丹世界杯後掛靴

法國球王施丹退休了！呢名卅四歲法國球星，將會放棄與皇家馬德里最後一年合約，於完成今夏德國世界杯後掛靴。施丹季初已公開表示想提早退休，但皇馬正值風雨飄搖之時，佢曾經希望力挽狂瀾，可惜事與願違，施丹意興闌珊，拒絕留隊，世界杯將成為佢\嘅最後舞台。

西班牙《阿斯報》報道，於○七年球季先至約滿皇馬嘅施丹，就自己退休一事，上周六已經同皇馬會長皮里茲達成共識，踢埋今季就掛靴。報道指出，施丹將會於日內正式宣布有關決定，並且於最後五個月竭盡所能為球會及法國隊贏盡榮譽及錦標。  

皇馬無奈接受

施丹其實早於季初未開咧時，已經表明想提早退休，不過皇馬近兩季食白果，球會唔想喺呢段日子失去重要嘅精神支柱，一直希望施丹可以力挽狂瀾，皮里茲更多次與施丹會見，希望以誠意打動這位法國球王。

雖然施丹剛於聯賽對西維爾取得職業生涯以來首個帽子戲法，但並未令佢改變主意，相反，佢\眼見隊友態度懶散，毫無爭霸之心，感到心灰意冷，當日賽後接受記者訪問，自己有幾開心只係講咗兩句，相反用咗好多篇幅公開教訓隊友，就知佢踢得幾咁冇癮。《阿斯報》更報道，皇馬態度已經放軟，稱球會將接受施丹退休決定。  

世界最高身價

三度奪得世界足球先生榮譽嘅施丹，曾協助法國取得九八年世界杯及○○年歐洲國家杯冠軍，係皇馬近年「一年一巨星」政策

偶像啊.....