1#
大 中
小 發表於 5-8-2009 09:56 PM 只看該作者
(河馬仔專欄)元朗牛丸評論
某位網友強烈要求小弟入到元朗的話,要必食某店之牛丸,小弟一於入內親身試下,品味一下此店馳名之牛丸.
賭馬最講就係意頭,此店店名非常合意,當然招牌牛丸更加係人所共知,小弟亦唔多講太多口水,要了一碗牛丸河及油菜.
牛丸內之牛肉味頗夠,一碗六粒算夠食,只可惜牛丸之質感較"實",唔太夠彈牙,不過河粉就夠滑,而且一加辣椒油便非常刺激,食落麻辣而且能夠配合牛丸之牛肉味,以一碗牛丸河來說可算係合格有餘,再加了一碟腩汁油菜,都算新鮮而且唔肥,可以一試.
整體來說此店之牛丸河確比一般之粉麵店特別,去到元朗入去試一碗牛丸都不失為一個好選擇.
賽日密馬 © All rights reserved.
|
