發新話題
打印

03/04/2021 TKS 1 vs Double Joker 930 win 5:0 賽後報告

03/04/2021 TKS 1 vs Double Joker 930 win 5:0 賽後報告

對賽往績
03/04/2021 TKS 1 win 5:0 - 16x2 / 32 / 11x2 ( 11x3 / 14 / 4 )
11/01/2020 TKS 2 win 5:2 - 14x2 / 22 / 11 / 17 ( 32x2 / 22 )
22/09/2018 HV 800 win 3:1 - 11x2 / 14 ( 4 / 21 )


** 03/04/2021 attn : 4 / 5 / 9 / 11 / 14 / 15 / 16 / 17 / 25 / 28 / 32 / 36

03/04/2021 賽後報告 - Chi Wai
比賽初段兩隊穩打穩紮,於中後場搓波嘗試拉散對方防線尋找進攻方法,Double joker主力中場左腳仔控制節奏得宜,慢慢掌控主導權,令二打六一度要專注防務,戰至十分鐘左右Double joker仍然未有攻破二打六方法,二打六穩守企住陣腳後開始擅長既防守反擊mode, 前場幾隻快馬開始輪姦對方防線,可惜幾球都有心無力下射唔中龍門或輕鬆被對方解圍,此時費占終於要迫住使出強力口技,再換入幾個後備軍力圖改變己方進攻。 果然費占調動得宜,二打六開始反動迫搶對手,加上前線被費占強力口技激活覺醒,中場成功迫搶後由球王dee開始策動攻勢,帶波到禁區頂交比左面插入既rick, 於禁區內撚左兩野後揾到後上插入禁區既志偉做出橫傳,志偉食住對方後衛身位,一控一射應聲破網,終於打破薑局。Double joker被費占神調動後陣腳大亂,但繼續嘗試後場組織,可惜二打六man mark迫搶戰術成功壓住對手,球王dee把握一次對手傳球失誤,右路壓入禁區低線出個靚地波,rick望空撞射再下一城,士氣大增,一節完。

第二節比較平靜,Double joker繼續由左腳仔控制大局,兩邊嘗試進攻,二打六保存體力縮回半場穩守,有4哥中場鐵牆保護下加上後防線守出水準,門神貴既加持,對手多次施射都無功而還,愈攻愈前既清況下,rick把握對方進攻失誤下聽見神偷快搶手collie跑出靚位又大叫一聲"我又要食叉燒", 快腳傳到快搶手collie, 跟手拔足狂奔,眼見費占出盡奶力follow up上黎幫手拉開對手後衛,collie輕鬆直搗黃龍,面對驚惶失措既龍門輕鬆盪射近柱得手,比數拉開3:0 ,第二節完。

第三節開始,Double joker已經返魂乏術,攻極唔入,費占眼見大勢已去,換走自己由得隊友自由發揮,入更衣室沖返個靚涼,由於二打六第二節保存體力,第三節繼續迫搶Double joker
,於一次鐵牆4哥中場搶斷後快放左路rick, 輕鬆推入禁區施展rick一招,遠柱盪死角入網,去到4:0 , 開始放軟手腳既二打六雖然比對手尾段不停攻門,可惜全晚被門神貴通通接實,始終未能破蛋。完場前二打六繼續揾機會攻門,左路rick繼續rick二招撚到對手低線,撚無可撚下望見後上趕到禁區頂既志偉,果斷一傳,由於被rick二招同球王dee拉走哂對方後衛,志偉順勢右推,搭順步韻,眼見球王dee插入遠柱,有你無你咬哂腰扮傳實射破網,5:0埋齋收工。

總結:又係費占既功勞,激活覺醒對友,加上鐵牆4哥及後防線穩定演出,力保不失,5:0賽果毫無玄念


[ 本帖最後由 no.14 於 16-4-2021 11:37 AM 編輯 ]

賽日密馬 © All rights reserved.

TOP

發新話題