初出馬對決 「好健康」VS「同個夢想」


昨日十場田草賽事於稍利內疊偏差環境進行，尚有不少值得跟進嘅馬。先講第四場嘅「好健康」，此匹3歲澳洲馬初出跑田草1400米賽事，沿途跟守後列，步速唔快嘅情況下可締連續兩段最快段速殺敵，而且直路一度受困搵位，爆170倍巨冷後下次出賽成熱好似追寶尾咁，但長遠此駒潛質甚高，希望唔好似廐侶「龍城飛將」般走樣。
講開初出馬，「同個夢想」更有令人眼前一亮嘅表現，剛轉3歲英國馬成熟程度必比澳洲馬慢得多，此類北半球馬適應水土時間亦相對較長，但昨日初出直路賽排3檔，沿途走中疊不利場地以21.61驚人末段追入一席第4，只要比足夠時間休息及訓練，好快可以進入凱旋門。
第6場可跟進嘅馬唔少，「品學兼優」預期大步馬跟到直路早望空可輕鬆嬴馬，路程不限於1600，跑返1400都絕對唔可以睇少。「超光越影」冇睇錯近況極勇，今場蝕得甚多下仍能入Q。「豹顯神駒」輕鬆以22.11追近，跑返同程可追捧。「勝利雄心」情況有少少似「喜喜精神」，連續兩場見適應越跑越進步，下場可跟定先。「常盈多」馬鞍滑移仍肯追，態勇轉倉未交代田草谷草一樣合適，可突擊。反而「喜發龍」要小心長力不到1600，縮返1400先值得跟進。
「牛精好友」直路打茅波閃出閃入先險勝，內在鬥心雖強但分已唔見有好多水位，「旗幟鮮明」明顯讓9磅下跟進指數高得多，希望馬如其名場場搏。「美麗昇華」上季一戰落敗轉倉，明顯幕後甚重視，今季兩仗賽前試閘走規都唔成熟，今次出賽有D改善，只要健康正常季尾應可出頭。「明興寶寶」開始好返D，可留意。「心理學家」轉後追跑法塞住衝22.14唔簡單，同樣可記低下次跟進。
「綠色威」已進步至3班頂級數，如偏差不大場合就可堂堂正正嬴返場。
全日場地唔算慢，多能貼近或稍快於標準時間完成，但能快近1秒絕對唔簡單。「夢仙」今季先正式第一次跑1400米賽事 (上季一戰墮馬)，快步速賽事末段輕鬆造22.9勝出，再出仍會留係2班大有機會連捷。「勁勢」亦甚勁，快跟下彈離「嘉應小子」及實力指標「海鑽石」，此類馬易發揮用牌仔比起用韋達更有賠率可搏。「綠色快駒」季內連搏太多仗終於頂唔住，要小休了。



叻先生「安賞」威威具星

近3次谷草C跑道內疊馬只稍有優勢，近兩次偏差不大而早前11月一役內疊馬才見有優勢，總觀3次之中有2次先腳馬甚有利，賽日或能稍稍評先此類馬。
「叻先生」近兩仗於郭能跨下明顯回勇，兩仗均轉彎走3疊下有良好走勢，今次終於由11檔變季內最好嘅3檔，現時4匹同系馬全部未交代，難得此駒有機動跑法復勇而有好檔，何良必會把握黃金機會幫馬主先嬴返場。
「威威具星」3連捷方仔少有肯打疊嬴，而近3仗最厲害之處係於不同場地路程連捷，由谷草1000轉田草直路賽，再轉1200一樣嬴得輕鬆，近3仗末段分別係21.93 / 22.36 / 21.77，非常恐怖，轉返谷草排5檔切入2疊已幾可肯定再嬴。
「安賞」季初3歲之齡以北半球馬身份嬴2200絕對唔簡單，初出熱身後幾乎場場都肯追肯鬥，嬴馬一役更可於大長途轉彎發力，連續兩段快以23.61-23.24快末段彈甩對手嬴，前仗縮程田草1600能力拼「大運財」而拋離實力指標「友運行」，今次返谷草續跑1650中距離，但對手多屬3班之流，橫觀四周只得「帝聖神駒」及「皇龍戰駒」會用前置跑法，更有多駒屬後追馬，11檔切入2疊賺慢步速對手唔易一拼，用安國倫比今季表現常有問題騎法嘅韋達更安心，可坐位望嬴。



[ 本帖最後由 GR上杉圭 於 26-4-2013 11:03 AM 編輯 ]

谢谢！跟定先

好有心機支持

華人馬房試準「馬」，「紅衣精靈」顯出「比你高」
昨日谷中進行8場C跑道賽事，偏差稍利內疊，沿途及轉彎馬匹守1､2疊分別不大而走3疊已見有蝕底情況，如能於外疊競跑而走入前列之馬匹賽後可略為作跟進。頭場5班1800米賽事，「馬友財」便於轉彎走蝕甚多下仍能頂到一席第5，該場步速雖然第3段及轉彎拉慢至25.44-25.27，但此駒能從後列3疊落山一段發力，出彎前才切入2疊，同場轉彎走3疊還包括「明旺」､「喜相逢」都相繼潰敗，而「大東海」留守最後出彎先發力才追到一席第4，只要健康保持能有正常出賽頻率及操練，「馬友財」於5班快可交出頭馬。
「叻先生」終回勇交代順道幫馬主慶祝生日，但同場有幾匹更具跟進價值。先講「紅衣精靈」，賽前已指出此駒前仗能負133磅衝22.15，谷草有此情景絕不尋常，今仗轉彎早移出3疊，直路潘頓機警地切回內疊追，如此轉位下仍交出22.37末段，加速力極強，此類後追馬不限於谷草，如日後轉4班田草賽事大有機會出頭。「勁感」出賽2次仗比仗出色，昨日直路早段嚴重被困兩度要移出更外疊轉位，質新馬攞返平衡即以勁勢衝刺，內在鬥心強，今季高廐質新馬比上季該批強得多，接替「同感」幫馬主爭取成績。「比你高」轉彎移出至6疊衝刺，轉彎步速正常下蝕得甚多，起用安國倫大師傅比黎海榮交出更好追勁，同樣值得跟進。
「捉金」增程谷草1200一樣得，田草1200曾勝嘅經驗幫到唔少，「沙紙」走2疊力追前駒，狀在勇點，如三月內再出可留意。「醒目精伶」又一匹大摩質新轉場死火馬，一如尾場「新力鷹」､早前「綽力之城」般，退熱回田草再拼，馬匹絕對擁有高於3班質素的。
「喜勝多」已尋新出路，繼續「豁達瀟灑」爭取連捷
第七場「魅力星」慳完再衝一段22.45，現時此評分水平不落下風，計馬有進步的。同場「豁達瀟灑」更勁，沿途留守後列移至6疊轉彎，交出22.44後勁以狂風掃落葉姿態取得第6名，表現比同場任何一匹更勁，少有此搵食馬房場場都肯追，現時71仲有10幾分水平，日後報跑B欄信心度更高。
「喜勝多」上仗同日與「一言為定」一齊於不利外疊以恐怖姿態追入Q位，兩駒再出都甚勁，週六有一匹同於不利場地追得勁嘅馬出賽，可多加留意，先講返「喜勝多」，是日初跑谷草2檔沿途走2疊，偏慢步速轉彎已移出3疊直路更走至4疊衝刺，嬴來猶有餘勁，現時多個出路再出跑田､谷都唔會睇少。「首飾多寶」出閘留至最後轉彎騎者打樁，直路走勢唔差的，睇下下場會唔會跑真施回馬槍。






賀賢起孖全賴華外一哥，伍廐先聲奪人展開攻勢
週六將舉行港澳系列首關港澳盃，主隊佔主場之利暫且觀看能否先下一城，計馬匹實力比上季更強更鼎盛。5班賽備忘馬唔會特別多，因為本身水準不高穩定性亦低，但週六就先有一匹連番重現走勢嘅馬，刻意配弱分頭必高。「駿盈」上仗2月12日C+3跑道出戰，當日內疊馬頗有優勢，此駒轉彎移出最外疊走能衝過走內疊賺咗而再出能補中嘅「青春得意」，續戴眼罩配備排檔大幅內移，C跑道偏差相對較細，只要取位順利可為週六賽事打嚮頭炮。
接住出場有馬房攻勢配合嘅「軍士」，季初第2仗出賽於3班只不敵嬴2班嘅「得男」及準繩進步中嘅「綠色威」，剛戰久休2個多月復出，同於2月12日C+3跑道於大外疊衝近，跟得較前蝕咗嘅「喜發龍」再出增程稍長嘅1600米仍可取得季席，足證水準不俗，2日後對陣多番賺完於弱組跑得好嘅「新標誌」､「鼓浪春風」等，如出閘順利可爭季內首捷。
三T場次一向形勢混亂，個人是次卻甚睇好次關嘅「好心思」，上仗以22.05終極時速取得亞軍，雖走有利場地，但唯一一匹能以相近末段追近嘅「綠色威」再出能蝕住跑入季席，今場3班對手連中級份子都冇，積極地試埋大閘先出，只要偏差不大必可後上致勝。
重頭戲港澳盃港隊馬匹能力近況甚強，外隊馬要渡江爭冠絕不容易。最睇好「太陽好好」，今季轉賀廐4戰4捷，近仗視「小母牛」此匹質新精英如無物，剛戰就於1月27日大利內疊偏差輕鬆移出3疊一衝而過，以往有過1400米經驗，由柏寶轉韋達只要騎者唔揸流攤，跑法機動下衝破100分關口圖爭季尾級際賽。「一言為定」同日蝕完其後一戰於極慢步速下以21.66末段狂追先發制人嘅不敗馬「連利多」，馬已回勇，實為前駒最大勁敵。「幸運雄威」亦係蝕完表現突出嘅馬之一，上仗2月12日C+3跑道唯獨此駒轉彎移出外疊蝕完以全場最快末段追入亞席。同場走3疊蝕快步速嘅「綠色好」亦有出陣，以及受阻落敗嘅「超皇鷹」澳門馬真係要所謂過5關斬6將才可爭入前列。
級際賽季軍降入二班「牽動美麗」
10場唯獨推介一匹「牽動美麗」，現時跑法更機動無論放頭､跟前､後追都得，近兩仗取前領跑法，前次初領放就能迫退再出補中嘅「四季」，A欄對外疊後追馬稍為有利，均速快放下才不敵今次又同場嘅「得男」及「爪皇豪火」，上仗更利害，再用均速快放戰術於百年紀念瓶取得季席，該役冠軍馬「滿綵」為香港金盃亞軍馬､亞軍「花月春風」早前董事盃取得次席､華商會盃盟主「喜蓮標緻」及香港金盃冠軍都追唔到佢，今仗降落2班作賽賺足兩級，必比4歲打比後選馬「事事為王」更有可取價值。

一代日本馬后「氣槽」4月23日晚上11時因出產後內出血逝世，享年20歲...R.I.P.