日馬跑完後,又到夜晚六點左右,贏了錢肚又餓但又唔想換衫出街食飯去收錢的話,有時叫外賣都係一個不俗之選擇.
當然PIZZA外賣現在在香港一點都唔陌生,小弟都食過幾間連鎖或自家製之外送PIZZA.今次小弟就講講一間自己叫過幾次之外賣店---PIZZA BOX
此店歷史其實原來可以數到約80年代,現在在香港都算有名.近期打電話問過此店肯送外賣來我家,小弟便試試其出品.
1.千島三文魚薄批,三個人見到咁大個批都覺得有點出奇,打開後香夾熱而且個批身好脆及薄,有少少似墨西哥之TACO之質地.千島味唔太多而三文魚有點鹹鹹香香,送紅酒頗合.
2.當時加錢可要多個批,本身我就要此超級多寶甘薯批,個名就夠哂好意頭,有頗多意大利腸青椒洋蔥菠蘿等等,可惜批身略硬,甘薯甜唔多夾,幸好PIZZA料夠多及唔乾,可以拿回平衡.當然本人覺得之前的一個較好,始終PIZZA批底硬係較難入口.
看板娘---馬場樂子---對兩個PIZZA之綜合評分:
3.火辣雞翼---真係辣到乜舞都跳哂,喜歡巴辣的朋友應該會啱食,食個時真係要大大杯冰凍啤酒才是正路.可惜小弟不嗜辣,只食了一兩口已經開始麻了,但我的爸爸就幾喜歡啦.
4.小食拼盤---上面有豬仔骨(半份),蜜味濃,燒出來之豬仔骨一切開後肉嫩,全家都喜歡.中間為德國腸.腸衣較脆而內裡有點點辣椒味道,啖啖肉.再有雞中翼及薯波,小食拼盤整體上都算齊全,如大家想睇波打麻雀時食些少香口熱食此拼盤又真係不俗.
看板娘---馬場樂子---對兩個小食之綜合評分:
當然最後全家都食唔哂.結果成為第二天之早晚兩餐.
