6檔夠機動能安心取1､2疊之間好位，作膽會較安心。
「駕寶」評分已降至新低49分，上仗5月22日利內疊下能於大外疊以勁勢追入季席，表現出色，承勇必再拼。
「勝任有餘」亦減分甚多而近仗表現見回勇，「家樂飛」剛戰便於此情況下取得久違勝仗，講返此匹葉廐馬近2仗落4班以不同跑法入位，上仗5月8日走2､3疊蝕位下表現唔差得過「威駿寶」好多，吳嘉晉會積極而6-8檔都唔快，可切入好位競逐。
「永勝多」無疑此程6比0冇1800咁好，但上仗蝕位甚多下最後反撲上前，馬房有惡馬配合，對手失準就能爭入一席。
「愛眼光」快步速唔斷表現比預期佳，但再加至頂磅早前2月尾便因疲憊而建議休賽，怎料3週後頻密出賽到現階段，體力問題成疑成熱唔值搏。
「快人一步」除非眼罩幫到好多，上仗跑啱晒一滴都冇。
「銀飛龍」剛戰受阻前已冇勁勢，今次除眼罩再搏，要變身才可一戰。
第五場 3班 1000米
6.喜寶駒 5.美麗昇華 9.天時駿駒 8.江山如畫
「喜寶駒」柏寶當寶，前次負磅騎唔到，策「同個夢想」出戰，當日利內疊下蝕少D已能取得亞席衝過「喜寶駒」，而頭馬「牛精好友」之後能再添2WIN，上仗初跑谷草柏寶即跑返，快步速搶前直奔終點，亞軍未對之有太大威脅，現時比後駒跑少一仗，9檔可跟「天時駿駒」切入最多走2疊，而足可再勝。
「美麗昇華」轉倉後冇早前咁急可留住少少嚟跑，上仗不利場地頂得住「榮耀假日」，今次一檔可再串翻版Q。
「天時駿駒」大前仗段段快開而且比「尊勝福星」沿途力搶下負於當時一步不蝕兼甚銳嘅「金湶」，上仗1200米頭兩段放45.72最後200先力弱，縮返1000啱數，唯對手甚強應只能爭2-4名。
「江山如畫」剛戰利內疊下沿途走5､6疊唔斷，今次有機會可守「喜寶駒」之後2疊位置唔太蝕底，單T/4連環要兼顧。
「八心之鑽」上仗無故彎位中段走出中外疊衝，雖然蝕咗但最後只稍稍衝過更蝕嘅「江山如畫」，2檔成熱就更不值搏，T/F4才拖。
「方程式」田草1000､1400均見好走勢，今次初跑谷草計血統合適，但早前5月中缺課程序欠安心，或等下季才出擊。
第六場 3班 1650米
11.歐洲駿馬 8.樂有嬴 1.幸運金龍 3.國粹精華
「歐洲駿馬」由上季中84嬴馬水平減至現時62分，大前仗於慢步速賽事與「豁達瀟洒」一齊追近，上仗泥地雖力追不及，但已跑出本身最佳同程時間，可見近況不差，如非等多仗落4班今場負輕磅已有權爆。
「樂有嬴」上仗輕鬆以23.2與「魅力小子」一齊追近，柏寶與姚本輝今季合作甚佳，而近兩仗見人馬都合拍，對手不強下可爭奪前列名次而回。
「幸運金龍」快步速領放都唔怕，亦能與「智高星」互有勝負，於此組便夠用，初次上頂磅則屬考驗，作配較佳。
「國粹精華」外地1600米取得3W3Q，可能與「會心微笑」相若情況此程會更勁，早前跑短入位純因質素搭夠。
「深智能業」4月尾因腳痛短暫停課，到5月中快跳一密就要稍休踱足一個星期，程序欠安心現時賠率才合小注拖返。
「玉峽生輝」前仗配呂卓賢完全騎唔掂，雖然上仗表現與「幸運金龍」相若，但再回配此10磅仔就欠安心。
「喜勁駒」上仗久休復出直路受阻冇騎，此程累積1W2P1殿甚為準繩，唯一怕跌磅至新低，計實力同場中今仗唔可以睇少的。
第七場 1班 1800米
6.連利多 7.安賞 5.威利加數 2.包裝選擇
「連利多」初出3仗全勝，快慢步速唔同跑法唔同場地均能克服，現時評分仲有上調空間，上仗再增程2400直路走勢不弱，只負於外地更有根據嘅「威利加數」及上屆皇太后盃盟主「多名利」，非戰之罪，復課更積極而今仗負輕磅作賽，此程更合適而本身可機動前置，早前谷草出閘跳躍失地才留得後，今仗穩膽。
「安賞」可衝兩段快均速威力甚強，上仗小休復出更見驚喜，早段受困下直路爆一段一樣得，輕取「同個世界」及「替天行道」，今次12檔但內則快馬唔多，夠誠意切入可爭Q腳。
「威利加數」連仗拼搏後再跌磅至新低，與嬴馬時足足低30磅，幸復課仍有快跳唔太擔心體力問題，跑法上則必然後追被動，如冇早前谷草內疊有空位可順上就有機會力追不及只能爭3-5名。
「包裝選擇」季內曾段段快開於香港一哩錦標跑入季席，只負於兩匹頂級份子，轉倉初出遇慢步速跟跑而回，但本身衝22.6以馬匹水準計唔算差，今次再休後復出，此馬休後特佳，而重戴以往5WIN嘅頭罩配備，試閘比落唔走，返查季初強組上名試泥閘一樣比都唔走 (特別鳴謝好友百事威指出此要點)，成巨冷有一搏價值。
「滿綵」近仗雖常外遊，但跑落應不致於唔衝，重回頂磅要讓質新後起之秀非易事。
第八場 3班 1200米
8.旺綵 9.環保戰士 11.勁感 1.海嵐一號
「旺綵」近3仗表現甚為穩定，取得1W2Q睇嚟呢匹愛爾蘭已完全適應水土，前仗慢步速下以22.77末段力追其後能於田草入Q嘅「星運爵士」，上仗12檔切入2疊耗力切入領放，走勢比頭馬「安琛」及季軍「無敵」更佳，以短距離見負純因欠運，今仗雖再排外檔，但內則無快馬，應因得上仗對手「安琛」會較快，切入2疊憑其前置有利跑法就可爭。
「環保戰士」上仗蝕位下衝得不比該役亞軍「皇者拍檔」差，今次2檔一來一回會較賺，而且後駒讓多3磅，未交代戰意佳可以一爭。
「勁感」初出1000追近後增程1200取得1W3P，越跑越進步，今次初上3班但負磅只達115對此匹後追馬甚為有利，續有進步空間9檔亦未能輕視。
「海嵐一號」同父馬O'Reilly子嗣均擅谷草，前仗3班田草1400能以22.3一追而過，上仗細馬負頂磅排14檔一樣能以22.9走近，今次縮1200轉谷草大賺級數，用吳嘉晉只負127磅，操練積極如場地適應非不利可一網成擒。
「衝線」仗仗均衝22.7左右末段非如名次般唔穩定，自購馬來港前後只跑6仗必有進步空間，屬邊線腳之一。
「勁賽王」上仗看似以勁勢追入季席，但對手均非3班具中上級能力嘅谷草份子，而且該役快步速內疊馬均移出外疊衝得甚順，或屬假嘅好賽績，1檔必成熱不宜睇得太高。

太好了，又有投注扶手棍了，多谢