第三場 4班 1650米
8.金得意 10.歡欣星 11.重量級 9.財源來
「金得意」上仗賺B欄大外疊場地追嬴，取得轉倉後第4捷，但姿態極輕鬆，70-80米已收彊奠定勝局，復課高伯新繼續重視，體重亦冇下跌，當銳跑季內3捷1650對手弱再嬴難度不大。
「歡欣星」上季一再喺谷草短途追得不俗，過往同主馬「歡呼星」亦於谷草短途追得好才扶搖直上，季內3戰泥地只得位置未竟全功，增程1650一試，同父馬過往有「牛精福星」及近季有「旺家多寶」中距離好手，對手弱下留放得宜可突擊。
「重量級」減夠分今季已兩度於1800米取得季席，過往1650米得6冠1亞比1800米更好，上仗騎者讓路予更外檔嘅「浦東之威」而走2疊，跑法不智快步速下轉彎走3疊發力更不利，今仗2檔可守「勝利駿駒」之外或切入，賺形勢下此評分足有位望。
「財源來」上仗夢幻形勢只以短距離嬴弱組，今仗11檔要靠外疊場地大利才有望爭2､3名，幸復課徐雨石一手操，兩試大閘，拍跳功夫做齊，誠意十足。
「勝利駿駒」上仗外檔放得急，但以前仗大賺而未能對頭馬構成任何威脅計，一檔也止於一位。「得力助手」上仗賺快步速而威脅唔到相對較蝕嘅「超級精神」，只宜拖。「輕越直前」埋門只踱冇跳，體重近季新高只邊線。「共同目標」近兩仗追勢平常。「喜運財星」轉倉未有表現。「大喜象」帶面箍後表現更差。「魅力心」､「美的人生」唔夠銳。
詳細分析:
http://blogcity.hkheadline.com/gr
