揭穿無良基金經理的謊言
今季我參加左一個馬網基金,原因係見到以往紀錄唔錯.不過最後就令我眼火爆.
賭馬投資都有風險,有贏就一定會有輸.本來輸贏在一個基金不算係一個大問題.但係近幾個月令我越來越覺得可疑.因為季初時候基金經理承諾左話若下季仍然參加基金,季尾就算輸左都會用交還92%的款項.問題就係依度.一開始佢己經抽左10%做行政費.係季初到季中時,投注紀錄仲算正常,有輸有贏.
但係都三月開始,投注就好唔對路.或者係因為到當時成績己經好差,由3月低到而家咁耐,竟然無重心投注過,咁多個月都無一隻重心,有冇可能?所以我就覺得奇怪.一直在想原因.就諗起佢的承諾.再去睇番紀錄,發覺到而家有盈餘萬幾蚊.
萬幾蚊?咁咪即係大約2%?加埋本金90%,咪就係92%?
原來佢唔投注,係因為怕輸入肉之後要嘔番佢收左d錢出來.就係咁,佢地就穩袋左八萬手續費.投注就停左,我地會員就無端端夾錢俾佢地.完全唔顧會員的利益.難為佢仲週圍講就贏緊錢,實情就係所有會員都輸緊錢.若果係因為下注而有損失,自己當然接受,成年人緊係要對自己決定負責.但係,若因為咁而損失,條氣點順?
最唔順氣係佢地竟然出左個帖,話自己個基金有盈餘.有盈餘?個個會員都輸錢,你竟然話有盈餘,有冇搞錯?佢口口聲聲話基金己經夠大,唔需要再加其他新人入會.又話佢做既都係為我地利益,依樣唔在講,佢係季初話保障會員利益,唔會再在其他馬網發言.但係,在五月開始,佢又周圍出文,宣傳自己,擺明就係想再吸引人參加.咁樣講一套做一套既人,又邊有誠信?
我越想越唔順氣,所以同相熟律師傾過,律師話,表面睇佢地經營手法係好有問題,但係無證據話佢地欺詐.不過,律師朋友提醒我,話咁既隻資,應該要向銀監處登記注冊的.如果無的話,就己經觸犯法例,情形就好似做會咁,無保障.佢叫我如果真係覺得受騙,就可以報警保障自己.我己經在積極考慮報警同埋下季唔再參加啦.據我所知,有好多會友都對咁情況不太滿意,不過我既然寫得出來,我都會先睇其他會友是否退出我才作最後決定,以免目標太明顯而被報復.依家寫出來,係想提醒其他朋友,小心陷阱.
