馬德里打比討論

基達菲主場賽績睇落唔錯，但其實只係贏d弱隊，對強隊好多時都輸，不過就算輸佢唔係無還手之力，好多場都有入球，今次主場對住同市大哥皇馬，雖然皇馬係強隊，但因為係打比戰關係好多時鬥心可以令佢\地打高d，回憶返上季打比戰，基達菲全場壓住皇馬打，上下半場各入一球以2:0領先皇馬，最後皇馬只係靠後備入替兼已離隊既蘇拿利尾段破蛋最後都係要輸。再睇返皇馬今季作客成績相當差，曾經有幾場0:0賽事連波都入唔倒，但相對地以佢一貫差後防黎講，幾場唔失波其實都唔衰得晒，而且上一次作客宿敵巴塞隆拿係大部份時間打小一個既情況下都能夠迫和對手1:1，我作為巴塞fans都覺得佢地雖敗尤榮。\r

另外想講講，雖然大家睇馬會積分榜皇馬排第二，但其實佢地係排第三，因為佢\地同華倫西亞同分，而西甲同英超唔同，同分球隊唔係計得失差而係計雙方兩個循環既對賽成績，即係好似歐聯兩個回合合計比數咁，由於佢地同華倫西亞既對賽成績係輸既，所以最後就算同華倫西亞同分，名次都要排係前者之後，同樣皇馬同巴塞既對賽成績一樣係輸的，換句話講，皇馬想拎個第二直接打歐聯分組賽又或者直頭想拎冠軍既話，最後分數一定要高過華倫或巴塞，同分一樣無用，真正係一分都不能小。\r

講o左咁多廢話，其實係想同大家講，我真係全完諗唔倒邊面贏面大d，希望各位比d意見，或者有無睇盤高手係盤路方面去睇下呢？