賽道特色： 對上一次田草C欄賽事為6月9日，而之前一次6月3日都係用B欄，故參考指數頗高，當日內疊前置馬優勢極大，包括「奪金」､「特別熊」等都靠此內疊形勢嬴。泥地方面，外疊亦冇大問題，但由於兩次賽前十數日前進行過翻土工程，未知實際變化會有幾大，故先以實力行先，臨場再睇場地偏差揀馬。

全日馬膽：第六場 9.開心駕到
冷門突擊：第四場 6.好好運


賽日重心：





第一場 新馬 1400米
6.火辣神駒 1.奪目商人 8.奀皮仔 9.威駿寶
「火辣神駒」初出賺慢步速下不敵同賺步速嘅「赤膽」，證明未算太多，但次仗休出直路賽可自造稍快步速下可以不俗時間勝出，最後幾步已奠定勝局，今次匆出增程加7磅作賽，預期以其前速能輕鬆帶頭，同父馬俱有長力，對手未見增強，篤定再勝插三班。
「奪目商人」剛戰轉用潘頓明顯較為合拍，直路雖未能威脅「牛精好友」，但越俾越有，睇血統屬中距離馬，復課密跳三段練氣，6檔可夠快切入2疊前置爭Q。
「奀皮仔」上仗初出走勢極稚嫩下能走比較內疊場地追近，末段22.72而且姿態不俗，同父馬以中距離較佳，但小心同母馬「龜兔競跑」現時仍特擅直路賽，走光後成熱作配較安心。
「威駿寶」一系馬向來喜即拼，試閘多番推騎力磨狀態，同父馬「大欣賞」､「紅衣神仙」此程均有不俗表現，夠噸位有內檔之利防一出即作突擊。
其餘新馬初出均大敗，唯一「頌友」剛戰刻意走3疊領放有D變數，睇上次賽前試閘不俗，今戰少快馬或有邊線機會。


第二場 4班 1200米
7.軒轅勇將 2.豪宅福星 10.快達小子 3.新界福星
「軒轅勇將」經過一輪減分，剛戰休出操好即可於慢步速賽事中跑近，雖然未能威脅前領馬匹，但本身末段締22.47已算不俗，今仗更配合吳嘉晉復出少負6磅，8檔夠前速貼欄領放，對手未算強有力交代。
「豪宅福星」源自Elusive City，此系馬初出向來表現極好，20次中取得5W3P，本身達1280磅夠噸位，賽前試閘草地走勢輕鬆，泥地才稍弱，早做功夫可期望草地比泥地更佳，起用潘頓有權一出即掃。
「快達小子」轉高廐後前仗跑5班賽走內疊有利場地追入亞席，上仗上班增程追落看似唔多，但同場對手包括「勝利駿駒」及鄰近嘅「綠色快駒」均能提升名次，而回1200此組對手大幅減弱，此馬房首季戰意佳，機會馬之一。
「新界福星」試閘走勢純熟，雖然同父馬7匹初出全負，但此駒母線都屬早熟份子，而且紐國4試大閘取得1W1P都戴眼罩，初出已用試配備有誠意，有力左右大局。
「神聖金駒」試閘一般而同父馬只得「軍事出擊」PP4歲初出即勝，PPG宜先觀望。「好好大哥」剛戰早移出有利場地唔衝。「月光寶盒」試用開縫眼罩表現不俗，可纏鬥至最後100米，轉田草與師弟放步速應唔會太快，如成冷可拖。「威武飛駒」同父馬來港後表現一般，用韋達亦不宜高估。「有情風」曾於谷草慢步速衝22秒幾，不過馬房向來唔急進。「駿盈」季內上名水準唔低，起碼4班唔會冇用武之地，10檔卻不易發揮，只邊線機會。「利士寶」下季5班可即用，減多幾分更著數。


第三場 4班 1400米
7.天光明 9.童夢 3.多豐裕 13.五星酒店
「天光明」1月跑1600米跟快步速唔斷後次仗跑1400即可與「卡加大師」串Q，近兩仗休出跑泥地姿態甚為討好，上仗沿途留後以末段22.48追近，復課積極今仗排6檔可採用機動跑法，雖用合作率0上名率嘅郭立基，但未交代戰意應不差，對手不強可出頭。
「童夢」現時1400甚至比泥地更好，早前上名一役賽前有快跳程序，10檔會夠前速領放，今場步速壓力應唔算好大，如場地有助亦有勝望。
「多豐裕」試閘一般，上次超慢步速下鬥爆衝22.28只不過不失，幸蔡廐馬次仗常有大幅進步表現，2檔可輕鬆守BOX SIT好位，應會賺步速場地爭勝。
「五星酒店」今仗休後復出，操足兩個多月而試谷閘表現不差，能力未算證明太多，但今仗預期可跟「多豐裕」而上，形勢唔會吃虧，期望進步作保險腳。
「青出於藍」剛戰不利大外疊下衝落一般，落4班卻會有上名機會，但細馬負頂磅又添加返難度。「乘奔御風」上仗冠､季軍馬再出都唔得，而且用力多下用柏寶會成熱，季內已2勝唔會再急進。「寶中寶」近仗表現未算突出。「黃金褭蹄」上仗步速跑啱咗只不過不失，9檔預期唔易跑3度用梁家俊都未曾上名。「聚寶祥駒」､「奇無極」､「給力」､「聖氣凌雲」均在吸收經驗階段。「定做」減分期中。「長勝」上次輸心律不正，前仗1600表現唔差的，但跑埋今仗下季5班起步部署更理想。
第四場 5班 [泥]1800米
6.好好運 10.冰火 12.光芒四射 1.金滿貫
「好好運」季內兩勝5班谷草1650均姿態驚人，第一勝嬴4班都可交出頭馬嘅「威水福星」，另一WIN當日2-5名全部守好位，此駒唯一一匹從後列衝上而且最後幾步按韁而勝，絕非一般5班馬，同父馬「俊威威」泥地威力高而本身今季初出泥地1200都輕鬆追得勁，今仗刻意休40日出賽，完全符合今季小休出賽特佳嘅模式，唯一係季內兩勝賽前有大閘，但其餘快跳程序冇異，有賠率5檔應可守7-8位中置出冷。
「冰火」泥地常肯追，甚少輸得遠，馬房亦爭一WIN先夠數，上仗上名賽前亦冇快跳操練模式一致，2檔相對可守好位唔須要留得咁後，屬爭勝要角之一。
「光芒四射」配韋達2戰獲1W1Q，自從大前仗除返晒D配備後已連番見好，6檔亦預期能守好位，配合泥地1800近季模式內疊馬優勢頗大下可再度爭勝。
「金滿貫」近況勇銳，連續兩仗走蝕位下力拼嬴馬姿態出色嘅「神箭金剛」，谷草跑得好嘅馬通常頗適應泥地跑道，7檔跟「光芒四射」切入守前列位置，直路再用均速爭入一席。
「大衛金剛」確認回落等下季。「八飛」前仗同程4班追得不俗而且落5班成績甚佳，但已交代馬刻意配柏寶排10檔唔意克服。「發達心聲」剛戰與「神箭金剛」等守相若位置應要衝得更勁。「龍船快」增程至1800稍嫌長。「大東海」轉倉後未有起色。「快馬當先」同樣泥地特佳，細馬小休出賽會好，但又不幸抽到不利14檔，成半冷才宜拖。「日月霸王」近兩仗賺步速下唔入位，泥地亦非特別出色。「奪錶」轉倉初出，但11檔要靠追要場地幫下手先得。「愛心大使」由1月開始一直打磨至今才復出，9歲馬冇咩保留如13檔回復前速快放有力像「飛騰」般突如其來。「眾樂樂」上仗有利場地追落唔多。


第五場 3班 1400米
4.精彩 6.超勝多 5.卡加大師 10.好心思
「精彩」剛戰突然回勇，直路轉位衝竟仍可以22.01末段追嬴，姿態､時間均極為出色，此駒過往可於此程力拼「君子一言」及「確叻迅」，轉吳廐今季健康漸養回有正常出賽頻率，馬房未夠數承勇再搏。
「超勝多」鄭廐初出馬，外地增程作賽越跑越進步，試閘走勢純熟，而且用返2捷配備綁脷出賽，4歲澳洲馬成熟程度較足，對手唔算強有權一出橫掃。
「卡加大師」轉高廐後演出準繩，而且跑法甚居彈性，上仗快步速跟前直路可與「好心思」單打獨鬥拋離對手，但黏地作賽連環鞭下用力甚多，休息期比之前更短，搏得甚多下作配較安心。
「好心思」亦漸見進步，剛戰步速有利下直路越追越勁，但直路狂拼出頭最後被「卡加大師」反先，耗力同樣甚大，作保險腳。
「奪綵奇兵」名氣大來港後未及水準。「清新空氣」剛戰正常步速斷得甚急。「綠色寶」初跑1400過往以泥地較好。「歌聲飛揚」外地賽績一般3歲愛爾蘭馬熱身後會較好。「活力名寶」上仗走有利場地下追落唔多。「精精彩彩」仍居適應期。「強風駿馬」試閘有速度但斷得快貫注力未夠。「合駿騰飛」上仗走有利場地曾上名路程冇甚表現。「雙龍出海」剛戰走有利場地正常步速領放只得第5表現不過不失，今次內側快馬會增多。「開心陶寶」大賺上名後表現平常。


第六場 4班 [泥]1650米
9.開心駕到 1.俊威威 2.正歡騰 7.心甜意合
「開心駕到」轉泥地發展打疊兩仗入Q，而且姿態討好，前仗走不利場地力壓「電訊至尊」，剛戰更於快步速轉彎早早移出外疊衝壓倒相對較賺嘅實力指標「健康藍莓」，今仗對手快馬唔多下9檔應會夠快切入領放，賺形勢下爭取季內第2WIN。
「俊威威」重回4班作賽，上仗跑3班同程走偏快步速頂住取得季席，此組絕對夠用，起用柏寶負頂磅作賽，但上仗見用力比較多，相對前駒姿態上冇咁擔心體力，作配。
「正歡騰」轉沈廐直至季尾才回復佳態，連番蝕場地形勢下追入一席，上季早於此程大賺慢步速下嬴，今仗7檔慢步速唔使留得太後，未交代戰意高亦有勝望。
「心甜意合」同父馬「飛闖」泥地甚佳，本身一戰於3班1200取得季席，此廐馬不必介意近績，強配薛凱華成大冷要拖返一票。
「無敵」泥地性能不俗，上仗與「萬人迷」等相若位置應可追得更好，增程欠安心。「橫掃千軍」不合路程減分。「銀飛龍」同父馬泥地7W14P，但增程至1650要留後追要場地好才可提升名次。「神勇馬車」早前提過以往上名隔上賽唔會超過4星期，今次又隔咗超過30日。「不老英雄」密跑減分。「勇先生」減分甚多季內嬴大長途出色，試泥閘俾落反應不俗邊線份子。「傲闖」搏極都係4-5名返。「玩具神話」已回落。「雄姿儷影」上仗直路頭雖受阻，但望空後唔衝。「龍得風雲」再度賺檔位形勢上名，今次轉12檔就難跑得多了。

重心等等先~
轉頭做埋果幾場先出

第七場 4班 1800米
5.京城三寶 6.利駿 13.幻想家 14.財神駕到
「京城三寶」季初已經試過打疊上名，現時馬房未夠數下應會繼續搏，本身具4班頂實力，剛戰留守9､10位，直路移出外疊追越衝越勁，以全場最快末段跑嬴，其中一匹同場此程最準嘅馬，3檔可跟守好位，肯搏不難取得一席。
「利駿」前仗轉彎移出大外疊衝近已見回勇，上仗回配柏寶即在騎者出色嘅跑道智慧下走最外疊乾快場地嬴，今次再增程作賽，步速唔快下會較易適應，騎者未肯放手，可承勇再搏。
「幻想家」今季踏入5歲再進一步，近5場仗仗都輸得唔遠而且已適應4班中快步速，剛戰就於快步速賽事下頂到一席第4，今仗對手快馬唔多下可以往輕鬆步速領放，力拼入位。
「財神駕到」前仗同於快步速賽事中跟得急唔斷，上仗排外檔出閘唔快下留後跟跑當回氣賽，始終未交代好恨嬴，起用柏威廉亦有步速形勢之助力爭出頭。
「進攻足球」上仗走有利場地表現失望，今仗雖會賺步速但比另外兩匹一樣賺嘅讓10磅之多。「康駿」休出後未跑得返。「高分貝」已連續多仗蝕形勢下追得不俗，但今仗又要再蝕。「神州八號」剛戰唔見追勢。「精嘜」上仗步速相對「印度光輝」有利下表現不及後駒好，保險腳寧選後駒。「快快嬴」適應期中。「歡樂寶寶」減分等下季。「勇綱」與「傲闖」相近，未搞得掂。「得運歡笑」上仗追落一般，體重亦再跌。
第八場 3班 [泥]1200米
3.美麗昇華 2.巴其利 7.寶樹高盈 12.利圖
「美麗昇華」外地2戰2勝而且嬴得遠，來港後3試大閘走勢純熟，第一課草閘力留過終點一望空即大步衝上，其後兩課泥閘與高分馬跳表現更勁，自動湧上，今仗方嘉柏刻意將「綠色寶」報不合嘅1400讓路予此駒出皇牌作賽，起用柏寶搏殺格，一出橫掃。
「巴其利」早前已多次快步速賽事中放入一席，大前仗郭立基卻起步力留致敗，剛戰復出跑谷草利內疊情況下轉彎移出4疊發力唔斷，表現已可接近，回師泥地起用近期合作愉快嘅潘頓，快馬唔多肯放就可坐位望嬴。
「寶樹高盈」剛戰初出早段力留，直路移出不利外疊追得甚勁，而且轉彎咁快根本極難追趕，走光後柏寶唔揀騎，此系可唯佢嘅嫡系坐騎，今仗難度會盡地一煲攻擊愛將？11檔亦唔易發揮作配較合。
「利圖」外地膠沙地3戰獲1冠1亞，上仗初出輕追之下唔算太差，轉泥地居變動，有1檔之利甚易發揮，有機會配合而來，成冷要防。
「龍城動力」上仗與「時時攞彩」守相若位置被拋離，用韋達要負頂磅更難爭勝。「活力至寶」初跑泥地，但連草地都唔得泥地難以變身。「吉祥」前仗跑泥地表現唔差，完成時間亦唔慢，但上月中缺課8日欠安心。「小霸王」未適應。「嘉駿之威」試閘斷得快貫注力未夠。「時時攞彩」上仗只不過不失對手仍強。「超級精神」泥地普通。「都靈一號」此程甚好但12檔沿途蝕要外疊場地好先夠爭。
第九場 3班 1600米
4.歡欣滿載 6.非常精 7.香檳歲月 3.海鑽石
「歡欣滿載」具備3班頂實力，上仗走不利場地下亦追得不俗，1600未必會嫌短，今仗3檔可守中前列好位，起用潘頓期望季內可嬴多場。
「非常精」今季表現穩定，甚少輸得遠，前仗極慢步速下於外疊以22.15強勁末段追入季席，剛戰走中疊比頭馬「愛歡笑」場地差下力拼第2，但見姿態用力唔多，休息期充足如初戴面篩冇不良影響可續爭勝。
「香檳歲月」季初嬴馬姿態出色，可拋離「紅山茶」，剛戰不利步速及場地下沿途外疊衝，今仗有4檔之利步速亦唔會快，可一如季初嬴馬般形勢爭取季內第2WIN。
「海鑽石」初增程1600，本身4戰獲3冠1季，同父馬亦以中距離較合，但今仗排不利13檔好大機會沿途走外疊，加上上仗只嬴回勇嘅「首飾孖寶」未具中距離威力嘅對手，對手轉強只宜作配。
「喜蓮智星」季初大賺步速上名後近仗平常。「勝任有餘」剛戰田草1400都肯追，有狀態馬房部署跑此程威力甚強，成冷可拖一票。「好嘜」上仗末段被趕過冇還擊餘地。「太陽戰士」､「必勝精神」有待適應。「閃耀小子」現時谷草較好減定分等下季。「海南花梨」對手太強。「得男」賺完上名上仗平常。「火熱動感」上仗慢步速沿途外疊中後列追嬴，而亞軍「深智能業」以勁勢於谷草補中，上班仍唔可以睇少。「風雲」上仗末段受阻下反撲上前，有過一次經驗表現會更好，邊線腳之一。
第十場 2班 [泥]1200米
9.開心指數 10.好好計 1.金獅名將 3.紅衣叻叻
「開心指數」加面篩配備後表現極佳，連草地都能以佳速上名，4勝泥地後上仗不利內疊沿欄快放，直路仍能頂住季席表現不差，賽前再試泥閘先出，快跳課期密積極備戰，對手快馬唔多有力爭季內第5WIN。
「好好計」此匹愛爾蘭4歲馬適應得不俗，前仗喺強組跑近後上仗轉外地一戰即勝嘅泥地即以勁勢衝嬴，今仗賽前亦操足而來，配合吳嘉晉復出，2檔之利可守「讚賞」之後最多貼欄第3隻，直路應唔難搵位，可再爭勝。
「金獅名將」具田草中短距離級數，能多番與當時甚銳嘅「奇葩」跑近，今仗賽前試泥閘放到，時間竟快達58.9，泥地1050米閘可快過1分鐘都已極出色，而且姿態輕鬆，12檔如能切入2疊亦夠爭勝。
「紅衣叻叻」同父馬泥地16匹有4P，上仗末段反撲上前表現不比期望泥地勁嘅「利錢伯爵」遜色，有賠率可搏如利前置可爭冷位。
「讚賞」早前失黃金機會近兩仗表現平常。「旺當家」田草復出唔夠「文武維揚」衝同父馬泥地亦一般。「獵豹小子」以往泥地1650都冇斷得咁急復課俾落亦唔算追好多。「歐洲駿馬」大前仗大賺慢步速斷減分等下季。「利錢伯爵」同父馬､試泥閘均好，但成熱未出頭馬寧捨棄，始終有幾多係手要估的。「光輝出擊」對手太強。「自由勝」健康不穩對手亦強。「飛躍之駒」田草大前仗肯追上仗與「紅旗勇將」守相若位置卻一滴都冇。
第十一場 2班 1600米
8.紅山茶 10.勝利之星 4.精奇 11.皇龍戰駒
「紅山茶」此匹4歲PPG精英健康受影響前演出水準極高，復出初時雖未及以往當銳時，但近仗已見漸重拾正軌，現時跑法更見機動，上仗就守好位下直路拋離對手輕鬆勝出，上此組亦會夠用，3檔前置機動位非常好跑，作膽最穩。
「勝利之星」健康影響前亦期望甚大，現時具2班中堅能力，上仗強組頂得住第3表現已可接受，今仗強配柏寶盡人事求交代，如到尾場外疊場地好更為有利，機會馬之一。
「精奇」今季表現進步亦見穩定，近三仗雖名次倒退但都大賺步速分配而追得好的，今次小休2月個復出，以往休出要熱身一仗才好，加上蘇廐馬休完復出表現或失穩定性，作配較合。
「皇龍戰駒」上仗3疊跟前直路仍見纏鬥力，操練未見放緩，如能切入2疊以季內能力拼「陽明飛飛」計此組會夠，成冷可兼顧。
「傲男」剛戰泥地嬴得輕鬆，此程亦合，但多負12磅成熱只宜配。「帝豪駿駒」此程太長。「勁高手」上名一役與「皇龍戰駒」唔差得太遠，但相對應會較熱選後駒。「經典皇牌」連仗見好，上仗步速快下跟前咗都唔斷，馬房有手影就可搏。「佳同」剛戰締速出色，但今仗快馬會增多。「勁友福」上仗冇咩證明。「正白旗」此程非強。「漸信良駒」､「悅璐孖寶」對手大幅增強。「風雲際會」適應當中。

賽日重心：第六場 9.開心駕到 1.俊威威 2.正歡騰 7.心甜意合
第八場 3.美麗昇華 2.巴其利 7.寶樹高盈 12.利圖
第十場 9.開心指數 10.好好計 1.金獅名將 3.紅衣叻叻

賽道分析：今季谷草B欄偏差不穩，季初外疊大利而到季尾卻兩度出現內疊較好嘅情況出現，故賽前暫以冇偏差行先，谷草季內最後一戰，臨場執生吧！

全日馬膽：第八場 4.君河
冷門突擊：第二場 4.兆豐泰


賽日重心：
第二場 4.兆豐泰 5.創出商機 10.一言既出 7.中國好
第七場 8.駿方 6.沙紙 7.精靈勇駿 1.善寶
第八場 4.君河 5.易搏嬴 2.千杯不醉 3.踏浪而來

  



第一場 5班 1200米
4.千笑 12.旺財神算 10.嬴啲啲 3.海豚
「千笑」打疊三場非冠即位，而且排外檔早段耗力多下仍能克服劣勢，配柏寶甚為合拍，蘇廐馬銳開休息期前常可打疊見好，今季已有「奇葩」､「精奇」等例子，今次為季內最好檔位嘅一次，早前慢閘都肯追馬，如見步速太快稍留亦可，作膽最穩。
「旺財神算」轉葉廐第二次出賽，亦可能係生涯上最後一仗，季內於上手馬房曾以勁勢不利段速下追得第5，轉倉出賽後有合適路程唔報而刻意等今仗出賽，同父馬「太陽昇」此程此場地能力夠強，超輕磅戰意極佳有好檔隨時爆得。
「嬴啲啲」以往此程不比中距離差，休出前於泥地1200兩度追得不俗，已兩季未交代，起用韋達8檔內側快馬多有機會切入2疊，賽前試閘出色亦須兼顧。
「海豚」為吳廐寶藏，上仗轉苗廐初出快跟下最後幾步反撲上前，今場雖排10檔，但睇上仗起步姿態有權切入2疊，此類轉倉馬馬房重視可作保險腳。
「新薪」落班出賽，但季內完全冇FORM 1檔亦唔易突圍。「動力網絡」1400夠快此程應可守3-5位，但同樣冇績支持。「地上最強」未證明能力。「十項全能」轉倉初出，季內此程追得不俗，但相對其餘轉倉馬較熱下寧捨棄。「小鬥士」操都唔操得。「盈驥」剛戰慢閘反而順跟內疊移出追有利下只不過不失，今仗9檔唔易跑。「凱旋無敵」此程2次排外檔蝕唔起，上仗1000跟前賺場地相對有利而入Q，排返11檔內側多快馬又會打回原形。「好精伶」忠心肯追，但12檔留得後如步速轉彎正常外疊又非大利下止於3-5名。


第二場 4班 1000米
4.兆豐泰 5.創出商機 10.一言既出 7.中國好
「兆豐泰」同父馬13隻初出全負而馬房初出21匹亦全部三甲不入，點解仲揀此駒？吳廐馬少有地咁有心機試9課大閘先出，8月開操以來操練從未間斷，最近一課大閘前速飛快之餘末段俾落即有，餘勢亦唔差，配合同主馬同日出擊，再結合來港前已試閘第3，同母馬「有莊有閑」更一出即勝，排2檔破數據一D都唔出奇。
「創出商機」剛戰轉谷草此程排同一檔位早段搶放貼欄，只負於初出大賺嘅「勁勢」，第3名稍蝕嘅「勁啲啲」對之全無威脅，表現不俗，今次同樣內側快馬唔多下可切入內欄，起用韋達有力交代。
「一言既出」上仗賺慢步速但末段能力迫4班中上級能力嘅「火燎腚」，今戰3檔相對上次6檔好跑，賽前操足起用馬房合作佳嘅梁家俊，屬機會馬之一。
「中國好」連續兩仗排大外檔以全場最快末段追近，今次7檔已唔須要刻意留得咁後，以一貫追勁位望甚高。
「星運俊爵」健康影響大。「勁啲啲」上仗守好位唔明點解要轉彎飛到咁出衝，走勢就不過不失，今仗9檔前速唔係好快難發揮。「韻出真愛」剛戰沿途三疊末段反撲上前，表現越來越穩定，11檔要騎者好似「活力至寶」咁跑先可以克服劣勢。「勝在分秒」上仗表現平常吳嘉晉12檔會沿途蝕。「皇仁威龍」大幅縮程減定分等下季。「自由飛」試谷閘要段段比，轉倉排1檔只居邊線，睇試閘表現最多貼欄第3隻。「好好的」上仗有利場地唔衝。「西域雄心」剛戰「勁啲啲」移出後位置上賺晒但唔追馬。


第三場 4班 1650米
5.奄尖大少 1.過關勇將 9.重量級 7.豹顯神駒
「奄尖大少」4班谷草此程排內檔甚少輸得遠，評分明顯於4班有利，上仗田草1600守內疊好位能保持位置起碼見狀態水平唔差，轉谷草起用剛合作勝利嘅柏寶，有黃金一檔之利大有機會取得季內第3捷。
「過關勇將」連勝兩場氣勢盛，前仗大賺慢步速以為水準不高，怎料剛戰沿途走3疊均速偏快步速咁蝕直路可拋離對手勝出，而且姿態甚為輕鬆，用力不多下今次雖要負頂磅作賽，但步速會較上次慢更易發揮，葉廐近來多匹連捷馬都係2場夠數，睇下呢隻可唔可以頂埋第3鋪，已打疊報名週日4班賽，承勇搏得就搏。
「重量級」大前仗賺晒都斷，經前仗賽後不良於行後上仗突然跑得返，步速相對有利但能與「威水福星」單打獨鬥，今仗5檔冇甚快馬可沿用上次跑法，仍屬機會馬之一。
「豹顯神駒」季內識嬴同場同程，3月已試好試配備常戴眼罩操，應已適應，6檔可守好位有邊線機會。
「金添好運」上仗與「深智能業」一齊衝，勢頭不俗，但今仗12檔又要留到最後步速唔快會難跑，除非外疊大利。「開心動力」上季此程於1､2班賽事跑近，現已減至4班，跑得返就有上名機會。「愛睦善」近仗表現平常。「好運得福」上仗相近位置嘅「財源來」肯衝而此駒原地踏步，等下季。「故園情」落腳慢早前試閘用此配備俾都唔走，適應下先。「偉龍」冇季中咁銳。「回鄉精神」上仗好位下不敵「時來風送」，表現平穩最多一位。「高明威威」上仗空位唔多下最後能力迫「神箭金剛」而壓倒可再上名嘅「金滿貫」，但谷草計埋同父馬全負，11檔要追都係外疊好才提高信心。


第四場 4班 1200米
2.威威加瑪 9.元豐泰 1.田園名駒 4.軍刀
「威威加瑪」季內4班此程賺偏慢步速但能大勝「閃耀小子」，其後更於田草1400放到，於谷草4班便甚夠份量，前仗快步速於3班與「尊勝福星」領放，最後100才力弱而後駒入直路潰散，現時冇以前咁怕比馬迫，今仗對手快馬唔多，預計「田園名駒」及「元豐泰」有內檔之利會守好位，應只得「萬寶駒」轉場排外檔有機會搶，步速壓力唔太大下內疊冇不利就可放到。
「元豐泰」上仗再賺慢步速嬴，但直路能彈甩賺盡形勢嘅「日月暉華」，表現討好，今次有內檔之利可放可守BOX SIT好位，操練更積極，配合同主馬同日威威。
「田園名駒」表現穩定能打疊8仗有獎金，剛戰守好位能與田草都能嬴嘅「咁都得」鬥足一條直路，此組亦會夠用，4檔續用吳家晉配合馬房攻勢進攻。
「軍刀」季中初度復出，能以勁勢與「幸福滿滿」追「勁有盈」､「江山如畫」等3班強手，落4班便大為有利，此程亦曾上名，5檔好跑跑出正常水準會夠用。
「日月暉華」4班有利，但剛戰賺晒追落只不過不失。「千軍萬馬」泥地4班賽才強。「萬寶駒」轉配備後於泥地兩度跑得好，回谷草未可輕視，但10檔如外疊冇利就蝕唔起。「太陽昇」近兩季此程已非強項。「一定快」已回落。「喜樂洋洋」上仗與再出補中嘅「妙不可言」一齊衝，但今仗此駒冇後駒般出賽有內檔可賺。「雙月灣」未見追勁。「樂融融」試閘不俗，但預期「威威加瑪」放轉彎至少正常步速唔啱追的。


第五場 3班 1650米
12.魅力心 6.強中堅 3.魅力星 9.旅遊名牌
「魅力心」季內皮膚受感染前已於不利步速場合下以勁勢追嬴，復出後負頂磅作賽表現亦毫不遜色，上仗再於不利追步速最後幾步越衝越勁，今仗上3班作賽如釋重負，對手亦唔算強，步速唔快下1檔可守貼欄5-6位，一對放頭馬預期轉彎都唔會減弱啱晒發揮，爭取季內第2WIN。
「強中堅」上仗賽前試閘一般，但出賽時走勢卻極強，直路從馬群中取位能於強組中追入亞席，1､3､4名再出不勝有位，今仗排7檔預期1-6檔中應只得1匹居此駒內疊，2疊機動位置應甚好跑，亦屬爭勝份子之一。
「魅力星」前仗亦於該組跑近，而剛戰跑田草直路走內疊較差場地跑近，返谷草便夠用，同場快馬唔多11檔可順勢切入2疊，賺慢步速爭入一席。
「旅遊名牌」上仗於同場走內疊場地跑近，表現進步，轉谷草可賺田草級數而且3檔幾可肯定能沿欄輕鬆領放，壓地後內疊場地冇問題就能出冷。
「大進」季內賺步速場地於此程跑入亞席，今場2檔都會好跑，有邊線機會。「開心飲勝」未見適應。「精彩生輝」剛戰超慢步速與群駒一齊衝，改變唔到名次正常但亦未見特別好嘅走勢，12檔要外疊場地賺先得。「駕寶」前仗追落明顯不及前二名，10檔慢步速留後又要蝕。「財駿福星」不及季初時銳。「豁達瀟灑」上仗與「勁飛駿」相近位置唔係追好多，鄭廐馬季尾體重一再跌並非好現象。「太奇妙」季中已交代近仗表現平常。「百威將領」早前跑近大賺場地而已。


第六場 3班 1000米
9.仔仔女女 3.常山鳳寶 6.健康精英 5.金湶
「仔仔女女」季初此評分水平嬴「帝豪駿駒」，後駒現時已嬴上92分，上仗跑同程夠前速守好位，但早段卻被「金湶」嚴重阻及勒避，最後直路反撲追上表現不差，今次又抽到好檔位，外側快馬須多亦會夠前速守好位，多匹馬邊隻放到要估而此駒卻相對安心靚位，搵膽信此駒。
「常山鳳寶」於4班賺場地輕勝後上3班仍持續見好，上仗可再賺而嬴，今次7檔會夠快切入1､2疊，以往有3W由潘頓經手，配腳首選。
「健康精英」前仗能征服3班賽而蹄下敗將「得盛」次仗能嬴田草1400級數夠強，季初跑谷草快放但走B欄當日極不利內疊場地而敗，未確認谷草不合，4檔會夠快領放，有力轉場出冷。
「金湶」上仗出閘最快切入後唔快守好位，今仗排檔變差要克服就要立心積極搶，如肯放夠能力作保險腳。
「電光能量」上仗直路斷得快未得住。「勁卒過河」休出後表現一般。「東成西就」上仗賺步速場地追落唔多，今次11檔要靠場地才可突擊。「寶正勁」上仗跑近只因賺場地及超弱組。「喜萬家」夠前速而且近仗表現穩定，可惜12檔內疊快馬太多。「仁愛之友」近況平常。「領得」有待證明。


第七場 3班 1200米
8.駿方 6.沙紙 7.精靈勇駿 1.善寶
「駿方」此程3戰獲2冠1季，而且剛戰人馬合作可上名，該役快步速沿途走3疊下直路以勁勢衝刺，只不敵同賺場地但更賺步速嘅「帝國勇將」，後駒其後可於強組追近，此場季軍於此組便夠用，加上3檔會夠快切入守BOX SIT好位，就算走2疊都唔會蝕，小休一個月出賽部署合理，坐亞望冠。
「沙紙」近況回勇，走外疊蝕位下亦能取得亞席，今仗終排返內檔，早前排5檔就見夠快切入，同場只得「精靈勇駿」較快，賺步速下爭取交代。
「精靈勇駿」前仗極快步速領放下最後一百先開始力弱，並頭領放嘅「幸運多寶」被放散而守好位嘅「銀桂飄香」剛戰於二班賽入Q，水準夠高，重回谷草排10檔，但內側快馬唔多只要場地並非不利內疊領放可爭勝。
「善寶」上仗大賺步速後上嬴，幸姿態輕鬆，今次5檔相對好跑，負頂磅亦不宜輕視，因多匹互有勝負嘅對手都跑上2班了。
「閃耀之星」要排內檔早段輕鬆走才好。「旋風魅力」上仗表現只比「善寶」差少少，如外檔有利反先唔奇。「旺綵」剛戰第3，但第4名打後馬水準極低而且本身對頭2馬毫無威脅，1檔賺都止於3-5名。「駿蹄飛」休息期唔夠長。「巧龍」有待證明。「紅運福星」上仗應要追好D。「福喜」此程非強。「威老虎」未證明太多復出表現亦非好。


第八場 2班 1800米
4.君河 5.易搏嬴 2.千杯不醉 3.踏浪而來
「君河」季內與「勁高手」互有勝負，至少於2班並吃虧，剛戰快步速沿途蝕位下直路本仍可展開衝刺，但內閃嚴重下韋達冇點騎仍見肯追，今仗臨場轉潘頓策騎排2檔好位，大有機會唯一放頭馬，而且此程常見前置馬有不少優勢，作膽應穩。
「易搏嬴」前仗勁勢與「超群名駒」鬥，上仗卻因走不利場地才負，回配柏寶跑合適路程，季內未交代戰意佳，11檔慢步速柏寶隨時又出絕招放，機會馬之一。
「千杯不醉」季內勇態延續場場肯追，上仗於強組直路轉位衝下最後幾步追勢最強，今次落返此組會夠用，但9檔慢步速相對又會蝕得較多，作配較好。
「踏浪而來」剛戰突如其來，其實初出道已提及此駒嬴利雲錦標，早前兩匹嬴此賽來港可達精英班級數，上仗實唔應該錯過出冷機會，睇返表現剛戰大賺場地及前快轉彎慢步速，增程要考驗，幸有內檔及潛力，成熱仍可作配。
「迎風起舞」轉倉初出，但上手馬房都搞唔掂要減下分先。「魅力小子」､「龍騰虎震」有待適應。「福到威威」於3班大賺場地嬴馬後於此組考驗增多。「里奧威利」未證明太多。「卡通飛飛」早前近大賺場地及步速。「開心至愛」上仗賺步速唔衝。「非常好」泥地才好。

賽道特色：   對上一次田草A欄賽事為6月24日，當日跑道偏差明顯唔大，內疊前領有「吾誰與歸」､「佳同」等2疊放到，後追亦有「火熱動感」等，主要受步速分配影響，今次亦會以馬匹實力行先。

全日馬膽：第五場 3.樂馳
冷門突擊：第八場 11.多多利


賽日重心：
第五場 3.樂馳 5.幸運來 2.松風 7.捷領風騷
第七場 9.真慷慨 2.悅璐孖寶 8.阿哥精神 11.永勝多
第十場 3.光宗耀祖 4.快利多 2.勁飛駿 9.賀喜

  



第一場 5班 1600米
7.金玉之光 3.香港發 11.威陽 6.鐳射鎗
「金玉之光」大前仗重戴眼罩能跟快步速唔斷而於強組跑入亞席，季軍馬再出已補中，4-6名馬於5班亦甚夠份量，前仗亦能鬥上4班能勝嘅「感恩」，結果上仗慢步速稍蝕位下衝嬴4班級數嘅「的確好靚」，今仗賽前復課雖遲，但起用吳嘉晉負磅比上仗嬴馬仲要輕，體重亦不跌反增，9檔步速唔快易於發揮，承用再搏。
「香港發」前仗快步速下只負於兩匹較高水準嘅對手，該仗負132磅的，而較賺嘅「金滿貫」唔夠鬥之餘其後能3度上名，上仗轉谷草跟前作賽，前列馬匹最先一匹歸來，負頂磅下表現唔算差，賽前柏寶為其親操4課快跳，未交代馬動態積極，14檔切入2疊只負130磅有力爭勝。
「威陽」季初能嬴當時甚銳嘅「綠駿群英」及於近期能嬴4班賽嘅「歡樂寶寶」，可見未盡老退，季中回一輪後前仗超慢步速轉彎加快下走最外疊以勁勢追近，現時評分比季初嬴馬低一分，而且必拼冇保留，跑出水準就夠爭。
「鐳射鎗」大前仗能嬴此程，上仗雖失望但此馬房不必睇近績，前仗慢步速蝕位下再衝入一席表現尚可，列保險腳。
「清風駒」4落5而且季內跑4班1200追勢強，亦曾守好位下能嬴谷草1650，此程未必唔啱，有膽可拖一注。「綠駿群英」剛戰極慢步速轉彎力騎唔算斷得勁，17分同樣冇得保留，操足盡地一煲。


第二場 4班 1200米
3.旅遊小子 9.帝聖駿駒 14.杯盃勝 8.精明出擊
「旅遊小子」季內能於3班中距離賽事上名，亦數度於田草1400跑近，近兩仗落4班都受意外影響致敗，前仗最後幾步明顯被壓要收埋，上仗更直路早段已被撞至幾近收停，今仗縮程1200夠級數，刻意用吳嘉晉減磅，雖比較遲復課，但快跳功夫不減，弱組有力出冷。
「帝聖駿駒」上仗小休第2仗跑直路賽表現有進，雖賺有利場地，但能力迫回勇嘅「御鋒」，未交代而且東廐馬好開會好，4檔用馬房愛將之一安國倫，同樣有力爭勝。
「杯盃勝」初出已大幅落飛深受幕後重視，其後數度受健康影響，今季季中復出後出賽頻率漸回復正常，剛戰對手雖弱，但於慢步速賽事走大外疊衝22.49表現已不俗，於此弱組便有機會突襲。
「精明出擊」轉倉初出，於上手馬房季內曾於3班強組跑近，馬房另一匹同主馬3戰未有表現，應唔會安於嘆慢板，轉配備出擊不得不防。
「我的」一戰一勝，但嬴馬時間一般初跑轉彎路程須考驗。「特別熊」上仗賺步速場地嬴弱組，今次步速壓力將大增。「確威星」前仗賺慢步速嬴，今次冇得賺但2檔會易發揮，重遊勝途賽前趕大閘合格出賽居邊線。


第三場 5班 1400米
3.飛快威 4.桂花飄香 8.傑出君子 1.的確好靚
「飛快威」落5班打疊兩仗跑入位置，前仗不敵「怡情養勝」但能壓倒略受阻嘅「感恩」，剛戰早段快步速沿途走4疊望空下直路能迫近相對賺得多嘅「豐彩人生」，未交代戰意高昂，2檔會比對手易跑得多，作膽較穩。
「桂花飄香」初落5班作賽，上季能兩勝4班的，今季雖已冇咁銳，但仍可於4班入位，上仗沿途外疊步速唔慢下跑1600末段略為追近，回此程落班便夠做，正路配腳。
「傑出君子」前仗表現復勇，當日利內疊跟前情況下唯一一匹走大外疊以勁勢追近，其後能勝嘅「上浦駿將」於同跑線都唔係追好多，上仗亦利內疊再於大外檔衝得好，今次配季內表現進步嘅楊明綸少負6磅，有正常步速同具能力交代。
「的確好靚」於5班夠份量，多匹同父馬田好過谷，6檔亦會易發揮，上仗賺慢步速不敵「金玉之光」，幸對手能力已證明，只要體力保持仍可一爭。
「卡加精神」多次追得勁，事實上早前4班賽一役已見好，今次終於用返啱晒D配備，返田草亦有邊線機會。「喜相逢」剛戰直路早段受阻下仍衝得勁，1400可能嫌短但具中距離級數，步速夠快便可加入一爭。


第四場 4班 1400米
8.勝利駿駒 7.喜運財星 1.非洲之光 10.榮進蜜運
「勝利駿駒」慳完嬴馬後表現冇走樣，上仗利內疊下直路移出外疊以勁勢追入亞席，騎者見追唔到前領馬早已收韁用力唔多，復課柏寶再親自試三段，表現穩定作首選。
「喜運財星」季內嬴馬一役唯一一匹走內疊場地衝嬴，當日黏地外疊稍好的，上仗沿途要走三疊，直路能貫注到底表現不比賺晒嘅「飛馬之威」差，兩駒形勢逆轉而預計至少有正常步速，如內疊稍好更有力爭勝。
「非洲之光」早前已見接近表現，上仗初戴眼罩守好位下大賺形勢嬴，雖嬴弱組但能拋離對手姿態出色，賽後沈集成多課親操更見重視，加9磅排14檔仍有位望。
「榮進蜜運」季初跑得不俗，上仗早段跟得太急非最佳跑法，未交代戰意佳，居邊線。
「飛馬之威」季內兩勝賺形勢，今仗12檔有步速不易發揮。


第五場 4班 1400米
3.樂馳 5.幸運來 2.松風 7.捷領風騷
「樂馳」初出慳位追近後，可打疊不仗入位，而且4仗都係不利慢步速下追得甚勁，上仗直路左閃右避唔規矩下仍衝22.05，今仗初增程作賽，原起用韋達韁繩較好希望直路能衝得更順，現改用梁家俊慣騎後上馬應不會大損其戰鬥力，可坐位望嬴。
「幸運來」今季仍未取得首捷，但季內只得一仗輸得較遠，近3仗均只負於強敵，賽後安排小休從新展開操練，兩試大閘而最後一課泥閘能貫注到底，體力相對佔優季尾前置會更賺，前駒有咩意外就可勝。
「松風」季內53分嬴同程，現時只比當時高2分，上仗休出賺場地只不過不失，不過賽後驗到右後腳割傷，之後試眼罩大閘才出賽，體力有優勢而且今仗步速壓力應唔會太大，有望放入一席。
「捷領風騷」渝1270磅大馬上仗初出谷草末段有追勢，同母出多匹高班馬而且同父有「醒目精英」､「雄心威龍」等好馬，此程會更合，防突擊。
「金紫荊」上季79分嬴馬現時59分落4班大利，此程嫌長但已有多匹越程馬突如其來，有膽拖一注冇壞。「幸運勇士」未交代續用潘頓搏，上仗望空後衝落卻唔多，成熱就不宜沾手。


第六場 4班 1600米
4.軍士 7.印度光輝 1.過關勇將 6.感恩
「軍士」大前仗除罩於田草1800快跟下仍能頂到亞席而只負於相對賺步速嘅「豹顯神駒」，前仗直路未能望空，以及剛戰出閘大漏都敗不足據，今次賽前趕試兩課大閘才出，應有誠意一戰，對手各有不足可出冷。
「印度光輝」密跑下連續多仗都追得近，近兩仗都蝕慢步速下走大外疊以勁勢追近，上仗末段更快達22.39，今季始終未交代用普萊西只多負一磅，步速正速啱追就能一爭。
「過關勇將」季內已取3勝，大前仗賺超慢步速嬴後轉谷草雙重加磅仍能走外疊氣走「新力多」及「魅力心」，上仗負頂磅場地快下卻放得太急才以短距離見負，今仗回配吳嘉晉少負7磅，打疊報名應有誠意搏，步速唔快下有力再爭一席。
「感恩」前仗5班開齋後上4班再勝，兩場都大賺步速形勢的，今次多負8磅但又抽到2檔預期好位，又有機會再賺作保險腳。
「大快人心」陣上兩度馬鞍滑移，初戴眼罩一役表現出色的，今仗再換配備跑1600有邊線機會。「駿威煌」轉倉即勝，雖賺場地但姿態不俗，上班少負17磅用楊明綸亦有冷門機會。


第七場 3班 1800米
9.真慷慨 2.悅璐孖寶 8.阿哥精神 11.永勝多
「真慷慨」今季增程作賽後數度與三班精英跑得甚為接近，包括「飛翔星」､「財寶鷹」､「驌龍」等等，上仗不利場地步速下又再追近，末段更收慢未能力策，賽後仍有落草地､拍跳等功夫，只負117磅，只要陣上冇再咁多意外可再勝。
「悅璐孖寶」經過上季一輪回氣現時反彈，前仗雖大賺慢步速憑騎者出色步速知慧嬴，但上仗前正常轉彎加快步速下本不利外疊追，但此駒可以勁勢追入殿軍，而同跑線嘅「精奇」可明顯比下去，回此組雖要負頂磅，但對手冇咁強起用返柏寶，可承勇爭勝。
「阿哥精神」出道7仗從未輸遠，三度得第二未交代戰意好，上仗「佳同」變身取勝，但直路一直被「威猛」壓住衝，望空後可彈甩早已衝順嘅「永勝多」，此程前仗已跑得好，今仗亦屬機會馬之一。
「永勝多」轉倉後追勢更強，上仗初戴鼻篩亦未見壞影響，今次弱配則須考驗，作保險腳。
「喜競寶寶」前仗強組跑近，跑落唔比「花月春風」差得多，此組有邊線機會。「駕翠」谷草衝得差轉田草要適應，當初「豹顯神駒」亦如此。「翔龍」上仗跟快步速下走中內疊早出頭只以短距離見負，經一仗步速適應仍有上名機會。
第八場 3班 1200米
11.多多利 10.勁賽王 2.大家勝利 8.戰士
「多多利」初出一役前正常轉彎加快步速直路走不利外疊追近，當日亦走得蝕而嬴嘅「綠色好」其後就能加添2W2P，上仗轉谷草1200作賽，當日亦不利外疊，亦於不利步速走外疊追近「禮尚往來」，今仗預期有唔少快馬跟前作賽，步速應會啱此駒後追爭勝的，未必留下季用先勝一場。
「勁賽王」初出沿途走蝕位下，末段以22.87彈甩對手三個幾馬位嬴，之後增程跑三班甲一組賽事負頂磅作賽，亦可轉彎走多咗嘅情況下跑入季席，之後受健康問題影響休238日，復出跑直路賽快跟熱身，今次回師一戰一勝嘅1200米，只要跑出季初水準亦能爭取冠軍名次。
「大家勝利」季初能鬥「芙蓉威龍」及嬴「阿哥精神」，休出熱身後賺慢步速入位，上仗沿途走4､5疊能輕鬆跑嬴「綽力之城」，今仗4檔可守天然好位，有力爭入一席。
「戰士」大前仗雖因意外而嬴但可衝過相對蝕步速嘅「禮尚往來」，上仗再跑同程直路早已冇路可上當回氣賽，此類健康有問題嘅馬逢出必拼，起用潘頓有步速下亦好跑，居邊線。
「威威具星」上仗初出轉彎發力本追勢不弱，但騎者一早已收韁，之後兩度缺課，埋門做返大閘先出，田草未跑過用冷殺手之一嘅安國倫有膽可拖一票。「最著數」上仗步速形勢賺咗不敵大步嘅「尊勝福星」，今仗轉14檔會難跑得多。「吾誰與歸」上仗頭兩段超慢步速下以21.9末段彈甩對手嬴，但今仗初上三班步速會大為不同，成熱便唔值搏。
第九場 2班 1400米
4.好友福 8.好得意 7.尊勝福星 3.摩法神采
「好友福」近兩季都未交出頭馬，戰意必高，今季季內能於此程只以短距離負於「傾力之城」及「甜將」，上仗久休復出跑1200，沿途走外疊下直路走相若跑線以勁勢追入一席第4，不比進步嘅「風之子」差，今仗對手級數只二班頂馬，有力勝出。
「好得意」上仗以不慢步速領放，直路走中疊衝刺，亦能與其後能走蝕位嬴嘅「紅旗勇將」跑得相當接近，復課再試泥閘才出，能輕鬆以快時間跑嬴要俾住走嘅「蓬萊仙子」，今仗有「尊勝福星」以均速領放，9檔切入後會好好跑，成冷突擊。
「尊勝福星」上仗負頂磅前快後快放到，賺晒嘅「最著數」未能對之構成威脅，今仗初上2班作賽，同場對手冇快馬，此類均速馬易於發揮，只要湯智傑肯順走亦有力一爭。
「摩法神采」上季此程鬥嬴現時評分高一級嘅「人人興旺」及「家樂飛」，季中復出泥地多仗追得不俗，前仗跑此程當日場地甚黏軟或不及發揮，跑返正常場地排3檔亦有望爭取佳績。
「超皇鷹」前仗港澳盃嬴得出色，但上仗復出見內閃問題仍甚嚴重，居邊線。「堅旺財」剛戰直路受嚴重擠迫，望空後以22.38末段拋甩衝順嘅「確叻迅」，今仗唯一13檔留得後步速不利發揮，如外疊好可提升名次。「軍功」兩戰均以勁勢追入殿軍，今次強配潘頓檔位形勢亦頗合發揮，但成熱就相對冇咁值搏。「喜惑」上仗沿途外疊仍能頂住季席表現不俗，但14檔回此組便不易再入位。
第十場 3班 1400米
3.光宗耀祖 4.快利多 2.勁飛駿 9.賀喜
「光宗耀祖」初出直路賽，次仗黏地均有令出賽第三仗有變身條件，該仗即能於冇可能位置以22.01衝嬴「綽力之城」､「綠色好」､「善寶」等強敵，上仗再跑好至黏地，於大利內疊前領馬步速下直路三百幾米被撞失衡，再以強勢追入殿軍，今次增程作賽，但預期早段有正常步速下會有利追上，跑而尾段場次隨時外疊會更好，時廐隔一場又可再來。
「快利多」休息復出後重現追勢，前仗利內疊下走大外疊以22.09末段追近，剛戰直路未能完全望空下仍可以22.66快末段追得不俗，今仗6檔都係預期留一段衝，只要形勢冇不利居3班仍會有著數，力爭一席。
「勁飛駿」今季轉賀廐表現穩定，輸唔遠而且多場追得接近，早前於直路賽走內疊較不利場地只負於「熊英雄」､「風火神駒」等個多馬位，上仗直路移出不利外疊衝刺表現不差，初跑1400同父馬俱有長力，有新鮮感下可憑級數出冷。
「賀喜」亦係其中一匹於季尾常衝得好嘅馬，前仗跑谷草走當日極不利嘅大外疊跑近，而上仗最後百多米望空後衝得頗勁，轉用安國倫會更好，機會馬之一。
「驪龍」少數高廐馬一月落地二月已開操，一直無間斷操而不戰，而且一出已用外地嬴馬眼罩而唔用鼻篩，同父馬傾向早熟，如適應得快可加入戰團。「共同目標」上仗氣管有血，華廐寶藏下季上3班應有作為，有邊線機會。
第十一場 1班 1600米
6.醒目精英 8.一言為定 7.人人興旺 4.驌龍
「醒目精英」季內原以打吡為目標，怎料休出後未能跑返最佳水準，跑完打吡後休兩個多月復出跑1000直路賽，直路走中內疊輕鬆試衝21.88，賽前再積極備戰，柏寶親自包辦多課快跳課期，失打吡季尾多嬴一仗補數。
「一言為定」上季4歲大賽只負於「雄心威龍」､「軍事攻略」及「天久」等強敵，級數早已證明，今季亦能於1400稍賺下力迫「甜將」，剛戰黏地直路走內疊不利場地跑入一席第3，表現合格有餘，賽後再試大閘備戰，未交代戰意高，於此組有力言勝。
「人人興旺」前仗雖走有利場地不敵對手，但上仗有利內疊步速下與「讚惑」､「卡達聖」等有級數嘅馬跑近，此組亦會夠用，12檔立心衝一段力爭一席。
「驌龍」今季已取得4冠3亞甚好賽績，而且剛戰由1800大幅縮1400能力抗「總統之光」勝出，今仗用吳嘉晉負中磅作賽，14檔只要外疊場地唔太差仍有上名機會。
「富高勝」季內嬴「人人興旺」，上仗休出失望賽後試閘反應佳，同父馬跑此程多匹都唔差，居邊線。「福智」剛戰賺形勢下嬴「勁高手」，賽後備戰仍積極，試埋大閘才出，上班亦有望爭入一席冷位。