15/4/2012 出賽備忘馬 (26/2之後)

[ 本帖最後由 GR上杉圭 於 14-4-2012 06:12 PM 編輯 ]

賽道分析：今次跑B欄谷草日賽，對上一次季初賽事當日全日偏差極大，步速正常或偏快下就算轉彎加快外疊馬都具有極大優勢，除非步速極慢才令內疊馬有機會蝕得起，故即場多加留意場地情況才出擊。

全日馬膽：第五場 4.明旺
  
冷門突擊：第三場 11.飛躍之鋒


賽日重心：第三場 11.飛躍之鋒 第五場 4.明旺 第六場 6.幸福滿滿 W/P


  


第一場 4班 1000米
2.金鑽龍華 9.樂融融 10.勝利大將 5.恩典之心
「金鑽龍華」今季仍可於3班入位，之後又一貫作風密密跑，終於有個多月休息期落4班出擊，賽前3落草地操起狀態，4檔有力交代。
「樂融融」早前並非以最佳跑法入Q表現不俗，前仗極慢步速留最尾末段與以勁勢追嘅「共同目標」同速，剛戰跑泥地亦走不利場地追得接近，反映近態甚勇，回師谷草過往曾跑得接近嘅最短途，強配杜利萊，對手不強有力突擊。
「勝利大將」上4班越跑越近，今仗重用嬴馬配備，10檔如場地偏差大有權跑入一席冷位。
「恩典之心」同父馬初出成績不俗，排黃金1檔配柏寶，賽前已試過谷閘先出，亦須兼顧。
第二場 5班 1650米
6.超力駒 1.怡情養勝 7.京城精英 10.好好運
「超力駒」來港初期評85分，減至71分時於3班曾數度入位，今季終於可於5班反彈，現時仍只33分，情況一如廐侶「叻先生」，重回正軌可持續再上，剛戰賺場地偏差但勝出姿態出色，今仗有力添功。
「怡情養勝」早於2月29日不利步速追得好，距目標評分尚有一段空間，今仗補出賽前積極拍跳，應有備而來勿睇低。
「京城精英」上仗賽前試閘表現極好，出賽卻因閘前助理拉住韁繩而未能正常出閘競賽，直路仍肯衝一段，今仗賽前同樣試閘姿態出色，少有見此馬房如此積極，似乎非交代不可。
「好好運」前仗嬴馬姿態出色，剛戰騎者沿途走外疊遊馬河，今次賽前亦積極地試大閘，12檔如一早切入便有機會留待直路一衝而過。
第三場 4班 1200米
11.飛躍之鋒 7.叻先生 6.華多寶 8.四貝勒
「飛躍之鋒」今季4戰全入3甲，頭3仗跑1000入位後剛戰增程1200即可嬴叻先生，之後慢踱兩週才回復快跳功夫，賽前更操1段快末段22.7試好狀態，蹄下敗將兼今場最強對手「叻先生」之後多跑兩仗更要讓磅，有充足體力可再嬴一場。
「叻先生」評分於低位反彈未見盡頭，剛戰與超級馬「海鑽石」串Q，今仗亦抽到4檔應會相當好跑，唯一擔心已打疊連搏七場體力能否保持。
「華多寶」上季尾於田草賽事追得甚勁，受健康影響今季到宜家才初出，由柏寶出戰亦抽好檔，賽前試過谷閘先出，同父馬多踏入5歲才到黃金期，此駒3歲可有不俗表現現時追定已可。
「四貝勒」初出已甚重飛，跑過幾仗直至上仗開始有進步，賽前韋達曾親操惜停賽，交由普萊西接手，成冷可預一席。
第五場 4班 1650米
4.明旺 3.叫關快 5.財源來 6.幸運勇士
「明旺」轉谷草發展後取得冠亞季各一，事實上3場形勢都幾蝕嘅情況下跑得此成績已極為出色，今仗賽前功夫繼續甚為積極，季內第2捷在望。
「叫關快」出道以來甚少輸得遠，受健康影響下有此成績已難能可貴，剛戰賺快步速及場地追嬴，幸兩匹馬一齊拋離群駒勝出，今仗10檔局追一段仍有機會爭入一席。
「財源來」谷草屬唯一出路，上仗與「叫關快」一齊於內疊追包辦頭兩名，今仗賽前做多課拍跳先出，亦有心再拼。
「幸運勇士」季初走不利場地以短距離負比剛嬴田草嘅「豹顯神駒」，近3仗轉田草跑都輸唔遠，轉回谷草對手弱得多，如外疊場地好就大大提升機會。
第六場 3班 1000米
6.幸福滿滿 11.仔仔女女 1.搏得分 4.東成西就
「幸福滿滿」初跑谷草已可放極快步速而到最後數十米才力弱，前仗因檔位轉後追可沿途走外疊直路卻移入內欄追入一席，剛戰騎者全程未能與馬匹步履配合下才輸得較遠，今仗終換人出擊，鄭廐未交代馬戰意必高。
「仔仔女女」近兩戰谷草1000都只以短距離見負，今仗賽前操足一個月加埋有好檔應會易跑，步速快賽事將有利此駒追趕。
「搏得分」屬同場其中一匹可嬴谷草賽事之馬匹，近仗表現雖一般，但對手減弱下而且步速夠快，有權再爆冷追入一席。
「東成西就」第二仗出賽，賀廐馬常可熱身一仗後變身，柏寶一直極重視此駒，外地一戰一勝窄馬場，今場亦有權加入戰團。
待續....

賽道特色：今朝場地讀數2.71，全日未有落雨下場地未必會預期般慢，故暫時唔會特別睇高變化地特佳嘅馬匹，另一方面，對上一次快活谷日賽後3日跑同場地賽事為10月26日，當日內疊馬有頗大優勢，亦未可特別重視外疊馬匹，要留意即場場地情況才作定斷。

全日馬膽：第五場 5.同個世界
冷門突擊：第一場 12.好精伶

賽日重點：
第三場 7.喜勁駒 6.偉龍 10.橫亨
第五場 5.同個世界 拖 6.千杯不醉 7.智多飛 9.愜意小開
第八場 7.喜威寶 6.駕翠 2.陽光普照

   


[馬名紅字為備忘馬]

第一場 5班 1200米
12.好精伶 2.元豐泰 4.飛天龍駒 9.千笑
「好精伶」早前連續兩仗於不利形勢追得勁，剛戰增程1400效果並不理想，加上該杖全程走4疊遇慢步速才輸得遠，今仗有領放馬從外疊切入步速至少正常，回1200初跑谷草亦可一搏。
「元豐泰」上仗缺課11日跑順手減分，今仗一落班即用柏寶，而且賽前操練完整得多，早前田草一役沿途走外疊都走得不俗，應不限於泥地，如內疊場地不差就可爭勝。
「飛天龍駒」唯一於此程才有較穩定演出，今季3戰同程獲冠亞季各一，方嘉柏強陣出擊，亦可投予信心一票。
「千笑」上仗放快步速直到最後100先力弱，當日步速比2場4班都快1秒及1秒半，氣管有血後小休更兩個月才出，過往曾嬴此程冷勿忘。
第三場 4班 1650米
7.喜勁駒 6.偉龍 10.橫亨 4.勁擊
「喜勁駒」連續兩仗都追得甚勁，前仗不利步速分配下只以短距離見負，剛戰直路早段冇路可上，直至最後300米才從中間位置追，而勢頭不比「超光越影」差，初跑谷草同父馬均好，早前亦跑過1600有氣量經驗，今場有力交代。
「偉龍」前仗走有利場地追嬴，幸當日只得此駒於外疊有不俗走勢，過往谷草成績最佳，經一仗田草回氣賽又可重現真面目。
「橫亨」剛戰步速並非大利下追得甚勁，該月再出大幅增程2200落敗後收埋操個半月才出，賽前試大閘試好狀態，6檔應可跟守2疊前列位置爭勝。
「勁擊」前仗以勁勢追嬴，今仗雖因郭能已走而起用湯智傑，但季初就係此對人馬合作於田草入Q，成大冷可預一席。
第五場 1班 2200米 [香港欖球總會杯]
5.同個世界 6.千杯不醉 7.智多飛 9.愜意小開
「同個世界」越跑越進步，上仗打比蝕慢步速下轉彎加快走外疊追得第2，末段快達21.88，姿態驚人，賽前柏寶積極為此駒操練，加上同系馬未交代戰意必高，只負126磅只要場地適應可橫掃。
「千杯不醉」剛戰3甲馬唯一一匹可於後列追到，早前已連仗於谷草追得勁，過往曾於田草2000入Q此程應合，今仗主場谷草迎戰亦未可輕視。
「智多飛」打比一役冇位上，上仗轉谷草便可與上週日嬴得出色嘅「喜蓮標緻」串Q，柏寶揀騎他駒而弱配郭立基，仍有位望。
「愜意小開」今季復出多次追得勁，直至上仗密跑下出戰泥地才失望，外地跑開2400此程應不成問題，保險腳之一。
第八場 3班 1800米
7.喜威寶 6.駕翠 2.陽光普照 1.帝豪名駒
「喜威寶」早前田草1400重現走勢，之後已連續3仗跑入3甲，今仗再遇前仗谷草對手而抽12檔，但預期跑到尾段外疊場地可能會較好，主要對手分別排1檔及「陽光普照」會有唔少前領馬對之施加壓力，夠未交代今場有力反先。
「駕翠」同樣於谷草受阻走光後增程跑同程取得1W1Q，今仗賽前一如上仗試埋大閘先出，唯一一檔要考驗取位作副選較安心。
「陽光普照」剛戰放快步速嬴，此駒今季8戰只得一仗嚴重受阻才失3甲，確認極忠心準繩，近5仗都用放頭戰略而今仗前領馬增多，勤拼下亦會作副較好。
「帝豪名駒」落返3班跑，事實上評分現時已冇大嘅上升空間，但如今晚跑跑下有雨落就令此駒能力大幅增強，列作保險腳。

賽道特色：對上一次田草賽事已隔是次有12日之久，而且當日只得4場轉彎賽事，養草時間足早段對內疊前置馬優勢會稍增，跑到尾段如雨勢持續卻可能令外疊場地較好。泥地方面，過往濕泥偏差唔算特別大，只係對濕慢泥地嘅場地適應要求較高。


全日馬膽：第六場 2.開心指數

冷門突擊：第一場 4.愛蓮說



賽日重心：
第四場 5.高分貝 6.鋼志 2.龍勝 9.追月
第六場 2.開心指數 4.巴其利 5.綠色寶 3.太陽海岸
第十場 5.華美之星 4.齊歡笑 6.天外之天 12.堅旺財

    


第一場 5班 1000米
4.愛蓮說 14.不老精英 12.創先機 2.鼓浪春風

全場馬只得一匹「友情友義」剛戰可得一席第3，而且同場多匹馬季內都未上過名，搏冷時機。「愛蓮說」有中距離級數，早前做手術根治喘鳴症操好先出，加上KEEPER子嗣見水即生，成冷可搏。「不老精英」轉倉後兩戰均冇特別操過就出，今次賽前積極備戰，外地曾大勝黏地，71分自購愛爾蘭馬絕對有反彈空間。「創先機」今季轉倉後場場都輸唔遠，有14檔之助有權好似「勝利大將」般突如其來。「鼓浪春風」4班同程上名近仗全部跑中､長距離賽事，小休後埋門做晒細閘､草地先出，積極。
「足球快線」4班亦跑得近，但2月曾缺課19日埋門功夫未見加強。「路路好」前仗快步速跟力拼「飛躍之鋒」。

第二場 4班 [泥] 1800米
1.俊威威 13.精算拍檔 5.勝利就手 4.中華寶寶

泥地1800近3季都明顯利內檔馬，特別係1至4檔，上次就有「國中之星」排2檔爆冷，今仗亦可評先內檔馬。「俊威威」前仗可於3班谷草1800跑入一席第3，今仗落班起用吳嘉晉，賽前試埋大閘先出，而且預期內疊只得「精算拍檔」較快，跟守2疊或BOX SIT都得，形勢好有機會出頭。「精算拍檔」前仗放得急唔斷，頭3名全部都係後上馬，有1檔之利可攻可守亦有權似上季般爆。「勝利就手」轉告廐初出，今季此馬房接手舊馬都幾急進，外地一戰膠沙地得第3，加上過往多次不利形勢追得好，排5檔有力一爭。「中華寶寶」初跑泥地，但同父馬就有一匹同程好手「乘風破浪」，11檔如放棄早段切入亦可加入戰團。
「金瑞」剛嬴泥地1650而只多負一磅，但內疊有「飛騰」同「俊威威」要外疊大利才有望。「飛騰」季初一役跑啱晒只得第4，近仗表現極差試閘好都只居邊線。「稻庭烏冬」剛戰走不利外疊表現不差，但14檔非常難跑。「彩虹幻影」有內檔但演出想失準。

第三場 4班 [泥] 1200米
2.萬人迷 8.雄姿儷影 4.榮進蜜運 11.歡欣星

多匹實力馬排晒外檔，而上次濕泥幾匹馬今次再同場再戰，如該場水準唔高有機會被其他馬一網成擒。「萬人迷」以往於4班短途泥地成績甚好，今季3戰取得2位1第4，剛戰就可走不利場地以勁勢追近，上季尾已嬴過濕慢泥地，而且強配馬偉昌，屆時交代。「雄姿儷影」上仗末段追勢強，最後幾步才有位上，今仗起用柏寶加上頭馬加分加磅後應可拉窄差距。「榮進蜜運」剛戰同場以飛快步速領放而差一步就可放到，今場雖排12檔但內則馬應冇馬夠佢快，如利放機會就可提高。「歡欣星」上仗谷草走不利場地追得不俗，賀廐馬起用勞愛德成績不俗，未交代馬賽前又做大閘先出戰意必高。
「仁心仁術」有同父馬「明海光輝」泥地績佳，近仗多次追得好亦要兼顧。「千軍萬馬」加分後優勢減，事實上暫時覺得未有太多上升空間成熱有介心。「勁啲啲」同父馬有「勁飛駿」於泥地上名，上場亞軍再出嬴如有賠率才保險拖一注。「萬寶駒」同父馬於外地多泥地好手，但本身未見佳處應先觀望。

第四場 4班 1600米
5.高分貝 6.鋼志 2.龍勝 9.追月

今場放頭馬大多內檔只得「正榮」雖從外檔切入，步速正常甚少偏慢，但前領馬實力不強下寧願揀一D後上爆發力強嘅馬作重心。「高分貝」今季爆發力比以往更強，多次衝22秒半末段，剛戰名次雖後，但走不利場地衝22.44其實難度極高，起用潘頓而且淋地2戰未失3甲，今仗可交代了。「鋼志」轉面篩後冇早前咁好，今仗重用眼罩配備，用後上騎師馬偉昌，同父馬濕慢地表現合格，未交代馬賽前落草閘現搏殺格。「龍勝」季初流鼻血後放草，回防後一直操而不戰試足6課大閘，上季休62日復出即爆冷嬴，今次用同樣手法必要兼顧。「追月」大前仗重見追勢，以往黏地亦佳取得1冠2亞，邊線腳之一。
「精嘜」剛戰走有利場地追只不過不失，幸外地兩勝軟地有支持點，可拖一票。「寶利多」近仗算有返D追勢，以往黏地曾入Q，冷才拖。「玩具神話」於上手馬房亦於黏地追得不俗，但今季只得一仗跑得較好尚未入位。「時來風送」賺場地入位今仗排檔外移，都係等跑短途先留意。

第五場 4班 1400米
2.卡加大師 10.美的人生 9.志氣高昂 1.愛歡笑

今場基本上只得3､4匹馬可完全劃死極混亂，同場亦有多匹備忘馬，臨場多數少注甚或不作投注。「卡加大師」轉高廐後脫胎換骨，於谷草1200不利形勢追得好後轉田草1400一條直路走大外疊追嬴，其後跑黏地亦於內疊追嬴其後可再上名嘅「天光明」，相對場地性能較安心而且有4檔天然好位競賽，作膽會比較安心。「美的人生」外地軟地3戰獲1冠2季，加上剛戰同場跑偏軟場地(2.74)可於不利外疊一衝而過，同跑線嘅「辣得醒」冇得追，今仗排14檔預期蔡明紹都係順其自然蝕位跑，作配較安心。「志氣高昂」外地濕慢地3戰俱季，連續3仗有獎金而且上仗走不利外疊都追得不俗，強配馬房愛將潘頓不可不防。「愛歡笑」剛戰追勢唔算強，但此駒出自ONE COOL CAT，同父馬「肥仔糖」､「帝豪名駒」及「闊袍大袖」跑淋地可跑高10分實力，亦要多加留意。
「敏歡騰」剛戰直路無望空之下勢頭強勁，當日場地亦偏慢，不過初跑1400要考驗。「喜樂洋洋」試閘追勢不俗，雖然告廐初出馬26匹只得1季，但同父馬初出及淋地都強，用10磅仔居邊線。「幸運來」前季黏地跑入位置，亦於外地大爛地試閘獲亞。「信賴」黏地曾獲冠亞季各一數據夠多，而且小休強，多季初出只得1次失前4名。「童夢」亦於2月26日場地偏慢放而輸唔遠，不過少有地起用王志偉，奇怪。「確威星」同樣曾勝黏地。「好精彩」近兩仗表現不俗，但增程1400要考驗田草亦非強項。

第六場 3班 [泥]1200米
2.開心指數 4.巴其利 5.綠色寶 3.太陽海岸

可以一注四連環一試，此4匹賽績､近態都極好，奇怪偏第六場，現時只係次序上之別，如利後追可以將後兩駒提升為前兩名。「開心指數」同父馬泥地能力甚高，3戰同程全勝而且嬴得易，睇返原來上次偏鬆軟場地(8.92果次)係大利放頭馬，故今仗如見情況相近以此駒潛力仍大有機會取勝，唯一缺點係濕泥全冇根據。「巴其利」同樣又可前置一齊賺，泥地性能出色繼續要留意。「綠色寶」早前偏鬆軟泥地追嬴大賺嘅「拼勁」，今仗強配柏寶6檔比「太陽海岸」安心。「太陽海岸」上仗無論步速､形勢都不利下仍以極強姿態追得勁，但今仗又外檔預期同一跑法追一段，此種泥地冇根據下如場地不利追就危險了，計能力估計評分潛力最強一匹。
「吉祥」外地膠沙獲1冠2季，但來港未見貫注力等下先。「肥仔糖」淋地好，但都係草地賽績，剛戰轉倉初出表現未見起色。

第七場 2班 1000米
7.熊英雄 6.幸運全勝 2.風火神駒 3.跑寶貝跑

終於見「跑寶貝跑」初遇過往一班直路中堅實力嘅對手，今仗多匹淋地性能又係冇特別證明，要考驗下太熱就唔值了。「熊英雄」只於剛戰轉谷草走不利場地失Q，同程更4戰4勝，上季受讓下鬥嬴本地一級賽冠軍「鷹之團」，二班絕對夠用，今仗繼續強配排外檔相對安心，搏WIN。「幸運全勝」剛戰追「跑寶貝跑」跑得勁，外地直路賽4W1T而且4仗爛地可取得2W2T，最大問題係跑得好加面篩作賽成疑問，試閘仍勁2檔於C+3跑道可減少偏差的。「風火神駒」休出特佳，而且級數足，賽前試閘時間快而勁，末段22.0，唯一問題過往甚銳嘅時候跑黏地大敗，作配較好。「跑寶貝跑」剛戰走有利場地而見嬴得辛苦，復課仍積極，太熱亦未有黏地證明下作配才安心。
「加州財子」同父馬黏地只得「包裝選擇」較好，剛戰對手雖強但走有利場地下不敵幾匹中距離馬欠安心，保險腳或可考慮。「旅英駿駒」黏地兩戰兩捷，前仗久休復出早段冇路可上，走勢尚可的，今仗有11檔之助可兼顧。

第八場 3班 1200米
4.芙蓉之寶 12.海鑽石 5.開心歡笑 2.寶正勁

「山頂」退出後另外兩匹強中強對壘，唯一無黏地支持下要考慮值唔值搏。「芙蓉之寶」出賽經驗較多，早前可以佳速鬥嬴「熊英雄」，健康出個小問題復出表現無之前咁強，但係此組依然夠用，嬴面最高。「海鑽石」初出可走不利場地嬴得輕鬆，明顯大超級，今仗初上3班應可刻服，但嬴開初戴頭罩要估，黏地能力亦要考驗，出賽第二仗如非反覆就可挑戰前駒。「開心歡笑」黏地5戰3位夠準，大前仗復出多次受阻仍追得不俗，今仗又有1個月休息期，夠級數冷勿忘。「寶正勁」外地兩戰黏地1W1T，小休個半月出賽賽前試大閘嬴得勁，時間亦好，今仗有邊線機會要留意。
「寶寶快車」外地曾兩度大勝黏地賽，可作保險腳。「戰士」過往黏地亦跑入季席，剛戰走有利場地開始回復少少走勢，可再觀望。「金剛驃」過往黏地3戰全負，幸同父馬「寶寶快車」外地黏地成績好，剛戰嬴得出色亦有位望。「心甜意合」同父多匹跑黏地都勁，睇下練馬師會唔會減多分先落4班出擊，近幾仗走勢不俗的。

第九場 3班 1400米
4.紅山茶 3.勁力 6.阿哥精神 1.閃爍武士

步速唔快但跑到尾段隨時外疊馬會較好，馬群應會擠埋一堆而爆發力強嘅馬就有權於外疊追晒。「紅山茶」初出以玩敵姿態嬴「添福駿驥」表現出色，今季復出同樣嬴得勁，可於中距離力克「精奇」，之後健康受影響失去跑打比機會，休後復出馬房其中一隻招牌馬應唔好唔出，同父馬有「恭喜發財」及「綠豆爽」跑偏慢場地成績好，跑出實力可橫掃。「勁力」轉倉初出兩度跑略短嘅1200於強組追得不俗，之後嬴完濕慢泥地跑正常泥地才打回原形，過往1400才是此駒最強路程，轉倉後初次跑同父馬「華美之星」黏地掂亦有力爭WIN。「阿哥精神」外地一戰軟地嬴，在港3戰均輸得唔遠而2度入Q，剛戰初跑1600與再出可嬴嘅「晨采」同過終點，回1400對手冇咁強亦可加入戰團。「閃爍武士」前仗追「華美之星」走不利外疊場地追得勁，剛戰氣管有血可抹掉此場賽績，但外地2戰黏地均大敗，可能一如廐侶「續領風騷」，作保險腳才可。
「旺綵」外地2度嬴軟地而1次入Q，同父馬偏向早熟如場地特佳或可入圍。「威老虎」外地亦兩勝黏地，但來港後同樣未有太多證明。「好嘜」近兩戰追得不俗但於外地兩戰軟地大敗，要小心。「威猛」前次追得好而剛戰受阻才敗，同父馬淋地能力尚可居邊線。「至尊飛星」外地曾嬴軟地但近仗表現實力初步見盡。「好心思」外地3戰黏地上名，但初增程跑1400難度高，剛戰威脅唔到「開心陶寶」表現一般而已。「閃耀小子」黏地1戰曾入Q，現時跑谷草會較安心。「魅力多」外地跑軟地1勝1大敗，上仗放表現失望再觀望。

第十場 1班 1400米
5.華美之星 4.齊歡笑 6.天外之天 12.堅旺財

跑到尾場偏差已確認，如外疊有利就可減低內疊實力馬評級而轉向投注外檔馬，因為有數匹實力都不弱的。「華美之星」越跑越進步，初出熱身後6戰未失3甲，前次佳速取勝後剛戰初增程1600竟可力迫「包裝搏士」，今仗回配韋達嬴馬拍檔，上季已嬴過黏地夠安心，如體力保持嬴面壓一。「齊歡笑」最大機會挑戰前駒，過往甚準繩唯一上仗無路可上才失獎金，柏寶繼續騎季初能勝「甜橙」及與「甜將」同過終點夠級數，而且今季跑黏地可追「精彩日子」及「牛精大師」，與前駒一拼進度。「天外之天」於上手馬房評分漸盡，轉東廐一試，以往多匹馬轉東廐即有突破表現，上季初出已嬴黏地賽，5檔可加入一爭。「堅旺財」剛戰走不利場地下追得比「育成王子」勁，前仗事實亦曾嬴後駒，今季一戰黏地可追「幸運雄威」及「太陽海岸」，升班作戰也不得不防。
「家樂飛」外地黏地跑得不俗，剛戰休出跑1000都近而且末段快達21.66全場最快，回此組亦夠爭。「金獅威將」上仗賺有利場地才追得勁，黏地過往兩次大敗須小心留意。「佳同」澳洲試閘及出賽均嬴變化地，但現時評分跑田草欠優勢。「喜蓮芬芳」初出一役跑黏地追得不俗，最後冇位上才輸得遠，冷門T腳之一。「香港神駒」外地曾大勝軟地，但剛戰入位追落冇勢。「育成王子」上仗落敗冇藉口了，今仗對手更強成熱便不值。

臨場冇雨睇黎唔會大利游水馬~
不過場地讀數2.75明顯幾慢...觀察下會唔會跟前啜腳難追~

泥地8.52 與季初「拼勁」大利放當日相近~
初步可以放頭馬評先~

泥地更新到9.21~
乾得好快可以計返正常泥了

辛苦啦 感谢分享。

好波 參考左

賽道特色：對上一次C+3谷草賽事於今年2月22日舉行，由於C+3跑道彎位夠銳，跟前內疊馬常有不少優勢，當日更加上場地偏快 (場地讀數: 2.68) 及轉彎步速多場加快，形成沿途貼欄馬優勢大增，而明日天文台預測將會有狂風暴雨，如臨場下雨唔壓地可能令直路走外疊馬優勢大增，故須多留意天氣情況及偏差才作投注策略。

全日馬膽：第八場 5.幸運雄威
冷門突擊：第二場 9.神奇馬車

賽日重心：
第一場 6.華麗堡 3.及時雨 1.大東海
第八場 5.幸運雄威 7.小宇宙 1.玉峽生輝 3.風雲上將

  



第一場 5班 1650米
6.華麗堡 3.及時雨 1.大東海 4.日月霸王

5班頭場賽事多數都對前領馬有利，可能馬主､練馬師及騎師都係未清楚跑道偏差時都會以較文靜方式去進行賽事，步速相對會較慢。
「華麗堡」剛戰休出跑田草初度上名，雖然賺步速及跑道，但盲門路程末段拉遠「駿威煌」距離表現已很好，今仗第2仗體力正強，而抽到內檔將大有機會守BOX SIT好位，好至黏地更曾於季初入Q，正路馬膽。「及時雨」轉倉後於上仗轉配備下走不利場地追近，落5班便大有機會爭取轉倉後首WIN，外地6戰黏地取得1勝4位甚準，如夠快更可頂住前駒守貼欄第2隻最佳位置，亦可挑戰冠席。「大東海」轉伍廐初出，1月轉倉後一直操而不戰，季內一落5班就可上名，而且上季初出亦即WIN，加上KEEPER子嗣黏地多數出色，亦有好檔用柏寶求即食。「日月霸王」剛戰大賺步速形勢只可捱入一席季席，但人馬尚合拍，同父馬「勝利金剛」､「御將軍」等都特擅黏地，如順利放出亦有力爭位。
「冰火」上賽後休10日復課，3月更兩度缺課而期間一課快跳都冇，等熱身後泥地才捧。「八佰匹」同父馬黏地冇問題，但馬實力差唔多而且抽大外檔難跑。「恭喜發財」今季黏地開齋但今仗排12檔亦甚難跑。「迅者」､「不老精英」匆出大幅增程唔易突圍。

第二場 4班 1650米
9.神奇馬車 10.威水福星 4.財神駕到 3.私家路

水準極低4班賽事近況有好賽績嘅馬甚少，故選返一D季內曾有不俗賽績嘅馬匹加黏地成績去選馬。
「神奇馬車」季初跑啱步速而敗以為實力一般，怎料其後顯著進步，先與其後再嬴嘅「勁擊」一齊走不利場地而嬴，之後亦再於不利分配下與「明旺」一齊衝入一席，安排小休跟跑一仗，今仗休後第二仗，6檔可守機動好位，同父馬黏地賽績尚可，本身跑爛地､泥地都不俗應能應付變化地，冷膽可一搏。「威水福星」今季轉倉後成績穩定，取得3WIN2Q，上仗初跑4班賽賺形勢下跑入亞席，今仗雖排9檔但內側快馬唔多可守2疊，同父馬「駟馬難追」於黏地兩度入Q，正路配腳之一。「財神駕到」現時於田草多併只能入位，轉谷草一試可賺級數，本身曾於黏地取得季席，亦可挑戰對手爭取第一WIN。「私家路」同場少數可於此程跑得好嘅賽駒，季初嬴黏地而且不必睇近績，上季重戴眼罩入位，用返嬴馬拍檔安國倫亦可預一席冷腳。
「按得掂」外地雖曾嬴黏地但亦兩次大敗，而且於9至15號缺課一週，用柏寶也難。「一定快」本身可於黏地入位，母線有長力冷勿忘。「回鄉精神」黏地可但上仗走有利場地追得唔多。「開心駕到」剛戰走有利場地及賺步速下跑得差。「白鹿勁」上仗步速跑啱被「森淼獵鷹」拋離。「傑出君子」休出好，但谷草成績卻甚差，如極大雨下才可令此駒有突圍機會。

第三場 4班 1200米
9.神童 7.必勝熊 3.深智能業 1.勁信心

跑至第三場就算雨中進行內疊場地應未轉差，今場多匹近績相近水準之馬作賽，而有中外疊馬搶嘅情況步速應可前快轉彎都正常，內疊馬優勢會增加。
「神童」近3仗越跑越穩定，而且連續2仗跑至氣管有血都能取得亞席，最重要係現時唔使放跟馬都得，剛戰對手「妙不可言」跑田草都近而「共同目標」早已指出非一般4班馬，今仗2檔可放或守BOX SIT，同父馬黏地勁多重安心，鄭廐未交代馬戰意必高，首選此駒。「必勝熊」早前已跑谷草追得不俗，前仗轉田草更可與「山頂」串Q，今仗轉用剛替同系馬「熊英雄」嬴馬嘅馬偉昌有誠意，1檔守前駒之後試準亦可爭WIN。「深智能業」上仗重用頭罩表現即回復水準，慢步速下直路走外疊以最快末段22.5追入一席第3，勢頭甚好，外地5戰黏地1W1第3尚可，11檔局追一段可爭入一席。「勁信心」上仗休出直路反撲上前，似重拾角逐興趣，賽前試閘輕鬆與一堆高分馬一齊走，黏地曾嬴亦安心。
「化工之昇」上仗加罩走勢一般，黏地曾1勝。「金鑽龍華」剛戰弱組完全唔追黏地可也止於4-6名。「大旋風」軟地可入Q但過往大幅縮程表現一般，唔用10磅仔雙重加磅也欠安心。「鑽飾天使」父系ONE COOL CAT子嗣黏地特佳，冇績但若臨場有雨必拖，論賽前準備今場也最強落埋草地試的。「海之宏」有黏地績但似未減夠分。

第四場 4班 2200米
8.勇先生 3.印度光輝 6.勝利福星 4.好運得福

谷草大長途混戰，同場有此程賽績馬甚多，步速亦難以估計，臨場就算跑變化地亦難去作出理想投注策略，如搏冷才可考慮小注。
「勇先生」85分自購馬季內減至45分水平就跑此程開齋，輕鬆取勝，之後密跑才逐漸失望，始終900幾磅馬體質較弱未必可頂得住，今次小休復出，上個月試完大閘再不斷拍跳打磨，3檔大有機會取BOX SIT好位，外地4戰黏軟地冠亞季殿各1，適應變化地全無問題，作膽。「印度光輝」前仗谷草走不利場地追得甚勁，匆出沙田怎料走樣，今仗回師谷草跑大長途，上季於此程與「旺國手」以半個馬位分勝負，黏地以往4戰2亞1殿夠強，正路配腳。「勝利福星」季初比現時高5分嬴田草1600，黏地亦曾勝，賽前一如季中上名般試大閘才出賽，重用柏寶現戰意。「好運得福」KEEPER子嗣淋地強，本身亦1戰即勝，大前仗不利形勢下追嬴後，兩仗一仗走不利場地及蝕步速形勢，剛戰更直路大力勒避無路可上，小休再出此程上季追得不俗，冷腳之一。
「康駿」季初表現勁但復出卻一步都冇。「家傳碧玉」起用韋達但前途跑2000走勢失望。「不老英雄」淋地準，唯月初冇快跳程序欠安心，成冷才拖一票。「追月」黏地不俗但初跑2200欠根據。「勁威小子」上仗不過不失經驗少下大幅增程亦難。「實業傳奇」有上調空間但同父馬及本身黏地成績差。「太陽奇妙」上仗小休出表現失望，幸此程6戰2勝2位夠強。「電訊高星」回4班作賽，同父馬黏地好亦有邊線機會。

第五場 4班 1200米
4.永順益 7.定做 2.駿方 3.百利旺

三T次關場次唔算複雜，範圍圍繞幾匹此程有根據嘅馬匹已足。
「永順益」67分自購馬外地一戰黏地即勝，來港後練者給予充足時間成長及取陣上經驗，近3仗開始展開收成期，無論放頭､跟前及留後均有不俗表現，剛戰慢步速走不利外疊追近後匆匆再出，續用柏寶有2檔之利大有機會取得第2場勝利。「定做」早前同程大賺形勢嬴，今仗預期會有相若形勢，如「駿方」順利放出就好有機會帶此駒上前爭勝，本身黏地曾取得季席，可捧。「駿方」季內黏地嬴同程，現減至相等評分有10磅仔之助，如正常場地今場為壓地後第1場內疊應可回復正常，如落雨更能突顯此駒淋地性能增加上名機會。「百利旺」狀態穩定，且10歲老馬冇保留，黏地賽績佳成冷再爭位。
「香港至尊」小休2個多月，期間兩試大閘轉配備出戰，本身初出一仗跑得唔差，有變身條件可拖一注。「團隊精神」追極都係位置，早前指出此駒於外疊會追得較勁，5檔如早段留守好位直路才移出外欄衝會更好，但淋地就會減弱此駒戰鬥力。

第六場 3班 1650米
9.旅遊小子 6.喜來仙子 3.香檳歲月 12.川河名駒

三T尾關邊線馬甚多，而且跑至第六場可能外疊場地會越來越好，今場步速早段可能會偏快而轉彎稍稍拉慢，故內疊馬未必有好大優勢。
「旅遊小子」此程起家，近仗轉田草1400以後追跑法多次追得勁，睇今季跑谷草早段落腳亦冇以前咁快，今次8檔可跟前列2疊生位未必比貼欄馬差，加配韋達一如「紅日」巫記都嬴唔到比韋達交代，雨地更2度入位有根據，做膽應穩。「喜來仙子」早已到谷草作賽吸收經驗，上仗跑1400走不利場地及蝕步速下追得好，1650同步頻未交代馬戰意好，外地5戰全跑黏地2勝1亞2殿，例追一段如外疊場地較好就能蝕得起。「香檳歲月」季初以出色姿態嬴「明興寶寶」及「紅山茶」，大前仗轉谷草作賽能力鬥「自由港」，上仗可與剛嬴田草嘅「至尊飛星」保持同速，此組會夠用，如臨場落雨亦能提升機會。「川河名駒」轉倉後曾跑同程走不利場地追得不俗，之後3仗轉田草可能級數未夠，現時返谷草會更好，外地2W均於爛地嬴，變化地有權出冷。
「愛睦善」季初能力鬥「安穩」，但休出後表現一直失望，地淋才諗。「閃耀小子」谷草特佳，小休第2仗體力充裕，12檔如跑黏地就可預以一席。「新力多」同父馬黏地恰可但剛戰休出熱身冇走勢。「奄尖大少」多次谷草跑得好要靠形勢之助，7檔要切入也非易事。「幸運金龍」大前仗跑田草勁但剛轉谷草表現平常，黏地更無甚根據。

第七場 3班 1200米
4.活力至寶 7.駿蹄飛 8.心中有程 6.帝國勇將

孖T尾關多匹淋地有根據嘅馬作賽，步速估程段段快大利內疊中置形馬，如內疊繼續好就多加留意內檔馬，相反亦然。
「活力至寶」今季跑落未算有FORM，只於前仗谷草追得稍好，季內常跑田草可能現時評分已難取得突破，今仗強配柏寶賽前試埋草閘先出，淋地特佳而且大摩未交代馬戰意必高，6檔相對較內或外都安心，希望臨場有雨可增加此駒爭勝機會。「駿蹄飛」黏地同樣2戰全入位，吳廐寶藏評分亦有空間係手，今戰抽到2檔應可跟「心中有程」而上形勢不俗，只要內疊場地唔差就有力挑戰前駒。「心中有程」近兩仗縮程效果唔差，前仗同「尊勝福星」鬥燒唔斷而剛戰走有利場地亦肯追，強配嬴馬拍檔韋達，淋地賽績佳4戰1W2T，但同樣要擔心內外疊場地問題只作配。「帝國勇將」只得1000磅馬淋地無大根據，但上仗走內疊不利場地追得不俗，今仗強配馬偉昌如外疊場地好有力出冷。
「搏得分」上次有利場地應要追得更好，但外地黏地強如變化地機會又提高。「牛精巨星」外地跑黏地除初出獲3冠1亞，上仗走有利場地但能頂住「幸運紀錄」及「禮尚往來」，有邊線機會。「連利福星」有黏地賽績，上場走有利場地追不過不失現時評分位置居多。「紅運福星」連續兩仗賺有利場地追近恰可，同父馬黏地強如變化地就要拖。

第八場 3班 1200米
5.幸運雄威 7.小宇宙 1.玉峽生輝 3.風雲上將

兩隻田草級數甚高嘅馬轉谷草作賽，而且排檔尚可，臨場要睇場地就可定邊一匹做膽，範圍唔多應熱門結尾。
「幸運雄威」連同外地三戰黏地全勝，剛戰氣管有痰不利步速形勢走外疊追近，早前嬴再出取得佳績嘅「堅旺財」及「太陽海岸」夠級數，轉谷草只要適應比「小宇宙」更好。「小宇宙」早熟應會盡用，同父馬跑黏地無問題，早前多場嬴步速形勢但姿態可人，今仗只有「幸運多寶」會對其施加壓力，屬前駒最大對手。「玉峽生輝」轉告廐近仗表現出色，小休復出有中距離級數可搏，上仗騎者發揮不智直路無路可上，今仗有冷味。「風雲上將」外地7戰4勝2亞1季極忠心，此系馬戰意亦好，操足而臨不得不防。
「勁有盈」現時評分要靠賺才可，黏地有根據的。「喜惑」短距離對手冇早前咁多，但未算太銳8檔亦難跑。「大進」過往大幅縮程表現並不理想，反而休出才好。「吉利大師」季初追嬴黏地賽，今場配柏寶要外疊利追才可拖。